コメダ珈琲店

营业中

休息中

#コメダ珈琲店this one is come from japan nagoya. very famous of lorge portion food and cheap price. but come to hk. the price is very expensive compared to jp. all are x13 jp yen rate. ppl said they give extra large portion food for u. it depends. but most surprisely is their decoration is very beautiful. just same as jp. make us feel relax and happy. seats are wide and they dont hv time limits for seating. other local resto need 60 eating time. and force us to go which is really bad.1. pork chop san

去名古屋旅行經過咁多間都竟然冇試過唯有返黎香港補飛😙加上朋友想食 (佢食過超多次haha)除咗小倉吐司，仲有多款三文治、日式意大利粉等比較出名係佢個「冰與火」估唔到要等15分鐘位，但其實入邊有空枱嘅，只係人手唔夠唔入客QR code落單，2pm到都已經幾多售罄▶️ 照燒雞烤三文治 ($70)好大份三文治，成三件用上兩片連皮厚吐司🥪夾雜厚厚嘅雞髀肉同少少椰菜揀咗走辣雞髀肉新鮮嫩滑🐔連皮帶適量油脂烤至邊邊位少少焦脆，大件好食，每口都啖啖肉吐司微微烘過🍞唔脆但暖暖哋加上用日本生吐司，質感軟熟有彈力，麵包控like💗同嘉頓方包有分別唯一係醬汁太多，除咗照燒醬仲有大量沙律醬，味道太鹹之餘令麵包濕咗食嘅時候亦比較麻煩，不停滴汁自己一個食成份真係飽同滿足▶️ 凍咖啡 (+$20)會配送Komeda花生🥜咖啡味道濃烈☕️夠苦不過比較多冰同大粒▶️ 追加燒賣 (+$10)無端端有燒賣都幾搞笑，應該係香港特有😂味道質感唔錯嘅，唔係叮叮點心嗰隻，又唔會太粉食落少少煙靭，$10六粒可以一試▶️ 拿破崙意粉 ($80)係茄汁意粉，配少少火腿旁邊有塊牛油法包同少少椰菜沙律菜▶️ 紅酒燉牛肉 ($95)燉牛肉足料嘅，上面有大量

是日，因為紅磡有開倉，專登搭船去黃埔，點知落船冇幾耐，兩大一B熱到差唔多中暑🥵搵個地方坐低休息下食啲嘢，有人俾「珈琲」兩個字吸引左，因為「珈琲」就=🇯🇵喎😐得嗰兩歲，竟然一睇menu就話「我要食e個」，我地就叫左個蜜瓜雪糕梳打俾佢雪糕幾滑，牛奶味濃，不過蜜瓜梳打我就麻麻哋😅公司三文治🥪，賣相比較普通，味道冇乜特別，麵包烘得幾鬆脆抹茶冰與火，見到冰火總有啲幻想嘅😌講返正經野，呢個冰與火真係有驚喜😳好鬆軟，好熱，加雪糕真係有冰火效果，一定要盡快食。抹茶雪糕夠滑，唔會好澀，唔錯茶底好日式，唔會好似茶餐廳茶底咁苦👍🏻

這是最最最難吃的咖啡店成班人係冇心做冇service 可言成間店係冇managementD staff各顧各又扮睇唔到客等咗好耐都未有野食最後個意粉係凍個包係凍個湯係味精可以嘅話個評分係負分

話說當年行完AEON經過這家日本咖啡店，出於好奇所以幫襯，除咗環境舒適坐位寬敞外，雜誌架還有讀賣新聞，TIME Magazine等唔同國家嘅雜誌睇，時至今日已變了咖啡店常客。近乎每次都會點它的《紅豆牛油多士》，大大pat紅豆蓉 + 牛油 搽在又熱又厚嘅多士上面之後大大啖食入口，真係非常滿足。另外，《肉醬意粉》追加$20就有大大兜嘅《迷你香脆薯角》，追加方面真係幾抵食嘅。至於飲品，值得推薦嘅係《果凍抹茶牛奶》，真材實料嘅Cream + 咖啡啫喱 + 抹茶牛奶，配搭完美，層次豐富，值得一試。

講真，真係未試過咁好食嘅多士！見到多士喺熱門推介嘅食物，一於就叫你試吓啦！估唔到真係冇令我失望，多士大牌費之餘，本身嘅醬料都好吸引，唔會令個多士味道太淡。個多士仲有沙律醬可以點，令到味道更加容易入口，分量又唔會太少，大大塊，適合一個人有少少肚餓嘅時候自己食。飲品方便，我發覺是多士同埋咖啡係最好嘅配搭。食少少多士，再飲幾啖咖啡，原來感覺好正喎！呢個地方真係好chill，令人哋身心愉快，下次會再叫朋友一齊嚟食tea!

晚餐約左屋企人試食呢間日本過江龍Cafe，睇下係唔係咁好食先？可能平日晚上關係，唔使等位，好少人。坐嘅座位都舒服，闊落。我哋叫咗三個主食：拿破崙意粉、咖喱意粉、炸豬扒方堡拿破崙意粉：份量足夠，濃郁蕃茄汁加火腿，意大利麵煙靭。麵包放耐咗都唔會好晏。咖喱意粉：一嚟到已經聞到好香咖喱味，日式咖喱唔辣，意大利麵煙靭，但略嫌菜式有少少凍。炸豬扒方堡：估唔到咁大碟，食唔晒要屋企人幫手一齊食。炸豬扒有驚喜，熱辣辣，好脆。配合沙律菜同醬汁，一流！整體三款食物都滿意，因為餐廳人少，好靜，所以可以慢慢同屋企人傾計，渡過愉快的一餐。

食物環境都唔錯第一次幫襯，媽咪生日約左父母一齊食早餐，入到去到想轉窗口位，因為光線好d ，想影張靚相留念，問waitress可否轉近窗口位已經即時黑面。因第一次光顧， 按鐘想落order, waitress冷淡回應「我地手機落單」行開左。 唔知如果老人家唔識用手機落單 係咪唔可以係呢間餐廳食。兩老想飲熱水，我行去搵個waiter 請求可否比2杯熱水， 「秒」晒嘴 ，黑口黑面回一句「轉頭比你」，當然冇拿熱水來。 唯有等到拿餐過來另一個waitress同佢講想拿2杯熱水。可惜：食物幾好食 ，coffee 很好， 環境都真幾好，很可惜， 但過食個200幾蚊嘅早餐， 黃埔有好多選擇， 咁嘅態度 貼錢入去睇waitress 面色， 唔會再幫襯 。 唔怪得越來越多香港人要北上消費，起碼平過你，又有服務質素。*個位”公主”waitress 成手都係tatoo。

一直都好喜歡在這𥚃食早餐，熱咖啡加蛋沙律多士是心頭好，簡單味美！但係最近發覺這裡越嚟越多蚊，這實在令人感到困擾，希望貴公司慎重考慮改善衞生情況！相信沒有人想在多蚊環境下用膳。

天氣日日都咁熱，唔可以行好耐，最舒服就係坐係間咖啡店再食杯雪糕。今日行過黃埔船，見到Komeda's Cafe, 見佢裝修得好簡約舒服，之後同阿女入去食個下午茶。見到有個軟雪糕加麵包嘅組合，叫做抹茶牛乳冰與火，阿女嗌住話好想食，好，咁就試下呢款啦！份包都幾大個，仲切開左6件，上面係軟雪糕，一冰一火，好彩冇牙痛啫😅。抹茶牛奶雪糕香軟好味，底嘅丹麥麵包，都幾酥脆，幾好食，仲可以加埋附上嘅糖漿，甜甜地味道幾夾，阿女就緊係食唔停口啦！

📍コメダ珈琲店 (紅磡)紅磡黃埔天地黃埔號(第6期)AEON Style地下G01號舖==============================呢間cafe係來自日本名古屋，係日本有超過900間分店，上年係黃埔開左香港ge 第一間分店，初初開果時每日都超多人排隊，等左一年終於都無禁多人排隊，有機會可以試下喇==============================公司三文治麵包好軟熟同好香麵包味，入面餡料係火腿，蛋沙律同蕃茄，蛋沙律係加左少少芥辣，甜甜辣辣好好味拿破崙意粉意粉質地好軟但非常彈牙，醬汁微甜配上火腿絲，好味紅豆蓉配多士11:30之後叫任何飲品可以加$20追加紅豆蓉同多士，呢個我覺我一定要追加，紅豆蓉好香滑，多士係加左牛油焗到香噴噴，多士加埋紅豆蓉一齊食超正KOMEDA咖啡咖啡味道濃但唔苦，加埋忌廉味道更加香滑歐蕾咖啡咖啡同牛奶比例係6:4混合製作，可以飲到咖啡ge 香味之餘又可以進一步減少苦味，好適合平時唔係飲開咖啡ge 人，而且仲可以將牛奶轉豆奶，適合唔飲牛奶ge 人抹茶牛乳冰與火抹茶同牛乳軟雪糕好軟滑，底下配的千層酥香脆，配搭表面糖漿口感好豐富

コメダ珈琲店KOMEDA'S Coffee來自日本🇯🇵名古屋人氣早餐咖啡店☕️餐廳裝潢簡約舒適採用大量木元素營造日式溫馨的感覺餐廳也很貼心每張桌子都可以充電整體人流不多是一個可以跟朋友閒聊的地方🔅拿破崙意粉意粉軟硬適中咬起來有口感口味傳統酸酸甜甜的茄汁配上香脆的牛油法包新鮮的沙律菜味道很合我胃口連續吃了兩天🔅冰與火有標準和mini size標準份量需要兩個人一起分享因為份量挺大同有6件丹麥麵包上桌時麵包暖暖地外面酥脆、裏面香軟麵包有香濃牛油味另附糖漿麵包上面冷冷濃濃的牛乳雪糕兩者配合起來的確是冰與火🔅KOMEDA漢堡漢堡味道普通漢堡排很小塊就不多作介紹了

想試呢間好耐，開左一年終於唔洗排隊先黎食😅😂好好彩撞啱一周年做緊優惠🤩抵食好多😋有興趣嘅記住十月底前去食啦😛1. 冰與火 ($39)早知叫迷你😂兩個人食都幾漏🤭丹麥多士好重牛油味，咬落鬆軟，一定要加埋牛奶雪糕食😛牛奶雪糕香滑重牛乳味👍🏻建議唔洗加好多糖漿，雪糕本身都夠哂甜😅2. 炸雞 ($45/6件)新鮮熱辣辣炸，雞肉夠嫩滑👍🏻3. 果凍豆乳咖啡 ($39)豆乳味唔太出，咖啡味都偏淡😅果凍略嫌太多，差唔多成杯佔左7成😂不過飲落好滑嘅，又唔會太甜👍🏻

等夠35分鐘也出不了兩個飽，全店得兩個人做嘢。食物貴又不好食，好多人也是極度不滿地離放。如果香港多幾間咁食店全香港人也返深圳食啦，唔係我哋想係佢地迫我哋🥲🥲

睇YouTuber 介紹話要排隊好耐？平日12點幾去到係人排，都好既唔洗排可能我太期待喇1. 凍紅豆奶茶：好似有茶味既紅豆冰咁普通2. 薯仔沙律：不過不失3. 燒賣：純粹覺得日式餐廳有得賣想試，7仔整得好食過佢4. 朱古力果凍咖啡：好飲5. 迷你哈密瓜既冰與火：個丹麥酥可以火啲，熱啲都好食嘅6. 吉列豬柳：柴到呢係咪我過左最好食既時間呢？真係好普通失望