影片
营业时间
今日营业
13:00 - 19:00
星期一至五
13:00 - 19:00
星期六至日
13:00 - 18:00
以上资料只供参考，请与餐厅确认详情
最近见Mille系IFC 开左popup store,之前喺九龙湾嘅时候都预订过去拎。而家开起IFC喺正公司楼下lunch落去买，太方便IFC员工好nice, 仲同我讲点样储存方式最好食🥰Lunch买完，放工返到屋企食都仲系好脆，今次买咗原味拼开心果麻糬味，老公就钟意原味少甜，我钟意开心果麻糬，开心果味好香浓，食落口仲咬到粒粒开心果，麻糬烟烟韧韧加埋一齐超级好食。而家喺我公司楼下可以成日买🤭🤭🤭
继续阅读
新品朱古力麻糬千层饼是一道令人惊喜的甜品，层层分明的千层皮搭配浓郁的朱古力馅，口感滑顺，香甜可口。麻糬做得好好，弹性与千层的酥脆形成绝妙的对比，每一口都令人陶醉。外层的脆皮更增添了层次感，让人忍不住一口接一口，实在是甜品爱好者的梦幻之选！
继续阅读
已经帮衬咗好多年，平时屋企人食开原味，个个都已经大赞，又唔系好甜又好香牛油味又脆。👍🏻👍🏻👍🏻今次第一次同朋友仔试吓开心果麻糬味，个蛋糕同麻糬真系劲夹❤️ ❤️❤️又成位我头三甲之一。佢同原味口感又唔同左。多左个层次。每一次订呢间蛋糕店，屋企人同朋友都赞不绝口。真系好有成功感😂 Btw, 佢个一粒粒曲奇都好好食，又系脆口同好多果仁，咸咸地。不过未影到相已经俾人食晒。我今次系食左原味。下次试埋个朱古力味。😋
继续阅读
曾经自己生日朋友买过呢度嘅蛋糕俾我食，觉得好好食，所以今次有其他朋友生日，我就喺whatsapp订购一个7x25cm原味拼开心果味千层饼，店舖声称叫客人至少两日前下单，又一大串好长嘅订货需知同守则，唔紧要呀自问都跟足佢地指示落单及付款，整个过程都顺利。点知俾晒钱先至同我讲唔好意思，话同事睇漏咗日期，原来我要取饼𠮶日已满，加唔到单，问我可唔可以改期取饼！吓，我已经讲明当日系朋友生日要庆祝，而且个蛋糕都加钱另购朱古力生日牌。我心谂系咪侮辱我智商，究竟系叫我个朋友投胎改第二日生日，定系叫我改期择日再约朋友庆祝呢？系好有礼貌呀，不停唔好意思又话sorry咁，而且回覆得好快呀，但个整体体验真系失望啰，「我哋建议即日食，即日系最好食」，咁又叫我改早一日取饼系咩意思？即刻放雪柜听日先食都ok？咁又系你地话「如密封好不漏气放4度雪柜，可三天内食用」嘅，咁我唔接受，系我问题啦，唔好意思！可能有啲人睇完觉得我系西客啦，anyway呢间系唔会帮衬，亦都会提点朋友唔好贴钱买难受。
继续阅读
每年生日都会试小店， IG帮到我，见到MILLE有我喜欢嘅黑芝麻和麻糬，结果⋯⋯果然冇失望，千层饼放咗几日仍然非常松脆，一层薄薄嘅麻糬平衡到浓浓嘅黑芝麻味，好好食！除饼附送一把金色切饼刀，唔系胶嘅，又靓又重身又精致，睇得出店主非常有心思，继续努力！
继续阅读