一專

营业中

休息中

最近見Mille係IFC 開左popup store,之前喺九龍灣嘅時候都預訂過去拎。而家開起IFC喺正公司樓下lunch落去買，太方便IFC員工好nice, 仲同我講點樣儲存方式最好食🥰Lunch買完，放工返到屋企食都仲係好脆，今次買咗原味拼開心果麻糬味，老公就鍾意原味少甜，我鍾意開心果麻糬，開心果味好香濃，食落口仲咬到粒粒開心果，麻糬煙煙韌韌加埋一齊超級好食。而家喺我公司樓下可以成日買🤭🤭🤭

新品朱古力麻糬千層餅是一道令人驚喜的甜品，層層分明的千層皮搭配濃郁的朱古力餡，口感滑順，香甜可口。麻糬做得好好，彈性與千層的酥脆形成絕妙的對比，每一口都令人陶醉。外層的脆皮更增添了層次感，讓人忍不住一口接一口，實在是甜品愛好者的夢幻之選！

已經幫襯咗好多年，平時屋企人食開原味，個個都已經大讚，又唔係好甜又好香牛油味又脆。👍🏻👍🏻👍🏻今次第一次同朋友仔試吓開心果麻糬味，個蛋糕同麻糬真係勁夾❤️ ❤️❤️又成位我頭三甲之一。佢同原味口感又唔同左。多左個層次。每一次訂呢間蛋糕店，屋企人同朋友都讚不絕口。真係好有成功感😂 Btw, 佢個一粒粒曲奇都好好食，又係脆口同好多果仁，鹹鹹地。不過未影到相已經俾人食晒。我今次係食左原味。下次試埋個朱古力味。😋

曾經自己生日朋友買過呢度嘅蛋糕俾我食，覺得好好食，所以今次有其他朋友生日，我就喺whatsapp訂購一個7x25cm原味拼開心果味千層餅，店舖聲稱叫客人至少兩日前下單，又一大串好長嘅訂貨需知同守則，唔緊要呀自問都跟足佢地指示落單及付款，整個過程都順利。點知俾晒錢先至同我講唔好意思，話同事睇漏咗日期，原來我要取餅嗰日已滿，加唔到單，問我可唔可以改期取餅！吓，我已經講明當日係朋友生日要慶祝，而且個蛋糕都加錢另購朱古力生日牌。我心諗係咪侮辱我智商，究竟係叫我個朋友投胎改第二日生日，定係叫我改期擇日再約朋友慶祝呢？係好有禮貌呀，不停唔好意思又話sorry咁，而且回覆得好快呀，但個整體體驗真係失望囉，「我哋建議即日食，即日係最好食」，咁又叫我改早一日取餅係咩意思？即刻放雪櫃聽日先食都ok？咁又係你地話「如密封好不漏氣放4度雪櫃，可三天內食用」嘅，咁我唔接受，係我問題啦，唔好意思！可能有啲人睇完覺得我係西客啦，anyway呢間係唔會幫襯，亦都會提點朋友唔好貼錢買難受。

每年生日都會試小店， IG幫到我，見到MILLE有我喜歡嘅黑芝麻和麻糬，結果⋯⋯果然冇失望，千層餅放咗幾日仍然非常鬆脆，一層薄薄嘅麻糬平衡到濃濃嘅黑芝麻味，好好食！除餅附送一把金色切餅刀，唔係膠嘅，又靚又重身又精緻，睇得出店主非常有心思，繼續努力！

呢個好多層次既千層餅有啲似古法拿破崙令我諗起細個好鍾意食美心嘅常溫拿破崙整體係好食既 成個蛋糕都係好有咬口，又有啲黏仲要有開心果既加持呢個啱晒唔鍾意食忌廉嘅朋友每個蛋糕麵會送個極高質既蛋糕刀😍