スーパー丼 (大埔超級城) (已結業)

最近大埔新開左呢間良心舖，一直都想試，但係次次經過都排哂長龍。今次拉埋朋友一早黎，終於搵到位可以食野。座位都幾多，同上一手既吉野家既座位設計差唔多，右邊近玻璃既位會冇咁好坐，走廊空間會細少少。佢係自助形式既，去收銀買完，然後佢整完會叫號碼，自己拎返座位食。我見佢有部機可以自己落order既，不過未啟用。店員每個都好有禮貌，望入去準備野食既地方好整潔。因為選擇太多，我同朋友諗左十幾分鐘先決定到食咩。我哋分別嗌左︰天婦羅蝦和牛丼、牛油果醬油漬三文魚丼。MenuMenuMenuMenuMenu食物合照天婦羅蝦和牛丼天婦羅蝦和牛丼︰天婦羅蝦好脆，和牛好腍，飯有少少燒汁喺面，甜甜地好正，而且令到個飯唔會dry，好好食牛油果醬油漬三文魚丼︰三文魚數量幾多，醬油味唔會蓋過左三文魚，好食茶碗蒸︰超滑，好好食，不過略嫌唔夠多餸。總括黎講，抵食，好食，店員好有禮貌，必試既良心舖！

對上一次到SUPERDON已經是兩年前，當時仍然只得銅鑼灣一間總店，現在除了佐敦的SUPERDON Express外最近更在大埔超級城開設新分店。新店其實正正位於以前吉野家的舊址，而格局及點餐方式亦大同小異，需要自行到櫃檯點餐、取餐及找座位。丼飯由$48至$178不等，豐儉由人，每款丼飯更會附送麵豉湯及茶碗蒸，不過丼飯份量較細，對一般人而言就未必夠飽足感了。鵝肝和牛丼 ($98)雖然SUPERDON以吞拿魚為招牌菜，但之前在銅鑼灣已經試過其魚生丼，這次反而覺得和牛系列更加吸引。和牛略燒至半生熟保持粉嫩，毫不乾韌但部分位置略帶點筋，或因配以味道偏甜的醬汁所以顯得肉味較淡。而鵝肝則半煎炸至外層焦脆，看似較薄但依然油脂豐腴。帆立貝和牛丼 ($98)而帆立貝和牛丼則與鵝肝和牛丼大同小異，除了燒和牛之外配上兩件炸帆立貝。可惜炸漿略厚而且只得微微餘溫，相比之下鵝肝明顯更勝一籌。

We came across to this newly opened Japanese eatery for the Donburi. I was so excited when I saw the special promotion which they’re offered. The Superdon - Tai Po Branch is now offering a special promotion until 30/11/2020. Buy 1 item, and get a 2nd item of same or lesser value half price! (Monday to Friday only), see more details in-store or the picture below.Super 海鮮丼 (HK$128)👍👍👍👍This was overall a well put together Donburi that gives you a seafood delight with every bite. With salmon roe

我知道大家都餓左好耐，都好想返鄉下探下啲刺身同拉麵呀！我又何嘗唔係呢 T3T 今日早咗放工，去咗大埔一田行下止下渴，經過見到新開咗間Don，仲見到做緊新開張優惠，第二碗半價，諗都唔洗諗就入去啦為咗好好善用個優惠，叫咗個中高價位嘅鰻魚Don，加個雜錦刺身Don，跟餐配麵豉湯同蒸蛋，係喺日本百貨公司食food court嘅感動呀 T口T ！！！共勉之。

🤤🤤一直想食好耐，但無機會去！今次竟然開係大埔，無聽錯！係大埔！🤡仲要係黃店取代吉野家，無理由唔幫襯！😆🤞有好多選擇，又天婦羅🍤、又魚生、又和牛🤤🤤🤤貪心嘅我當然想乜都試！. 🍣Super海鮮丼 $128 (4/5)一碗有唔同刺身，有帶子、三文魚、呑拿魚片同蓉、魚子、甜蝦、油甘魚，可以真係乜都食下🤡 雖然晚市勁多人，但貌相都無走樣，而且好新鮮！🤤🤤我最中意呑拿魚蓉，好肥美！下次我一定會食呑拿魚系列丼😆個set有埋蒸蛋同麵豉湯，熱辣辣，蛋好滑，湯油布(豆付卜)又好味，快餐咁質素真係無得輸！.🍱鰻魚和牛丼 $98 (5/5) 和牛有驚喜！好香又唔韌！🤤鰻魚都大大份，最緊要係個隻生蛋，溝埋真係好好食！😍😍😍 大推！仲加左$10/3隻餃子🥟同$15巨峰葡萄🍇梳打！好滿足！

服務差...又貴又係唔新鮮我買果陣問佢要等幾耐..佢話10分鐘就有得吃...我老公D嘢15鐘就到，之後我問佢我嘅和牛&tempura幾時有..佢話要等多陣因為tempura 要時間煮...結果等左多45分鐘...我開始吃嘢，發現七味粉唔夠..叫個人拿D七味粉俾我...佢叫我用日本醬油...我同佢講七味粉同日本醬油都唔係一樣嘅嘢..但係佢佢不停咁從復叫我用日本醬油...之後佢終於拎左支七味粉果黎...但係佢七味粉個蓋冇鎖好...結果我整碗飯就變成咁😤😤😤😤佢冇對唔住就即刻走人😤😤😤😤😤😤之後我就叫佢哋賠返D錢

><裝修走簡約純白風 環境光猛整潔雖然前面好多籌號 但多數人都買外賣所以等拎嘢食唔會話好耐 堂食turnover都快Super海鮮丼($128)三文魚/ 三文魚籽/吞拿魚/吞拿魚魚蓉/甜蝦/油甘魚/帶子枱上有刺身豉油自行添加啱晒鍾意食雜錦魚生飯嘅人 每樣都有d套餐包埋麵豉湯同茶碗蒸鰻魚和牛丼($98)牛肉入口柔軟肉味頗重 非常高質鰻魚腍身肥美仲有醃蘿蔔拮穿蛋黃撈埋同有燒汁嘅白飯一齊食飯粒飽滿溫熱 而蒸蛋滑捋捋趁仲有第二客半價優惠要再嚟支持下先得><><><><><><><><>< ><><スーパー丼大埔安邦路9號大埔超級城B區1樓130-133A號舖

好耐無食過咁難食既野～一心諗住新舖裝修又靚要試下🤩因為係假日夜晚，都多人排隊，寫住得半個鐘但都好快可以買野食👍食味賣相都唔算太差，可惜一食就出事⋯飯係生⋯知你多人排隊等⋯但都唔好比生飯🍚人食丫⋯等排隊等攞野食⋯滿心期待點知黎d垃圾～sorry太直接～不過真係好難食～🍣魚生飯就唔洗講⋯更差⋯不過對魚生無咩要求既人可能覺得唔係太差～真係唔好意思⋯本人覺得解凍時間出左問題～處理得唔太好搞到成件事錯曬～一句講曬：去試下睇下係咪同樣見解😂

超級城係舊吉野家個位新開左呢間黃店，梗係要去一試啦😏 opening當日已見到勁多人排隊，就隔咗幾日下午茶時間先去，但都係等左15分鐘左右先買到野食🤨身為牛油果fans，第一次經過果陣已經決定左要試「牛油果三文魚丼」，盛惠$58，堂食有麵豉湯+茶碗蒸，外賣就得湯，見堂食好多人就揀左外賣拎到返屋企一打開，見到得幾粒三文魚有少少失望，雖然我鐘意牛油果，但都冇諗過三文魚得咁少😭但講返味道，其實都幾好食既，三文魚有少少油香，牛油果有成半個，三文魚同牛油果夾就唔駛講，連埋生蛋黃、wasabi同豉油一齊食係超夾😆 不過本身冇提供壽司豉油，如果有埋就好啦😋如果呢個價錢我會expect魚生唔止得咁少，呢方便如果可以改進就好啦😕

スーパー丼在大埔超級城開分店了～10月24號正式開張當天更有師傅現場表演切巨型藍旗吞拿魚，當然不能錯過了人潮漸擁，大家都很有默契的擁到擺放巨型吞拿魚的檯前，等待看切魚師傅表演，展現一下精湛的刀工。過程中師傅將吞拿魚切成小塊，稍後就可以品嘗這條由日本空運過來的吞拿魚了我們點了一份火炙海鮮丼和一份藍鯨吞拿魚三色丼，均附上濃郁的麵豉湯和茶碗蒸，滑溜溜的蒸蛋真的大人小孩都喜歡呢火炙海鮮丼有三文魚、吞拿魚和左口魚背，炙燒將魚鮮本身的油脂香氣都迫岀，增加了入口的風味。左口魚背帶點微微嚼勁，很有口感是日主角就是藍鯨吞拿魚三色丼，一次可品嘗到赤身、中拖羅和大拖羅。赤身是不含油脂的部位，入口清爽有咬口。中拖羅顏色粉紅，油脂均勻分佈。而肥美的大拖羅脂肪比例較高，富天然魚油脂香，味道最為濃郁，入口即化

大埔開咗間刺身丼餐廳，撞正正式開張，有巨型藍鯨吞拿魚原條切既即場表演睇，超大條，但師傅手起刀落，三兩下手勢就輕易處理到，望到肥美既吞拿魚，仲要係藍鯨吞拿魚，即刻好想食！藍鯨吞拿魚三色丼，有齊大拖羅、中拖羅同赤身，滿足晒三個願望，先由味道較淡既赤身食起，肉質較實，有咬口；中拖羅脂肪比例增加，有魚油甘香；最後仲有雪花般既大拖羅，最肥美，真係有入口即溶既感覺～～另外，super海鮮丼都好正，有多款刺身，款款新鮮，魚子吞拿魚蓉撈飯食好正，蝦唔會腥，good!跟餐既茶碗蒸好嫩滑，完美配搭～

#日本菜 係我嘅至愛知道「 #SUPERDON 」喺大埔超級城的分店開幕仲有原條 #藍鰭吞拿魚切割 LIVE SHOW即刻要去捧場！「SUPERDON」分為三個區別有兩個進餐處及收銀枱收銀枱後面個區域仲有落地玻璃可以望到商場環境環境舒適整潔而且餐牌仲有好多 #丼飯 款式選擇睇完即場切割 #藍鰭吞拿魚 後就有得上枱食🥰⊰⊹════════════════⊹⊱✎食後感 ：✨【 #藍鰭吞拿魚三色丼 】有 #赤身、 #中拖羅、 #大拖羅我最喜歡的大拖羅刺身很粉色食落帶一點入口即溶口感【 #SUPER海鮮丼 】驟眼睇裏面的刺身相當豐富包括有我最愛的碎吞拿魚茸白飯Mix #吞拿魚茸 一齊食質感軟綿綿而甜蝦也很大隻鮮甜無比仲有三文魚🍣帶子等加埋豉油Wasabi更加滋味套餐仲包埋麵豉湯及茶碗蒸夠晒飽肚啊🥳✌🏻

Superdon - 藍旗吞拿魚超級丼スーパー丼Superdon繼銅鑼灣和佐敦的分店後，最近終於有進駐新界區的分店，地點是大埔區，今天是新開張的日子，更加有師傅即場切原條巨型藍旗吞拿魚，非常精彩。藍旗吞拿魚三色丼三款不同的吞拿魚部位，塊塊刺身都厚度十足 ，有最吸引入口即溶大拖羅，魚油十足；厚切的赤身；口感和油脂在兩者中間的中拖羅，非常滿足。SUPERDON超級丼名符其實的超級丼飯，有大赤蝦、帆立貝、三文魚、吞拿魚、油甘魚、吞拿魚腩蓉、三文魚籽，一次過滿足哂，定食還配有茶碗蒸和麵豉湯。