想食港式镬气海鲜，旺角、铜锣湾都有分店嘅「明厨」真系有惊喜!! 佢哋开店初心就系传承香港风味，所以好讲究香港出名嘅镬气同生猛海鲜，仲特别引入澳洲Sher家族得奖和牛、香港自家农场黑毛猪、本地品牌豆品等，优质食材同手艺好受本地食家同海外游客欢迎㗎。佢哋招牌菜有三重乾酪焗南澳龙虾炒饭、火焰奄仔蟹、琥珀醉濑尿虾等，如果你仲揾紧边度有明码实价靓海鲜食，真系好值得嚟试吓。
秋冬季限定「明厨秋季海鲜四人套餐」$3,750(原价$4,172)
踏入秋冬，「明厨」仲推出咗8款秋季限定菜式～ 一定要嚟食个嗨爆鱼翅捞饭、乌金蜜饯蠔暖胃好意头！
选择困难唔知点拣好，可以直接嗌「明厨秋季海鲜四人套餐」已经包咗5款秋冬季限定—凉拌藤椒蛏子王、海鲜葡萄、嗨爆鱼翅捞饭、豉奶煎黄鱼、可遇不可求(杞子竹笙鸡汤浸冰菜)，套餐仲要有埋佢哋最招牌嘅三重乾酪焗南澳龙虾炒饭、火焰奄仔蟹、琥珀醉濑尿虾，全部靓食材真系好抵食。
即刻睇吓「明厨秋冬季海鲜四人套餐」有咩食～
【前菜】
凉拌藤椒蛏子王
一开始就由藤椒香葱油同川式烧椒酱，拌匀杏鲍菇薄片同鲜嫩蛏子王，麻辣清新又Q弹嘅凉拌口感，好有独特风味。
海鲜葡萄
另一道前菜好清新自然～ 本地海葡萄配新鲜海虾同焦香带子，海葡萄粒粒卜脆，撞上软滑豆腐双重口感。最后淋上日式豆腐味噌酱，清新得嚟又好丰富。
【海鲜主菜】
油盐焗香港火焰奄仔蟹(两只)
选用菲律宾进⼝嘅A级野⽣奄仔蟹，蟹膏好似软冰淇淋咁绵滑。每只约10两重，比香港奄仔蟹⼤一倍。
「明厨」用油盐烤焗奄仔蟹，上枱嗰阵员工会喺粗盐淋上秘制调酒再点火，火焰强劲好似睇表演(笑)，系「明厨」原创菜式嚟。猛火唔只为视觉效果，更为逼出蟹鲜香味㗎。
琥珀醉濑尿虾(一只)
严选印尼野⽣斑⾺濑尿虾，好似⼿臂咁长，只只爆膏厚肉劲满⾜！濑尿虾蒸到恰道好处，虾膏好似蛋黄咁软绵，又有淡淡酒香好特别。
三重乾酪焗澳洲龙虾炒饭(一只)
「明厨」特别喺海外聘请专人引入各国野生海鲜，每日新鲜到店。好似呢道菜就选用澳洲龙虾，龙虾肉特别饱满鲜甜!! 再用三重瑞⼠芝⼠—巴⾺⾂芝⼠、⾞打芝⼠、莫萨⾥拉芝⼠烤焗，芝⼠拉丝效果澎湃，捞埋惹味炒饭底，上枱无耐就瞬间清碟喇。
【其它主菜】
嗨爆鱼翅捞饭
清酒陈年酱油奶油酱融合鲍鱼肝酱，配义大利米型面粒，佐松叶蟹肉、鲍鱼粒同鱼翅，口感层次丰富，鲍鱼肝酱仲好浓郁!!
豉奶煎黄花鱼
「明厨」为咗传承香港风味，食材同配料方面都花咗唔少心思。好似呢道黄花鱼就用咗本地豆豉爆香，配埋奶油干葱酱汁，衬托黄花鱼柳酿百花虾胶，鲜香微辣。
24小时慢煮牛肋骨
和牛肋条秘制慢煮24小时，肉质煮到好软嫩。再淋上酱油脆脆、解油腻秘酱，食落肉味浓郁仲好有油香。
【蔬菜】
可遇不可求
竹笙嗰种爆汁感真系好正!! 厨师团队更进一步将贵州竹笙包住爽滑冰菜，加埋液态氮锁鲜杞子，一啖入口脆甜又爆出汤汁，真系会瞬间清碟。
【秋季限定单点】
除咗嗌套餐食，秋季限定有3款菜式系单点㗎～
乌金蜜饯蠔(四件)
金蠔Fans一定要食嘅乌金蜜饯蠔，将蜜饯蠔、乌金子、青苹果夹埋一齐食，咸香轻甜、绵密爽脆劲有层次!!
川式西蠔
几估唔到有一道菜咁Fusion～ 外国几常见用嚟整沙律嘅西瓜，嚟到中菜师傅手上就加埋麻辣酱、蠔肉。蠔肉同西瓜都好Juicy，后续又渗啲麻辣味几上瘾。
日本青椒M9和牛
食中菜都可以食埋靓和牛，「明厨」特别引入澳洲Sher家族饲养嘅得奖和牛。牛只18个月前会草饲养殖，跟住400日以上就转用谷饲饲养，系和牛咁鲜嫩嘅秘诀!!
「明厨」紮根旺⾓14年，去年铜锣湾都有分店，钟镇涛都有嚟支持㗎～
铜锣湾店将4间地舖打通，座位宽敞并能以金色垂幕分隔邻桌，优雅地享受私人用餐时光。嚟紧年尾饭局不绝，呢度都有3间包厢供预订，同亲朋好友尽享「Asahi生啤札幌惠比寿⽣啤」及海鲜最佳搭档—Lemon Sour、日本清酒、香槟、红⽩酒等，齐齐饮饱食醉。
明厨 (铜锣湾)
地址: 香港铜锣湾坚拿道西15号永德大厦地下G8-11号舖
电话: +852 63138806