平时出街食饭，就系想食啲自己煮唔到嘅嘢，一嚐大厨手艺同心思。香港丽骏酒店地下嘅「中华小馆」就推出咗「金牌四人宴」，有前菜、花胶海皇羹、鲍鱼鹅掌外，更可一次过品嚐2款荣获厨艺大奖嘅小菜—金奖芝麻盐焗鸡、得奖奶油虎虾，分别由入厨多年老师傅；以及经验粤菜大厨主理。而家识食价$888(原价$1,638) 就食到喇。
「金牌四人宴」用料矜贵，更可食齐2道得奖菜式。
【堂食优惠】
「金牌四人宴」一次享受2道得奖菜式
日期: 即日起至11月30日 优惠: 识食价$888(原价$1638)
套餐菜式 清香桂花淮山/爽脆泡椒鱼皮（一份〉
养颜花胶海皇羹(每人一份）
蠔皇鲍鱼扣鹅掌（每人一份）
得奖奶油虎虾（每人一只）
金奖芝麻盐焗鸡一只
*此优惠不适用于9月23至10月7日 |
「金奖四人宴」有咩食～
好多熟客都大讚呢度嘅烧味好食，全因「中华小馆」系自设烧炉，全部烧味都系新鲜出炉。呢个套餐嘅金奖芝麻盐焗鸡，同样每日烧制，一有order就会扫上蛋白、洒满芝麻即炸。估唔到呢2样看似平平无奇嘅食材，加埋一齐会有种独特脆感好惊喜！
呢道芝麻鸡系老师傅拿手小菜之一，佢提到因为蛋白易燶，所以好讲究火喉控制。而且鸡只只拣适当肥瘦及约2斤重，烧出嚟先唔会过瘦过腻，食落脆卜卜又啖啖肉。
金奖芝麻盐焗鸡，芝麻蛋白有种独特脆感。
老师傅精选肥瘦适中鸡只，啖啖肉又唔腻。
另一重点得奖菜式—得奖奶油虎虾，由年轻经验大厨创作及主理。大厨提到个酱汁就系灵魂！以虾米、海鲜、奶油同多种神秘配料煮制，绵滑轻辣。
虽然食谱要保持神秘感，但大厨就透露呢个汁配任何海鲜都好夹，好多食客仲会特别要求多汁，用嚟配手抓饼劲惹味㗎。
得奖奶油虎虾，充满神秘感嘅酱汁绵滑轻辣，识食记住嗌多汁。
套餐前菜就有2款拣，钟意淮山嘅话会被清香桂花淮山惊艳到。平时淮山都系咸食为主，今次保留咗淮山嘅软糯口感，再淋上桂花糖浆变得甘甜。
清香桂花淮山，香甜桂花糖浆好滋润。
另一款前菜—爽脆泡椒鱼皮就香口惹味。鱼皮冰凉爽脆、入口Q弹。越咬越渗出淡淡嘅泡椒辣，但唔会太呛太辣，用作前菜醒胃饮酒一流。
爽脆泡椒鱼皮，Q弹轻辣，好啱饮酒倾计。
呢碗汤羹好有高级中菜仪式感，适合环境古色古香嘅「中华小馆」。养颜花胶海皇羹用上汤熬制，有满满花胶丝、瑶柱、虾米、带子粒等上等配料，每啖都有丰富咬感，浓稠汤羹亦相当暖胃。
养颜花胶海皇羹，好有高级中菜仪式感。
多种矜贵配料，缔造丰富咬感。
高级中菜唔少得经典蠔皇鲍鱼扣鹅掌，大厨依传统做法用鲍鱼汁燘煮5小时以上。鲍鱼入味浓厚，肉厚弹牙；鹅掌则挂满酱汁，更有满满骨胶原。
蠔皇鲍鱼扣鹅掌，依传统煮法燘煮5小时以上。
【外卖优惠】
原只脆皮炸鸡／原只玫瑰豉油鸡
除咗堂食优惠，呢度嘅外卖优惠都好吸引！原只脆皮炸鸡／原只玫瑰豉油鸡外卖只系$88(原价$128)，真系成只鸡「免切」拎返屋企，零包袱直接用手撕只鸡髀嚟食好正。全部即日自家烧制，每只约1.5斤重，4人家庭都好够食喇。
日期: 即日起至11月30日 时间: 每日下午5:30-晚上6:30 优惠: $88/1只(原价$128) |
每日滋补炖汤(原樽炖汤)
日期: 9月头起 优惠: $68
堂食原樽炖汤 川贝炖鳄鱼肉
外卖原樽炖汤 五指毛桃 松草花 天麻炖鱼头 石崇鱼(或需另加钱)
*原樽炖汤款式仅作参考，会视乎当日食材供应改变 |
【CP值高到爆灯】特制外卖盒！成只鸡拎返屋企只系$88
呢个外卖优惠真系必抢～原只脆皮炸鸡／原只玫瑰豉油鸡外卖只系$88咋。好钟意店家嘅特制外卖盒，成只鸡拎返屋企好方便，一打开就食得。因为系自家烧制，所以每日限定100只咋，记住mark实供应时间下午5:30-晚上6:30嚟买。
原只鸡外卖绝对唔简单，更要特别订制外卖盒。全因大厨考虑到烧鸡一切开就好快冻，反而原只鸡可以keep到热辣辣外，一家人齐齐手撕一啖鸡髀、一啖鸡胸更爽！特别系脆皮炸鸡，返到屋企鸡皮仲脆卜卜㗎，一撕开即刻爆出肉汁。
原只脆皮炸鸡，返到屋企鸡皮仲系脆卜卜。
原只玫瑰豉油鸡，香甜豉油汁一家大细都啱食。
特别订制外卖盒，轻松拎原鸡返屋企食。
「中华小馆」于香港丽骏酒店地下，门口具气派。
用餐环境充满中式古典韵味。
电梯直到2楼私人包厢，方便同行长辈。
中华小馆
地址: 湾仔骆克道128号地下及1楼
电话: 28800112
