阿根廷牛扒被喻为「牛扒界天花板」，有明显大理石纹，但依然好有肉感咬口，真心越咬越有牛味！而且当地人钟意大大份咁食，完全系肉食天堂啊。
中环店景观开扬。
中环店装潢好有欧洲气氛。
北角店座位宽敞，适合一班人饭聚。
中环同北角都有分店嘅阿根廷扒房“La Parrilla Steakhouse”，由外籍总厨主理，所以阿根廷牛扒、料理、小食都好地道。最近佢哋新推出套餐包括前菜、主菜、甜品，当然要饮埋阿根廷人好钟意嘅Sangria啦！
今次两间分店都食到新套餐，而且每间分店各有自己版本嘅烤肉拼盘，想试多几个肉位可以去晒两间！其馀大部分菜式都一样，只有热汤、薯条有少少唔同。即刻睇详情啦～
【开胃菜】
Empanada(阿根廷炸饺子)
传统阿根廷咸味炸饺子，今次有鸡肉馅同Fugazzeta(独家乾酪及焦糖洋葱混合馅)，啲馅多到胀卜卜，蘸埋新鲜洋葱莎莎酱食几香口。
Provoleta(烤乾酪)
阿根廷传统嘅烤Provoleta乾酪，极级拉丝!! 上面撒上牛至草同辣椒碎碎。配蒜蓉包一齐食几香口，好啱餐前饮酒倾吓偈。
Bone Marrow(烤骨髓)
唔系度度食到嘅烤骨髓，每次食都系咁奢华浓郁!! “La Parrilla” 版本仲有淡淡蒜香，配酥脆金黄多士又系另一种风味。
【主菜】
中环店烤肉拼盘: Parrillada Platter
总厨精心设计嘅烤肉拼盘，集合咗“La Parrilla” 精髓！而且全部食材都系即点即烤，用热辣辣铁盘上枱。包括嫩滑和牛裙边牛扒、丰富肉汁安格斯肋眼牛排扒、嫩滑烧春鸡、美味羊肉肠、慢烤蒜头及烟燻烤洋葱。特配富青草香气嘅阿根廷青酱(chimichurri)、酸辣莎莎酱，试吓唔同风味嘅啖啖肉，好啱2人或以上分享。
北角店烤肉拼盘: Parrillada Platter
北角店烤肉拼盘，同样由总厨精心设计并集合各款烤肉精髓，即点即烤热辣辣铁盘上枱！包括嫩滑谷饲安格斯平铁牛扒、多汁安格斯肋眼牛扒、鲜嫩烧春鸡、美味鸡肉肠、慢烤蒜头及烟燻烤洋葱。依然跟配阿根廷青酱(chimichurri)、酸辣莎莎酱，好啱2人或以上分享。
中环店限定: Humita Salteña(乌米塔风粟米浓汤阿根廷奶油粟⽶芝⼠)
用“La Parrilla”招牌奶油粟米煮制，再撒上金黄融化乾酪，浓郁暖胃。 加相
Classic Mashed Potatoes(经典薯蓉)
经典薯蓉好绵滑，配埋香浓蒜蓉烩酱同松露酱撞出独特风味，比平时食嘅薯蓉有层次好多。
中环店限定: Thin Cut Fries and Rustic Potatoes Wedges(细切薯条及乡村薯角) / 北角店: Thin Cut Fries(细切薯条)
两间店都有细切薯条，用咗蒜香、新鲜香草调味，金黄酥脆。唯一唔同系中环店有埋乡村薯角，系由总厨特选嘅乡村土豆制作，特别外脆内软㗎。
Grilled Corn(烤粟米)
炭烤粟米棒搽咗蒜蓉牛油，再淋上烟燻辣椒蛋黄酱，加埋新鲜磨巴马臣乾酪，系估唔到咁好食!!
Churros con Argentinian Dulce de Leche(阿根廷吉拿棒焦糖牛奶酱)
阿根廷最受欢迎嘅经典甜品之一！金黄酥脆嘅吉拿棒，蘸满焦糖牛奶酱，真系幸福感爆满呀。
Flan Casero(自制法式焦糖布甸)
另一款深受喜爱嘅阿根廷经典甜品，就系呢款丝滑牛奶布甸。喺“La Parrilla” 优雅地配上焦糖牛奶酱、焦糖同软奶油。
Summer Sangria(夏日杂果甜红酒)
好啱夏天饮嘅阿根廷Sangria，选用浓郁马贝克红酒，加埋新鲜水果好清新。边饮边享用一系列阿根廷料理，真系一大享受。
La Parrilla Steakhouse (中环店)
地址: 中环云咸街77号嘉兆商业大厦1楼
电话: 26378555
La Parrilla Steakhouse (北角店)
地址: 北角堡垒街19号景文楼LG层
电话: 26623000