『百子』燒菓子 & 洋菓子 專売店

营业中

休息中

今次去左Bazi 灣仔買甜品食，簡左芒果拿破崙。這道甜品不僅外觀吸引，其口味和質感都是中上。芒果拿破崙的外觀是葉子形狀，每一片酥皮都經過精心烘焙，呈現出完美的金黃色，光滑的表面上還撒上了一層薄薄的糖霜，讓人一眼就能感受到其酥脆的質感。濃厚的芒果口味，酸甜適中，搭配著軟滑的吉士醬，形成完美的味覺平衡，不會過於膩口，反而增添了整體的層次感。它的口感柔滑，與酥皮的鬆脆形成鮮明的對比，讓人每一口都感到驚喜，好食！

朋友推薦呢間網店的洋菓子蛋糕 係觀塘同灣仔有實體店 今次趁家人聚餐就買左唔同款既洋菓子開心分享洋菓子$52/個 每款造型特別 芒果拿破崙 & 草莓拿破崙 - 拿破崙酥皮好香脆 吉士醬香甜軟滑豆腐綠茶慕士蛋糕 – 豆腐味香甜 上面有抹茶 三葉草都可以食紅茶百利甜酒慕士蛋糕 – 紅茶味濃 百利甜酒可以按喜好自己調較加入蛋糕酸櫻桃黑朱古力撻 – 顏色鮮艷 入面係黑朱古力撻 黑芝麻麻糬慕士蛋糕 – 無糖的黑芝麻醬 入面有麻糬粒熱帶水果慕士蛋糕 – 幾款熱帶水果 有百香果 鳳梨 芒果等 酸酸甜甜粟子培茶慕士蛋糕 – 栗子慕士包住入面係香濃培茶蓉

媽咪生日，經社交平台訂咗呢間蛋糕店最出名係「網格千層酥拿破崙」不過為切合屋企人口味，揀咗呢款😍另外有開心果、柚子蜜柑、抹茶、Tiramisu味等▶️ 豆腐黑芝麻麻糬慕士蛋糕 ($508)只有2 lb 一個size 蛋糕超重，好有份量，切到8-10件《蛋糕介紹》蛋糕面頭mousse螺旋形，好似藝術品咁，打卡一流主要係係黑芝麻mousse🖤外圍係豆腐mousse中間夾住一層海綿蛋糕，配合粒粒巨型煙靭麻糬最底部係曲奇餅底《蛋糕食評》採用本地無糖芝麻醬，黑芝麻味道濃郁好似芝麻糊／芝麻湯圓餡咁😍入口沙沙地豆腐mousse真係似食緊豆腐🤍好軟滑，健康又light鍾意佢mousse口感，唔會太泡泡，又減去一般忌廉嘅油膩感啱晒啲平時唔食忌廉嘅我哋🙈中間海綿蛋糕鬆軟🍰麻糬粒粒煙韌有拉扯度，平均分布，每件蛋糕都起碼有三至四粒曲奇餅底正！應該用消化餅加牛油，入口香趣🍪成個蛋糕層次豐富，Mix埋一齊係黑芝麻湯圓溝豆腐花😂配搭創新，意外地夾味又好食-每個人食完都話好食👍🏻的確好特別起灣仔攞蛋糕(修頓球場正對面)幾方便蛋糕盒同包裝靚，安全一個鐘內送達屋企😌服務唔錯，落單後有confirmation email 同W

之前老婆生日, 因為吃過太多餅店的蛋糕, 所以在選擇上有些困難, 今次找到的百子, 不是平時會在酒店餅房點的類型, 而是先以網店模式經營, 在走到實體舖經營的餅店, 老實說網店的水準有點參差, 但能夠以實體店經營的, 應該不會太差就是, 吃罷老婆也算滿意, 那就好了. 這店主打的是網格的千層酥, 香港會比較多用拿破崙這名字, 但其實和拿破崙沒有關係, 只是將Napolitain也就是拿玻里的製法, 音譯成拿破崙. 先要讚這裏的千層酥, 香脆挺身, 賣相不錯, 而且中間餡料的士多啤梨吉士醬, 再加上麻糬, 口感對比和味道的調配做得很好. 可惜的是千層酥過於挺身, 咬下去層次沒有內餡般明顯, 偏向走牛油餅乾路線, 酥而欠層, 有點可惜.

百子既撻/餅之前試過，多數都唔錯～呢次屋企人生日所以試下喺到訂蛋糕😌。原本想試佢signature既拿破崙，不過見呢款豆腐芝麻蛋糕幾特別所以就試左先。前一日whatsapp都成功訂到😳，必須一讚店員覆msg又快又nice～放工6點左右去拎蛋糕，平時蛋糕個紙盒拎耐左會𠝹到隻手紅晒🙈，但店員好好會用層膠包住拎個位，幾貼心👍🏻🔅豆腐黑芝麻麻糬慕士蛋糕(2lb) ($508)蛋糕面頭係芝麻mousse，芝麻味好香好濃🖤。外層白色既就係豆腐mousse，食落幾Q彈，balance返芝麻既膩～中間有黑芝麻&麻糬>海綿蛋糕>黑芝麻&麻糬，麻糬偏軟糯，加埋蛋糕口感唔錯😍。不過餅底如果係脆既就更好💬整體都幾滿意，雖然價錢唔算平，不過蛋糕都靚靚仔仔😝，店員又貼心💮

白色情人節買左個拿破崙蛋糕慶祝下，一入到舖頭見到不少貓貓公仔擺設，好可愛好治癒~ 櫥櫃放左好多精美嘅原個蛋糕，仲有細嘅西餅，另一邊就放左一樽樽products，包括果仁、朱古力、餅乾等，都有幾多款式😍拿破崙蛋糕我揀左焙茶麻糬口味，見到裡面放左粒粒紅豆做襯托🫘本身有d驚好難切，但呢間舖頭嘅拿破崙比想像中易Handle，切完都仲keep到個shape🧡焙茶味有驚喜，茶味甘香，唔會太膩，加埋煙韌麻糬口感一流🤤重點係個拿破崙皮夠脆口，加晒分💯6吋都切到8-9件，好啱同家人/朋友share🤩

La.Patisserie.BAZI 係灣仔有實體店，今日路經，就跑過來抱個蛋糕回家🫶🏻🫶🏻 蛋糕廚櫃非常吸引，由最經典的拿玻崙蛋糕, 到海綿蛋糕, 慕絲蛋糕，每款造型精緻優雅, 顏色搭配悅目😍😍. 灣仔店更有其他產品比客人選擇, 軟糖、朱古力、餅乾、曲奇等，連甘草檸檬都有😂😂 無論大小朋友見到都一定會愛上😍 .我就買咗個慕絲蛋糕🎂💫柚子蜜柑慕絲蛋糕 $488/2磅💫. 以柚子色為主色, 再配搭上新鮮草莓 顏色搭配非常賞心悅目。草莓🍓非常新鮮，而且好大粒，係真係好大粒😂😂 入口多汁新鮮，慕絲蛋糕非常香滑，入口係介乎雪糕與布甸之間，我非常大愛，柚子味好清香😍😍 水果蛋糕向來都係我心頭好, 這個以柚子造出來蛋糕，清香柚子味，再配搭上甜美蜜柑, 帶出酸酸甜甜的味道, 蛋糕面再放上新鮮草莓, 令到造型更見甜美可人💞💞

喜歡吃拿破崙的朋友仔😚，相信對於 百子𝐁𝐀𝐙𝐈 洋菓子 & 燒菓子專売店(⁎⁍̴̛ᴗ⁍̴̛⁎)，並不陌生。蛋糕店在𝐢𝐧𝐬𝐭𝐚𝐠𝐫𝐚𝐦上爆紅，曾月售多達𝟑𝟎𝟎𝟎 +件，超級無敵受歡迎呀💓!!最近有人生日🎂，朋友又愛吃拿破崙，便預早預定啦🥰! 百子首間地舖門市，在灣仔地鐵站附，地理位置好方便～除了有招牌拿破崙蛋糕，也有小蛋糕、曲奇🍪、禮盒🎁等等，可以買來送禮囉～☆ 𝐇𝐎𝐉𝐈𝐂𝐇𝐀 𝐱 𝐌𝐎𝐂𝐇𝐈 拿破崙蛋糕🎂$𝟒𝟖𝟖/個蛋糕超大一個，足夠多人分享!!! 多達𝟐𝟎𝟎𝟎多層的酥皮，果然酥化又酥脆🥹，好得我歡心(≧▽≦)!!! 夾著濃香焙茶忌廉和煙靭麻糬，好吃耶～☆ 聖誕限定曲奇🍪$𝟏𝟔𝟖聖誕限定的曲奇籃，好有氣氛呀😙! 曲奇有聖經老人🎅🏻、雪人、聖誕節🎄、薑餅人等圖案，好可愛呀～

知道呢間鋪最出名係拿破崙. 但個人又愛抺茶. 所以之前有次老闆請時就買左件抺茶的蛋糕. 食完覺得不過不失.轉下眼又有同事請食. 今次唔理了點都要試返最出名的拿破崙. 可惜單件的拿破崙只有芒果同士多啤梨味.既然有人請梗係要食時令的栗子麻糬網格拿破崙. 原來除左芒果外, 其他兩磅或以上的網格拿破崙都必需要預訂.不過佢地係可以今日訂明天就有. 四四方方約15cm x 15cm的網格拿破崙. 面層的網格背後原來有朱古力醬. 千萬不能睇少. 超好味. 又脆口.然後就到栗子醬及麻糬層. 栗子醬中有濃濃的酒味. 睇返介紹先知原來係落左蘭姆酒.  麻糬加左落去令個口感更好. 而重點係底層同埋中層的拿破崙.酥皮十分鬆脆,   簡直食到唔想停.  若果呢d款能出細件裝必定會好吸引. 整體係除左價錢有點貴外. 味道係令人一試回味. 再想試埋其他口味. 

人氣網絡爆紅百子拿破崙蛋糕，有足足2304層酥皮網格，入口鬆脆，有好多不同口味✧ 『 芒果 』 網格拿破崙🥭✧ 『 草莓麻糬 』 網格拿破崙🍓✧ 『 藍莓軟芝士 』 網格拿破崙🫐✧ 『 焙茶麻糬 』 網格拿破崙🍃✧ 『 栗子麻糬 』 網格拿破崙🌰✧ 『 榛子朱古力 』 網格拿破崙我今次揀了『 藍莓軟芝士 』 網格拿破崙🫐｜$508 (15cm x 15cm)網格拿破崙以3層酥皮做成，酥皮焦香酥脆，內餡用上了意大利軟芝士Mascarpone Cheese制作上層，如乳酪般順滑的質感，口感輕盈底層是帶點微酸的藍莓吉士醬，好好味，還有粒粒藍莓，還加入了荔枝肉作襯托，酸酸甜甜，配會得好好，為味蕾帶來愉悅的享受除了拿破崙蛋糕，百子還在新鮮做的果醬、小蛋糕🍰、磅蛋糕🎂、手工曲奇🍪、焦糖果仁🥜，全部都好靚，下次要再試埋其他款式和口味

上網睇片香港拿破崙大比拼認識咗百子呢一間餅店，佢嘅拿破崙被推介同受歡迎，賣點係蜂巢盈千層酥。身為拿破崙愛好者，當然要去試一試。第一次就試下佢散件裝嘅芒果拿破崙，$52一件。賣相幾靚，葉嘅造型，有三層酥皮，中間夾有吉士同芒果。買一件都有包裝盒，金色嘅盒造型非常靚。酥皮比較硬身，雖然味道亦唔錯，但冇網上講到咁酥脆，個人覺得比較似餅乾。中間嘅吉士味道偏淡，芒果新鮮。三層酥皮好難一次過進食，一定要分開食。整體感覺一般，不過不失，未有太大驚喜，無二訪嘅衝動。唔知散件同完整大拿破崙口感會唔會唔呢？

【⭐️ 人氣網店·招牌拿破崙 ⭐️】店舖位於📍灣仔地鐵站C出口附近，之前想試好耐，因為網上好多介紹，講到好吸引好好食咁，又想試下真定假🤣.佢地憑住辨識度高「網格拿破崙」，由網店做到灣仔開地舖😎 相信應該唔差既～佢地網格拿破崙以超過2000層的焦糖酥皮製成，好似真係好吸引🥰🥰 🥰不過今次我買細既小蛋糕Size就算喇 💰52。..⭐️ 整體黎講，可試可不試🥲 味道偏淡，酥皮最頂個層的確好酥脆～ 但係吉士唔夠香，酥皮無咩牛油同焦糖香，幾失望🥲🥲🥲見到佢其他Cake賣相好靚，有機會都可以再試下既～

剛剛weekend經過港島遇見早前IG網紅店進駐灣仔再下一城新開另一間實體店。 深信好多人都食過佢地人氣網格拿破崙，所以今次買左另一暢銷手作菓子試食，一盒十件獨立包裝。❈ 花生醬拿破崙酥 HK$ 128 （10件入） Peanut Butter Mille Feuille （10 pcs)打開包裝時傳出淡淡既花生醬味、 咬落鬆化酥脆、甜度恰到好處，中間合桃碎帶來驚喜點綴。但花生醬味並無想象中黎得濃烈。花生醬控可能會有少少失落。一盒10件包裝精緻，再配上抽屜盒子，送禮自食都係一個好選擇。店員仲話可以室溫/冷藏食用架。

爸爸生日既大日子，佢係一個口味挑剔既人，唔係款款蛋糕都岩食，今次難得同意食拿破崙蛋糕，我地就簡左百子甜品店。百子甜品店既拿破崙以2304層既焦糖酥皮製成而聞名，外皮好鬆脆，牛油香味都相當濃郁，蛋糕夾層係香滑既吉士醬，同埋酸酸甜甜菲律賓呂宋芒果🥭。據說，百子甜品店用料上乘，為客人們食得健康點，所有甜品都係用日本麵粉、法國AOC牛油，海藻糖，可謂非常用心。值得一提既係，佢性價比真係唔錯，兩磅蛋糕都係$458，6個人食岩岩好👍🏻而大家，以及壽星仔評價都不俗，只係對於牙齒唔係咁好既佢黎講，外皮鬆脆係雙刃刀，可能相對會硬d，所以如果訂俾老人家食就要注意下。

🧡 La Patisserie BAZI📍灣仔軒尼詩道87號地下 A 1 及 A 2 號舖------------------------------1️⃣ 朱古力脆脆慕士撻 $52推薦指數：👍🏻👍🏻👍🏻👍🏻👍🏻慕士香滑 朱古力味濃郁😍蛋糕底是朱古力脆脆 口感豐富 不會太甜膩💞2️⃣ 芒果拿破崙 $52推薦指數：👍🏻👍🏻👍🏻👍🏻👍🏻酥皮酥脆 鬆化 吉士香滑 還有雲呢拿籽🥰芒士新鮮香甜 拿破崙有層次🤩3️⃣若竹綠茶麻糬慕士蛋糕 $52推薦指數：👍🏻👍🏻👍🏻👍🏻綠茶味甘香 茶味濃 沒有苦澀味 慕士很滑 還有麻糬 煙煙韌韌😋4️⃣楊枝甘露慕士蛋糕 $52推薦指數：👍🏻👍🏻👍🏻慕士很清新 有芒果味 蛋糕上面還有柚子肉酸酸甜甜 不錯🥰------------------------------蛋糕味道出色😍是下午茶或飯後甜品的首選😍個人很喜歡💕大大推薦總評味道：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️