有时想去近郊呼吸吓新鲜空气，东涌系唔错嘅选择。原来呢区海边有一系列餐厅，有时仲会睇到飞机飞过几特别。“Maison Du Mezze”就系海边餐厅之一喇，佢哋主打黎巴嫩菜，异国风环境更曾入围国际餐饮设计大赛㗎。
“Maison Du Mezze”环境好有异国气氛。
黎巴嫩海鲜飨宴 | 主菜低至$128
今个夏天，“Maison Du Mezze”外籍大厨Samer准备一场限定海鲜飨宴“Symphony Lebanese Seafood”。全部外国食材入馔，一嚐新鲜鱼贝撞上香料嘅浓郁风味。热汤、前菜、主菜都可用相宜价钱order，食几多嗌几多，丰俭由人。主菜更低至$128，CP值好高呀！
外籍大厨Samer，设计限定海鲜飨宴“Symphony Lebanese Seafood”。
“Symphony Lebanese Seafood”菜单。
限定套餐有激多海鲜，好丰富。
【热汤】
Seafood Harira Soup$88
大厨Samer用黎巴嫩香料高汤，熬煮多款海鲜。汤身较浓稠，海鲜份量又够多，真系做到啖啖海鲜，净系呢个汤已经好满足。
【前菜】
Prawns Fattoush$98
呢款传统嘅黎巴嫩沙律，加咗炸皮塔饼香口好多。烤虾串完全系主菜份量!! 全部大大只，烧到微焦劲惹味。
Hummus Topped with Lemon Herbs Octopus$88
讲到黎巴嫩菜，一定会谂起经典嘅鹰嘴豆蓉。当地人真系好钟意呢种豆蓉，绵密香滑，原来健康嘢都可以咁好食!!
今次鹰嘴豆蓉加咗柠檬香料八爪鱼，八爪鱼好弹牙，捞埋鹰嘴豆蓉一齐食有双重口感，酸酸地仲好开胃。
Lebanese Shrimp$98
“Maison Du Mezze”食材够新鲜，所以嚟食海鲜真系啱晒。好似呢道黎巴嫩虾球咁，用经典蒜蓉、牛油、柠檬煮已经好好食!! 用高温煮蒜蓉同牛油真系无得输，一上枱已经闻到好香啦，饮酒一流呀。
Seafood Kibbeh$108
黎巴嫩地道小食Kibbeh，系用布格麦、香料搓成波波油炸，口感硬脆，邪恶得嚟又健康。馅料就有鱼肉、海鲜，蘸啲番茜Tahini芝麻酱好好食。
Cabourya$98
召唤所有软壳蟹迷!! 软壳蟹好大只呀，炸到金黄脆卜卜。配茄子蓉食，一脆一绵好平衡，伴碟仲有Harissa辣蒜酱。
Lebanese Seafood Scampi$98
Scampi系好清新开胃嘅海鲜煮法，今次黎巴嫩风味就揉合柚子、橄榄油、新鲜香草煮制多种海鲜，忍唔住叫份皮塔饼蘸埋个汁嚟食。
【主菜】
Stuffed Squid$148
如果你钟意QQ弹弹口感，呢份珍宝墨鱼一定要试!! 墨鱼酿满香料饭，仲有满满特制Kashkash酱，丰富香料味更有层次。
Beirut Fried Fish$128
想嚟饮杯啤酒chill吓，可以拣呢份炸鱼薯条。鳕鱼沾满面包糠后炸到金黄。仲有劲多薯条，特配刁草酱平衡炸感。
Sea Bass$298
呢度有特制炭炉，高温炭烧可以瞬间锁住鲜味，所以烧海鲜、烧肉扒特别好食㗎。海鲈鱼烧到微焦轻脆又有炭香，配松露蘑菇及柠檬牛油酱好好食。
One Pot Seafood Freekeh$158
呢道海鲜饭好有仪式感!! 小锅放满海鲜饭，饭粒饱满吸晒海鲜精华，几个人share都够食。
Samak Matfi$158
有时夏天无咩胃口，拣呢份烤鱼就啱晒喇。烤鱼够新鲜，所以简单烤熟已经好鲜甜。土豆再淋满香料、蒜蓉汁，绵滑口感唔觉唔觉就清碟啦。
Clams Pot$148
马尼拉蚬出名鲜甜，简单用番茜、牛油、柠檬逼出鲜味已经好好食。记住用跟配嘅面包，吸埋蚬汁食好正。
Maison Du Mezze
地址: 东涌怡东路9号湾景荟地下G10号舖
电话: 23300131