情人节食完晚饭再漫步海傍先有仪式感。喺将军澳海傍嘅日本料理店「花楽」就有超丰富情人节二人前，一次过食匀5款刺身—油甘鱼、金目鲷、帆立贝、甜虾、日本生蚝，全部每日日本直送㗎！仲有大份量安格斯牛肉寿喜烧沾蛋浆食劲正，加埋沙律黑松露锅巴、蟹肉汤、寿司、天妇罗同甜品大满足。
今次甜品仲好有惊喜，雪糕组合係三文鱼籽威士忌+柚子雪糕，仲有玫瑰花豆腐慕丝好有情人节气氛呀。
「花楽」情人节二人前极丰富。
沙律
烟三文鱼沙律 配黑松露锅巴 ‧ 煎鸡凯撒沙律
2款沙律都有满满配料，好锺意加咗黑松露锅巴香口好多，劲开胃。
沙律有多款配料。
热汤
淮山蛋花豚肉麵豉汤 ‧ 日本南瓜蟹肉汤
冬天饮啖日本南瓜汤，香甜绵密真係好暖胃。而且蟹肉份量几多，差唔多每啖都食到丝丝蟹肉。
平时喺香港饮到嘅麵豉汤都係简单加入海带、豆腐等，呢度就好有心思地煮製淮山蛋花豚肉。蛋花令麵豉汤口感更滑嫩，配埋脂肪极低嘅淮山好啱女生饮，情人节哄吓女朋友啦。
淮山蛋花豚肉麵豉汤口感滑嫩，健康养颜。
睇吓日本南瓜汤几绵密。
刺身
油甘鱼·金目鲷·帆立贝·甜虾·日本生蚝
今次真係蚝迷福音，除咗一系列人气刺身，仲特别引入日本生蚝，口感清爽、味道细腻。正值冬天当造嘅油甘鱼好厚切肥美，入口化出鱼油香好正。
刺身拼盘有埋生蚝，满足双重愿望。
寿司
油甘鱼·金目鲷·牡丹虾
有3款最人气寿司～师傅手握寿司饭粒软糯度啱啱好，鱼生都几厚切，每款2件几满足到寿司瘾。
寿司份量都好足，日本直送鱼材好新鲜。
安格斯牛肉寿喜烧
主角之一寿喜烧有劲多安格斯牛肉！粉嫩牛肉好多雪花，轻轻一渌就食得，沾蛋浆食仲绵滑啲。配埋轻甜寿喜烧汤底好突出到肉味呀，日式茶壶装满汤底可自行加汤。
寿喜烧好足料，超多安格斯靓牛。
轻轻一渌就食得，沾蛋浆食更滑嫩。
天妇罗
紫菜明太子露荀天妇罗卷 配 明太子酿北海道帆立贝天妇罗 / 松叶蟹脚天妇罗
平时天妇罗都係大虾、野菜，今次师傅好有心思将明太子配露荀、北海道帆立贝整成卷物炸至金黄色，比一般天妇罗更有口感。
天妇罗卷物好有层次口感。
甜品
三文鱼籽威士忌配柚子雪糕‧玫瑰花豆腐慕丝奶油
甜品柚子雪糕好特别，加咗三文鱼籽用鱼油香突出雪糕甜味，加埋香浓酒香劲有层次。
威士忌撞上柚子雪糕有惊喜。
豆腐慕丝放上玫瑰好唯美，慕丝软绵绵又有豆香，女生一定锺意。
好唯美嘅玫瑰甜品。
【半价】晚市寿司．刺身半价优惠！
时间：只限星期一至五全日时段(星期六、日及公众假期除外) 优惠详情：只要Like 花乐Facebook及IG，晚市所有寿司、刺身即享半价 ***只限堂食 |
寿司刺身半价 拖罗回本！必食肥美刺身
全场半价咁抵，梗係想赚尽优惠啦！个人觉得最回本係拖罗，因为係每日由日本筑地新鲜直送，相比坊间冰鲜货更肥美。食落丰盈鱼脂慢慢喺口中融化，锺意鱼油香嘅话必点！
「花乐」所有鱼生由日本直送，款式选择多，半价真係忍唔住想试晒每款。
天冷鱼肥，冬天鱼嘅油脂特别丰满，所以食喜之次、鲭鱼、深海池鱼等鱼油重嘅刺身就最正，口感肥美软嫩，鱼油入口融化。不过因为日本鱼材每日直送，所以款式日日都会有啲唔同㗎。
冬天拣鱼油重嘅刺身，口感肥美软嫩，鱼油入口融化好正。
人气下午茶！梦幻双层鸟笼 日本料理+甜品
呢度嘅下午茶一直好高人气！双层鸟笼有多款日本料理、甜品之馀，仲有唔少刺身入馔。
下午茶有 $498 或 $298 2款价钱拣，料理款式略有不同，但都好丰富有齐前菜层层塔、双层鸟笼、花茶2人份。下昼3点饮杯花茶，再望吓将军澳海滨长廊靓景真係好Chill。
【花乐下午茶$498】
有拖罗蓉、松叶蟹、甜虾、鹅肝等，用料丰富，而且有多款日本鱼材，下昼突然有鱼生瘾就啱晒。
「花乐下午茶$498」有多款日本鱼材，下午茶时段一止鱼生瘾。
「前菜层层塔」有日本海草Cocktail 杯、矶煮鲍鱼、芝士年糕伴蟹籽酱。
上层鸟笼就有「松叶蟹甲罗鸟巢寿司」，松叶蟹份量好足！加埋海胆提鲜蟹味好出。
松叶蟹甲罗鸟巢寿司
估唔到连厚切拖罗刺身都有！同样係日本筑地新鲜直送㗎。
拖罗刺身
好锺意吞拿鱼蓉嘅软绵绵口感，加埋轻甜玉子烧唔会太腻。
吞拿鱼蓉配香葱玉子烧
外层有啲焦脆、内裡甘香软嫩，放喺咸点最后食好圆满。
鹅肝寿司
下层甜点款式好多，而且唔係一般小蛋糕，如水信玄饼、十胜红豆厥饼、法国直送梨吉士酱批等，锺意食甜品嘅话一定好开心，哄女朋友一流呀。
樱花和菓子好唯美，好似去咗日本食甜品打卡咁。
日本樱花和菓子
除咗日本打卡甜品，仲特别由法国订购法国师傅亲製饼批。好锺意呢个批边焦甜扎实，好似曲奇咁愈食愈有牛油味，馅料则有梨加埋吉士酱好香滑。
法国直送梨吉士酱批
花楽
地址: 将军澳唐俊街21号翩滙坊地下G23号舖
电话: 23892628
