如果你身边都有个Omakase 控，佢都会同你分享过Lunch 时段最抵食嘅心得，所以唔少人专登趁Lunch Time 约朋友食好嘢。呢间主打Omakase嘅「花晨月夕Kuno」，Lunch 时段同样特别抵食，唯一唔同嘅系……Lunch 用嘅鱼材都系即日空运到港嘅新鲜货，绝对唔会沿用前一晚嘅鱼材㗎。用平一截价钱食晚市质素，难怪Lunch Time 成日都爆场，想食就约定朋友预早订位喇。
店内有L型寿司吧，仲有独立房间可容纳4至6人。
Omakase 最特别地方就系边食边同师傅交流，从中了解你嘅口味喜好再挑选食材。「花晨月夕Kuno」就好重视呢种交流。如果你有特别喜好例如食物敏感丶唔食虾或唔食贝类等，打嚟订座时都可以讲声，咁你一定食到最新鲜又啱口味嘅料理。
寿司师傅会因应客人口味，选用各种鱼材。
所有料理即叫即做，贯彻高级日本料理要求。
Omakase Lunch Set 共有4款，同场仲有「花晨海鲜丼」丶「杂锦天妇罗丼」丶「和牛烧」等，我哋今次就拣咗CP值最高同最贵嘅Omakase Lunch Set。
CP值最高Omakase Lunch Set— Omakase Sun
店家每日清晨由驻日本买手直接喺当地买鱼，新鲜高质嘅背後就系师傅对食材嘅坚持与较为高昂嘅食材成本。而呢个仅需HKD$388嘅 Lunch Set 有寿司12件丶卷物，鱼材虽会因应当日新鲜货有所改变，但充满惊喜，今次lunch就俾我食到少见的目光鱼。而且，lunch set仲一定有日本海胆丶拖罗，绝对唔会令你失望，CP值极高。细食个朋友都有9件寿司餐set（HKD$288） 选择。
Omakase Flower
私心推荐寿司
坊间好多餐厅会选用较划算嘅加拿大或韩国海胆，而呢度就一定用日本海胆，虽然价钱比较贵，但日本海胆零杂质丶零防腐剂，无苦涩味又更清新。
呢度坚持用日本海胆，味道更清新，口感厚肉Creamy。
个人最锺意贝类青木印寿司，略带爽口并有独特贝味，呢种清淡鲜贝味好独特，系其他贝类未食过嘅味道，贝类迷值得一试。
(下方最右) 青木印寿司有独特贝味。
目光鱼喺香港较少见到，系油分重嘅闪令令细鱼仔，轻轻炙烧逼出油分，入口好甘香㗎！而且一条只可做一件寿司，可想而知几矜贵。
香港少见目光鱼寿司。
如前文所讲一定有拖罗，除咗拖罗寿司外仲有卷物！超爆料拖罗蓉口感软绵丶油脂甘香浓郁，最锺意专业嘅Omakase 店系即叫系整，入口时紫菜仲脆卜卜。
拖罗蓉卷物。
最高质精致Omakase Lunch Set— Omakase Dusk
呢个Lunch Set 无论质素同份量都系晚市级别！有前菜丶刺身4款丶寿司9件丶料理丶甜品等，全部都用矜贵食材，喺下昼约会丶见客都完全上到大场面。
Omakase Dusk
长崎县生蚝望落唔算好厚肉，但入口相当饱满丶口感Creamy，并有丰富海水味。以前好多人都觉得日本蚝蚝味唔够，呢几年日本已开始研发新品种，呢款蚝就系其中之一，仲喺日本蚝选举评分最高𠻹。
日本清澈海水得天独厚，特意培养出嚟嘅蚝海水味都偏浓。
紫海胆配三文鱼子味道好夹，紫海胆清新甘甜丶水分较高丶肉质浓厚肥美，比香港常见嘅马粪海胆更浓味。
三文鱼子则系自家用日本豉油丶味淋腌制，味道平衡偏甜，好啱为海胆提味。
紫海胆配三文鱼子。
来自四叶县铫子港嘅地金目鲷刺身，系日本高级刺身之一。比一般金目鲷厚肉甘甜得多，油分亦更浓香。
地金目鲷刺身。
寿司方面亦有好多罕见矜贵鱼材，例如富山县小白虾丶安康鱼肝丶北海道海胆，同埋Lunch 极少见嘅贵价喜之次等。
花晨月夕Kuno
地址: 尖沙咀赫德道2号金麟商业中心2楼
电话: 29555288