讲起地中海菜，印象都几模糊…无计，香港食到嘅地方唔多，但其实主要以蔬菜丶海鲜丶水果嘅地中海菜健康清爽，好啱香港人口味㗎！呢间香港少有嘅地中海餐厅「The Hunter」更由当地大厨主理，并讲究地用大量外国食材丶海鲜丶牛扒，单系牛扒都讲明嚟自加州农场。最最最特别系引入炭焗炉，主打香港少有嘅炭烧牛扒海鲜地中海料理。
The Hunter 位於将军澳海傍，环境幽静舒服，有落地玻璃同室外座位望靓景。
室外千秋位好Chill。
室内以木系丶海军蓝为主调，轻松气氛好啱聚会。
CP值超高！菜式劲大份 最啱Share
虽然料理走高级路线，但CP值超高！大厨笑言呢度系「嘢食大份量，价钱好大方」，你睇吓佢足足1kg 嘅Dry-Aged Prime牛扒就知份量坚劲！嗌一份牛扒加份配菜，两个人Share 已经食到好满足。
连份量都好地道，碟碟劲大份！
【俨如高级扒房】设乾式熟成柜 引入纯种荷斯坦牛
平时牛扒都只写级数，牛扒嚟自边个农场真系不得而知。呢度就讲明牛扒嚟自加州Brandt Ranch牧场牛只，Brandt 家族自90年代起就专注饲养纯种荷斯坦牛，脂肪唔算多，胜在肉味浓。同场仲有1885 Prime 安格斯黑牛，有Striploin丶Rib Eye拣。牛扒质素之高，俨如一间专业扒房。
值得一提嘅系，呢度嘅牛扒全部以至少21日乾式熟成处理，令牛肉中酵素分解肌肉组织，肉质更软嫩外，肉味更浓郁并带淡淡坚果味，无论味道口感都好有惊喜。
【必食1kg炭香牛扒】罕有木炭烤牛扒！
除咗牛扒级数同肉味已胜一筹，呢度仲大手笔引入高温 JOSPER焗炉，以木炭烤焗牛扒，就算1kg牛扒都可均匀烤熟，做出地中海风味。
好推荐来自Brandt Ranch牧场嘅1kg Brandt USA Prime Porterhouse，咁大件扒唔系度度食到，仲要新鲜出炉超有炭香！
特设乾式熟成牛扒柜，即叫即切，全部牛扒最少经21日熟成处理。
必试炭烧Brandt USA Prime Porterhouse 足有1kg，独特炭香加浓郁肉味！
Prime级别！2人份海鲜拼盘
地中海菜来自沿海地区，所以常以海鲜入馔。想食最新鲜海鲜，最简单当然拣海鲜拼盘啦。呢个2人份量拼盘有法国生蚝Fine de Claire丶阿拉斯加皇帝蟹脚丶波士顿龙虾丶牡丹虾丶Kinkawooka 青口等。睇得出全部海鲜都用Prime级别，相当高质。
海鲜拼盘 (2位)
法国名蚝之一Fine de Claire，养殖场有特殊藻类，甘甜爽脆并带榛果香气。
鸡尾酒吧前方都放满海鲜！
水果．香料．木炭 突出食材原始味
地中海料理以呈现食物原始味为前题，所以好少用大量酱汁奄制，反而用各种水果丶炭香突出食材。所以除咗必食牛扒丶生蚝外，一系列海鲜菜式都好值得一试，部分海鲜同样以木炭烤焗，以炭引出鲜味。
香烤八爪鱼须
地中海料理中烤八爪鱼好常见，味道清爽，以突出八爪鱼鲜味为主。大厨将西班牙八爪鱼，以鹰嘴豆丶墨鱼油醋汁丶Hunter 辣椒汁引味而成。
烧北海道带子
以香蕉洋葱代替一般洋葱，唔会有辛辣味之外，独有轻甜更突出日本带子鲜味。
必食烤新鲜波士顿龙虾，足足再600g重㗎！两边龙虾都涂上牛油，出炉超香。
烤海鲜选择仲有好多～
香烤虎虾
香烤鲈鱼
多款必食料理 经典Burrata
地中海料理擅於以芝士入馔，配埋蔬菜开胃健康。曾红遍欧美地区嘅芝士Burrata 顺理成章成为主角，再以意大利番茄丶三色椒衬托。
细心留意就发现呢度大量食材都系飞机运到，细小如平时当作配菜嘅番茄都特地由外国订购，难怪大厨都话CP值奇高。
The Hunter Cripsy
相信Wrap 系香港人较有印象嘅地中海料理，我个人都好锺意Wrap 嘅多重口感，大量爽口蔬菜包住炸软壳蟹，食落无咁热气之馀，罪恶感都大大减低呀。
【炭烤推荐！】香烤黄鸡
木炭可以引出各种鲜味，除咗头先提到一系列炭烤牛扒丶海鲜，仲再呢道炭烤黄鸡！大大只新鲜黄鸡入炉，利用木炭热力锁住鸡油肉汁，咬开外皮即渗出炭香，一班人Share 必食呀！
经典甜品 Lemon Curd Pavlova
外脆内绵嘅Pavlova，以淡雅蛋白为基调再加入柠檬酪，清甜解腻，轻轻敲开仲有惊喜！
驻场调酒师 设计多款Cocktail
餐厅有独立鸡尾酒吧，海军蓝色皮革吧椅，配上挂灯微光好有气氛。
The Maiden Voyge
味道刚烈嘅The Maiden Voyge 以冬季香料丶柠檬皮加入白兰地丶接骨木花酒等，系男士都会锺意嘅Cocktail。
Part With Parched
以椰子Rum丶紫苏叶丶香蕉酒，柑橘等调制，味道清爽。
Coyote Ugly
以意大利气泡Prosecco丶无花果加入London Dry Gin丶百里香丶覆盆子酒丶蜜糖丶柑橘调配，果香味浓。
留意返，餐厅现正於星期一至五只提供晚市；星期六丶日及公众假期提供午市及晚市。
THE HUNTER
地址: 将军澳唐贤街29号蓝塘傲地下11号铺
电话: 23300204