コメダ珈琲店

营业中

休息中

呢間日式咖啡店喺黃埔開咗一個月，終於有時間嚟朝聖。可能係下午6點左右到達，竟然唔使等位就可以入座。我叫咗以下幾款食物：1.豆乳咖啡因為未試過日式咖啡，所以我揀咗豆乳咖啡，咖啡味好淡，我覺得好一般。2.照燒雞烤三文治估唔到三文治份量都幾大份，照燒雞好香，配合烤多士，味道唔錯。3.迷你冰與火見到隔離枱點咗呢款甜品，忍唔住都試下。雪糕好滑，好彩係迷你版，先可以食得晒咋。

餐廳好有日式家居嗰種溫馨😻木系嘅設計加上柔和嘅燈光，令人好放鬆好舒服🥰1️⃣冰與火（$65）其實除咗呢款甜品，就係無咩其他食物想試🫠不過下午茶嚟講一個丹麥麵包雪糕一開六份，兩個人食三份都唔少🤣怕多嘅可以選擇迷你版，係一開四嘅，但我嗰日食就賣晒了～丹麥麵包外皮酥脆，共有64層🤩裡面又唔會焗到好乾，有少少蛋糕感覺嘅鬆軟😍至於牛乳雪糕非常重牛乳味，而且夠晒滑又冰涼🤩想再甜啲可以加埋糖漿，幾鍾意佢嘅糖唔係死甜，仲有啲香味☺️冰與火嚟講，雪糕的確好冰！但丹麥麵包只是微暖，又不至於係火喎🤨📍總結：-㩒飛等位，紙上面明明寫過5張飛以內可以，同店員又話係3張🫠希望餐廳可以一致啲-幾開心每個位都有usb 同插頭座可以叉電（可惜我無線）

人氣日本名古屋Cafe👘聽聞呢間餐廳開業冇耐就非常有人氣,等張枱都要等個幾兩個鐘,今次一於黎朝聖睇下有咩咁巴閉😂我地大概十一點半黎到拎飛,唔算多人,前面有17張枱,等左一個鐘左右就入得啦!環境幾有日式家庭餐廳既感覺,座位都算寬敞,但我地發覺有時有啲空位冇人坐都冇入座🤷🏻‍♀️《公司三文治/多士 $68》我地揀左多士,麵包烤得幾脆,外脆內軟,三文治既餡就係正常既蛋沙律啊火腿啊生菜個啲,以呢個價錢黎講都幾大份,食晒都幾飽!《炸豬扒方堡 $75》炸豬扒方堡幾抵讚👍🏻豬扒炸到好脆身,唔會淋左,肉質都幾彈牙,幾好食!《冰與火 $65》冰與火用左自家製嘅丹麥麵包配上牛奶雪糕,我地本身想叫迷你版,可惜賣晒😕丹麥麵包味道正常,冇咩特別,唔係烤到脆身個種,反而牛奶雪糕有啲驚喜,好香牛奶味,雪糕幾份量都幾大舊,唔錯👍🏻《Komeda特製黑咖啡(大杯) +$26》呢杯咖啡係Signature飲品之一,有一小杯奶可以因個人喜好而加,加埋黎飲都幾順滑,值得一試!《紅豆小町 蓳 $48》呢杯就係紅豆牛奶,老實講唔係太驚喜,不過紅豆幾多🫘,甜度都適中,算係咁🙈整體對呢間餐廳感覺唔錯,略嫌上菜速度比較慢,都等咗成半個鐘

常有日本壽司店在香港開分店，今次就有一間咖啡店兩個月前來到香港黃埔！コメダ珈琲店 KOMEDA's Coffee 是名古屋人氣連鎖咖啡店聽說初開業時排隊可以圍繞黃埔號一圈，吸引力有點嚇人呢沒想到時隔兩個月才來還要等1小時左右才安排到入座香港分店沿用日本店傳統設計風格，主要採用木和磚的元素，有種舒適休閒感。餐牌當然也有保留原有的特色，另外還有"香港限定"，發現燒賣 (笑)雖然有實體Menu，但都是用QR Code下單，甜品可以一拼點再選擇餐後通知再上。不過甜品竟然先上，而且告知店員時，他的態度有點不太禮貌也像不想回應  ... 因為看到我們選的飲品有 "Take Out" 圖示就問了一下那玻璃樽是不是可以帶走。其後另一位店員有解釋暫時沒有，之後才會有外賣那樣子。咖啡奶昔 ($55) & 橙汁 ($40) - 玻璃瓶是不是很可愛呢?不知為什麼跟橙汁會有一包調了味的花生。奶昔應該是用雪糕來打? 有吃到少少碎冰，咖啡味淡淡的，整體偏甜一些。另外也有在賣咖啡，覺得好喝可以買回家自己沖來喝。KOMEDA迷你拼盤 ($45) 迷你三文治可以免費轉做多士。是經典的蛋沙律+火腿+青瓜。餡料都算厚身，加上

黃埔又有新餐廳！今次係名古屋café 🍴コメダ珈琲店。新開無耐就去咗食：食咗：🍦迷你冰與火$48（分大細size）▪️香辣炸豬扒方堡 $75（可切兩份/四份）▪️紅酒燉牛肉 $90 （跟兩片法包）☕️歐蕾咖啡 $26（跟餐加配）🥤蜜瓜雪糕梳打 $48-上菜次序：飲品 - 主食 - 甜品每杯飲品都會跟一包豆，食落似魚皮花生。當時唔知係咩用意，香脆幾好味。睇返資料，原來呢個係名古屋喫茶店文化，嗌飲品會送豆菓子。今次飲咗咖啡歐蕾（牛奶咖啡）同蜜瓜雪糕梳打。梳打特飲成隻綠色襪咁，頂頂有牛奶雪糕，童心未泯睇見都開心🥳。成杯飲品，有被牛奶雪糕驚艷到🤤係香濃牛奶味。-方堡有四款，分別係原味炸豬扒、味噌炸豬扒、香辣炸豬扒同炸蝦。成塊豬扒都有麵包糠，香脆有肉汁，辣醬食落似日式辣咖喱。方堡麵包鬆軟，食晒呢份真係飽晒。另外仲叫咗紅酒燉牛肉，跟法包兩塊。牛肉軟腍，中間白色係原味薯仔沙律，連紫菜絲一齊食，味道好似章魚燒😂。🧊🔥一開始睇到介紹係俾甜品冰與火吸引。未食喺到估會唔會係冰火交融呢🤩甜品冰與火有分兩款size，有主食當然叫一份細嘅試試味就好。丹麥麵包聲稱有64層，不過甜品嚟到當然要即刻品嚐，同埋雪糕就快融🙈食先

日本來開分店好難食呀我在日本食過。其實日本洋食是唔好食，勁重澱粉質，尤其是早餐，勁大份量的澱粉質 意粉原來是烏冬，蕃茄醬太酸蝦堡，我都是等麥記回歸，平靚正牛腩太瘦，汁唔夠味原來甜品是包，又澱粉質 唯一好坐是椅子 夠大，我坐坐下好想訓加上是自敝位，更想訓

🥢 KOMEDA Coffee @黃埔AEON唔知係熱潮已過，定係因為佢哩日嘅意粉同方堡都賣曬（基本上淨係得返咖啡甜品小食可以叫～）嘅關係，所以排隊等位10分鐘內就入得🤣🤣心掛掛杯咖啡，又想試下佢地嘅甜品就話咁快就回頭了hahaaa，甜品真係出色過主食好多🌟哩個OpenRice超多人推薦嘅冰與火 ~凍冰冰嘅香滑雪糕配熱辣辣嘅香酥丹麥麵包，再加埋楓糖漿😛🤍甜甜地配咖啡一流👍🏻👍🏻另外今次仲試咗想試好耐嘅維也納咖啡🤣原來即係加咗忌廉嘅黑咖啡haa喜歡cream的我表示喜歡~不過好邪惡嘅感覺🥲整體來講~啲座位真係幾闊落好坐（特別係今次坐咗入去入邊啲嘅位置），越來越少人排隊嘅時候，就更加適合攞埋電腦過嚟傾嘢做功課（完勝Starbucks😂👍🏻)🌟KOMEDA咖啡 $39🌟迷你 冰與火 $48🌟維也納 咖啡 $45📌 地址:黃埔號(第6期)AEON Style地下G01號舖營業時間: 07:30-22:00

環境係幾好嘅，坐得幾舒服，可能我夜晚去唔係繁忙時間所以人唔多。食物份量算大，但係味道一般般，我食咗個黃金炸牛堡同歐蕾咖啡，價錢係俾個份量嘅，同味道不太相關，如果係嚟放鬆下，享受下me time係ok嘅，但嚟食味道就.....

第一次留食評。等左90分鐘先有檯。最後入座既時候已經趕住要上堂所以被逼外賣左杯野飲。中間見員工行黎行去又出左好多張檯都唔叫飛。行到過去前檯想搵人問下要等幾耐。淨係識叫我等。冇下次！零服務！

諗住黎試下佢既早餐，等位既時候已經聽到佢地某男侍應當住客人面前教訓其他同事已經有啲反感。到上餐時，該名男侍應又講錯自己上緊咩，又自把自為改我地order，之後上餐太慢，我先生趕住翻工，想將咖啡轉外賣，又話無外賣杯，到我先生走左，男侍應又拎個外賣杯比我其實餐廳既食物唔錯，咖啡幾香，面包鬆軟，本身重想之後其他時段再黎試下，但咁既服務真係令人卻步。晨早流流食個早餐食到咁，真係印象深刻，都好難令人想有下次。

非繁忙時間，等－張飛也要等30分鐘時間，食物選擇太少，意粉份量少，質素一般，追加了蛋沙律分量少得嚇人，一啖左右，U字頭咖啡店比佢好，服務員態度也不太友善，無下次！

香港真係好缺乏呢一種咖啡連鎖店。一個人去飲啡，都有一個闊落嘅間隔，可以邊啡邊輕鬆工作。或者裝修，可以好多人做到，但係氛圍呢樣嘢，唔係話抄就抄到。🍳 雞蛋薄餅多士 （$68）🍕等左大半個鐘頭位有少少餓，叫份雞蛋薄餅多士送下咖啡。上層係芝味濃郁的薄餅，下層仲有軟綿綿嘅暖暖蛋黃醬，中間又有厚切的山麵包吐司，厚到唔可以一口食完，分開上都係一種滋味。🥗 迷你沙律 （+$20）🥗想要點菜嘅話不妨加個迷你沙律，相當日式嘅菜絲薯仔沙律，滿足你一餐嘅健康需要 （好似係），椰菜絲加上醬油，或者特制醬汁都好好味！☕️ KOMEDA 珈琲 （+$20）☕️黎到コメダ點少得叫杯熱嘅house blend?嚴選嘅秘方咖啡豆，神秘之處係唔會在店炒豆，等你估唔到係咩豆溝咩豆，唔同其他咖啡小店。不過簡單地加糖，加忌廉，炭燒咖啡絕對唔會令你失望。隨啡送一包豆菓子，好似飲啤酒必備花生咁，增強口感嘅配搭之道。

今日夜晚7點半係 網上平台 拎左飛，等齊人後再睇下網上平台,發覺仲係我張飛，我地就行過去。去到門口發現門口都有人等緊，唔係好多，但都有幾堆人。走去問左個職員企係收銀（一個呀姐），同佢講我係網上平台機叫左號個個 ，想問下係要補飛定重新拎飛。然後呀姐答左句，咁你等等。 佢就望下個場，以為佢搵張台比我，點知佢望完就無理過我地。跟住，我地發現間鋪有好多吉位（2人座），有食完野未執台既4人台。 其實都發現佢間鋪人手唔係好夠，諗住都坐底等一等。 一等就20分鐘，期間一開始答問題既呀姐企定係個收銀位（但無人埋單），本來以為呀姐可能唔係執台既，但佢又會去幫客落單斟水。結果等地係等左差唔多半個鐘後，走左。因為相信就算入到座，都係一場漫長等待，比錢買難受。附上有台無人執，然後等呢個男職員做野，送餐呀姐繼續做招牌企係門口R手指去左對面食牛丼 一樣都係日本公司，但管理唔同就係唔同效果

🥢 KONEDA Coffee @黃埔AEON黃埔新開張嘅日式家庭咖啡店～開張左成個月都仲係人山人海，排隊等位最少20分鐘～ 上網睇評語係話佢哋嘅咖啡飲品高質出色，食物就麵包鬆軟 味道普通🤣🤣網上評語果然準確🙃咖啡真係高質～應該會為咗杯咖啡再幫襯((而且環境裝修間隔，其實好適合帶埋電腦過嚟一邊飲咖啡一邊做功課，仲有60分鐘Wi-Fi🤓))，食物味道麵包真係好鬆軟 蛋沙律都好出色，其他都係普通😂😂😂可能會下次過嚟飲咖啡//試吓其他小食～🌟KOMEDA咖啡 $39KOMEDA迷你拼盤 $45炸蝦餅方堡 set $108追加食品：燒賣，多士配合飲品：粟米濃湯📌 地址:黃埔天地黃埔號(第6期)AEON Style地下G01號舖營業時間: 07:30-22:00

好似少咗人，但係依然多人有一半個場係cut咗因為職員係唔夠人手㗎好可憐呀咁辛苦但啲態度都仲係咁好成個場好似唔夠10個人連埋廚房出面兩個收銀侍應櫃檯一腳踢正常日式甜品味道唔差，如果係日本材料，甘質素OK，所以貴佢出名嗰個雪糕丹麥餅，雖然個餅唔會太暖．但係仍然鬆脆，撈埋佢個蜜糖幾好味有少少撈亂，佢個咖啡啫喱 同 雪糕牛奶咖啡果淉，牛奶咖啡我平時唔飲咖啡都OK不過我加咗落去嗰個咖啡果凍嗰度再放埋佢既花生（菓子？）係雪糕撈埋！正正子試埋炸雞🍗 都ok 蛋多士正常！我諗啱啱開舖嗰陣好忙，所以個排隊App未開，而家已經開返同埋如果有AEON儲返一定要用AEON卡或者八達通俾錢隔籬枱嗰個人包咗一對雲吞山令人側目好得人驚之後個職員迅速咁樣清理同消毒！辛苦了！佢好食過垃圾U C C好多～暫時冇外賣～