平时好少听到黎巴嫩菜，就算听过都唔知去边度食。其实香港有黎巴嫩人开设嘅“Shahrazad Lebanese Dining Lounge & Bar”，正宗地道口味，加埋阿拉伯异国风环境好似去咗旅行咁。
其实黎巴嫩菜好健康，有好多海鲜、蔬果、香草。当地人都好钟意食烤肉，多数会伴上果仁、水果等天然配菜，好有独特风味。主厨坚持全用外国高级食材，就算小至沙律菜、番茄都特别清甜㗎！
呢度仲有半露天座位，好啱倾计。
阿拉伯地区嘅艺术图案Mashrabiya，成为呢度嘅人气打卡位。
【人气料理】
阿拉伯沙律 Fattoush Salad
新鲜蔬菜配上香甜番石榴，清爽微酸。依地道食法配脆硬口袋面包一齐食，好啱夏天食㗎。
慢煮阿拉伯羊肩饭 Lamb Ouzi
呢度嘅羊肉整得好软腍，如果你钟意食羊嘅话真系必食。入口肉味劲浓又够腍，咬落会有少少羶味但系完全接受到嘅程度，好有风味。
香煎无须鳕鱼 Samak Bil Tahini
无须鳕鱼比一般鳕鱼鱼油更丰富，食落会特别肥美。配上芝麻洛神花酱，细滑微酸好开胃。
哈罗米乾酪西瓜 Halloumi Watermelon
估唔到乾酪加西瓜系咁夹～哈罗米乾酪香浓软Q，又有清爽西瓜汁中和芝味，加埋石榴糖浆好啱春夏食。
叙利亚红椒核桃酱Muhammara
味道好丰富嘅经典酱，用炭烤红辣椒、核桃、石榴糖浆做出微酸微甜微辣，用嚟配薄饼或者蔬菜都好夹㗎。
绿色小麦炖羊腿 Freeket Mozzah
用绿色小麦炖到羊腿好软腍，仲有烟烟韧韧嘅超级食物翡麦(Freekeh)，营养价值高、升糖指数低，听讲有减肥帮助㗎。
烤虎虾 Tigher Prawns
呢度所有食材都系外国运到，特别系海鲜、蔬菜特别新鲜清爽㗎！炭烧虎虾好keep到鲜味，配黎巴嫩蒜大蒜酱(Toum Sauce)好惹味。
原只自由放牧春鸡 配大蒜酱烤 Farrouj Meshwi
西班牙春鸡好嫩，搣开好多肉汁流出嚟～仲有焦糖洋葱又甜又软绵绵。
【午市套餐】
如果未食过黎巴嫩菜又想浅嚐吓，可以试吓午市套餐，有地道嘅Cold/Hot Mezze+主菜+甜品，价钱几划算。
Cold Mezze 4选1
首先有是日餐汤，跟住系4选1嘅沙律/Cold Mezze。烤茄子沙律Roasted Eggplant Salad洒满番石榴、松子仁好开胃；哈罗米乾酪Halloumi Cheese软软QQ蘸石榴酱；黎巴嫩鹰嘴豆蓉Lebanese Hummus系当地好常见嘅Cold Mezze，绵滑有豆香；仲有另一种鹰嘴豆蓉Hummus Beiruti，会加多咗番茄、蒜蓉、香草会更加清新。
首先有是日餐汤及Cold Mezze 4选1。
(左)烤茄子沙律Roasted Eggplant Salad、(右)哈罗米乾酪Halloumi Cheese
(左)黎巴嫩鹰嘴豆蓉Lebanese Hummus、(右)Hummus Beiruti
Hot Mezze 2选1
想香辣啲可以拣辛辣土豆Batata Harra，黎巴嫩人会用红灯笼椒、辣椒等煮制；另一款系柠檬蒜蓉石榴香煎鸡肝Pan-fried Chicken Livers with Lemon Garlic & Pomegranate，系重口味之选呀。
(左)辛辣土豆Batata Harra、(右)柠檬蒜蓉石榴香煎鸡肝Pan-fried Chicken Livers with Lemon Garlic & Pomegranate
主菜4选1
主菜有4款—炖鱼、烤鸡、烤肉拼盘、Impossible不可能肉丸。澳洲盲曹Salq Barramundi先香煎鱼柳，再配上炖瑞士甜菜及黑眼豆；烤鸡配烟燻阿拉伯饭Chicken Ouzi，烤鸡好香口，阿拉伯饭本身就已调味好开胃；阿拉伯烤肉拼盘Mashawy就有烧羊肉、鸡肉同羊肉，真正炭火烧㗎！唔想食肉就可以拣不可能的岜沙Impossible Basha，以阿拉伯调味不可能肉丸配蔬菜炖饭好健康。
主菜4选1，有炖鱼、烤鸡、烤肉拼盘同Impossible不可能肉丸。
(左)澳洲盲曹Salq Barramundi、(右)烤鸡配烟燻阿拉伯饭Chicken Ouzi
(左)阿拉伯烤肉拼盘Mashawy、(右)不可能的岜沙Impossible Basha
最后就有甜品Mahalabia，系传统黎巴嫩牛奶布甸。
Shahrazad Lebanese Dining Lounge & Bar
地址: 中环云咸街75-77号嘉兆商业大厦2楼
电话: 23300242