眨吓眼嚟到4月啦，天气回暖可以去郊区玩吓喇。懒得上山下海，可以去东涌拣间餐厅Chill吓，食完仲可以去海边睇吓景，有时仲会睇到飞机起飞降落，小朋友一定钟意。
东涌沿海就有呢间黎巴嫩菜“Maison Du Mezze”。有即开生蠔食之馀；仲有传统黎巴嫩式木炭烧烤，用真·木炭炉烧制一系列肉扒、海鲜。
一班人嚟可以拣传统黎巴嫩式木炭烧烤烤肉拼盘／海鲜拼盘，食肉兽在场就必食一公斤斧头扒!! 炭火烧到外层焦脆，切开仲有满满肉汁好粉嫩㗎。
“Maison Du Mezze”充满异国度假风。
有即开生蠔、木炭烤肉及海鲜食。
即开新鲜生蠔 $258(6只)、$498(12只)
“Maison Du Mezze”嘅摆盘好靓，好啱嚟东涌郊游影相嘅心情。全部即开生蠔都系法国飞机运到，蠔身滑溜，一啖滑入口有满满海水味。
由法国直送，即开新鲜生蠔。
Hot Mezze | 炭烤鱿鱼(Grilled Squid)
呢度系由黎巴嫩人开设，所以味道、食法都好地道。当地人饭前会食啲Cold Mezze、Hot Mezze先。私心推介好Q弹嘅炭烤鱿鱼，配埋柠檬番荽酱几开胃。
黎巴嫩人传统会食前菜，推荐Q弹炭烤鱿鱼。
主菜 | 烤原条鲳鱼 配慢煮香料饭(Fish Kabsa)
中东菜嘅香料饭一向好出名，用蒜头、肉桂、丁香等多种香料煮制，单单食啖饭已经好丰富。今次配埋原条鲳鱼，食嗰阵轻轻叉开条鱼就可以连埋香料饭一齐食，味道鲜甜丰富。
烤鲳鱼外皮都烧得几焦脆，内里鱼肉Keep到细腻嫩滑。好钟意佢好有鱼味，食得出条鱼够新鲜。
好出名嘅中东香料饭，加埋烤鲳鱼鲜甜丰富。
【传统黎巴嫩式木炭烧烤】
素食者都可一嚐炭烧啖啖肉
黎巴嫩人真系好钟意食烧烤，佢哋嘅炭烧肉串、烧海鲜真系必食!! “Maison Du Mezze”亦秉承传统特设木炭炉，有炭烧一公斤斧头扒、炭烧肉眼牛扒、炭烧澳洲羊扒、炭烧龙虾外，素食者亦可拣选炭烧植物素肉，相当贴心。
真·木炭烧烤，即烧龙虾劲惹味！
炭烤海鲜拼盘有半只龙虾、2只老虎虾、4只烧蠔、盲曹鱼、八爪鱼。
烤虎虾(Grilled Tiger Prawns)
只想浅嚐海鲜，呢道烤虎虾配柠檬大蒜酱都好好食!! 用叉一拮就成只虾肉出咗嚟啦。
烤虎虾唔使自己剥壳，轻轻一拮就成只虾出嚟啦。
烤肉拼盘(Maison Du Mezze Ultimate Mix Grill)
每次嚟都要食嘅烤肉拼盘!! 有烤鸡肉串、烤羊肉串、烤鸡肉捲、烤羊肉捲。炭火瞬间封住肉汁，一咬落去就闻到好重炭香，然后成个口都系好香嘅肉味㗎!!
必食烤肉拼盘！炭香+肉汁一流。
Maison Du Mezze
地址: 东涌怡东路9号湾景荟地下G10号舖
电话: 23300131