义大利餐厅“PASTEAKO”，主打手工意粉同靓牛扒。店内环境营造电影《教父》风格，复古红白地砖、酒红色梳化、昏黄灯光好有feel。
今年5月新推母亲节套餐，一次过满足锯扒、手工意粉两大高级享受!! 套餐只系$498，包括自选手工意粉、牛扒、甜品；仲可以任食意粉同三文鱼柳。CP值咁高，啱晒钟意惊喜又精明嘅妈妈啊。
Pasteako母亲节套餐$498
【自选意粉】 妈妈的心意卡普里色拉饺子 (Mom’s Heartfelt Caprese Tortellini)
蟹肉墨鱼汁扁意粉 (Carb Linguini)
松露珍宝粗管面 (Truffle Treasure Rigatoni)
提升Omega 3之选 (The omega 3 booster)
绿色健康之选 (Go Green go Healthy)
【自选美国USDA Prime 21天干式熟成牛扒】 西冷扒 / 肉眼扒 升级M5澳洲Full Blood和牛肉眼扒+$198
【甜蜜结尾】 自家制提拉米苏 (Homemade Tiramisu)
【Free Flow】 意粉&三文鱼柳&酱汁 |
【自选意粉】
“PASTEAKO”主打手工意粉，全部人手新鲜制作，所以意粉款式特别有蛋香同烟韧㗎。今次套餐嘅自选意粉环节，就有义大利馄饨(Tortellini)、扁意粉(Linguini)、粗管面(Rigatoni) 选择，妈妈一定拣到自己心水意粉。
妈妈的心意义大利馄饨 (Mom’s Heartfelt Caprese Tortellini)
自家制义大利馄饨，内馅系Sunrise Cherry Tomato、水牛乾酪同巴马臣乾酪。每一只义大利馄饨都系人手捏制，口感软糯又弹牙，饱满乾酪馅劲香浓!! 配埋鼠尾草牛油酱，有种独特香草层次。
蟹肉墨鱼汁扁意粉(Carb Linguini)
乌黑嘅墨鱼汁扁意粉好抢眼!! 面条真系有种海洋鲜味。酱料亦唔会好腻，而且每啖都食到蟹肉，好推荐钟意海鲜嘅妈妈。
松露珍宝粗管面(Truffle Treasure Rigatoni)
挂汁力十足嘅粗管面，真系挂满奢华松露酱!! 而且意粉口感好Q弹，每咬一啖，口中都会爆发浓郁松露香。加埋铺满嘅新鲜松露片，香味层层递进几有层次。
Omega 3提升之选(The Omega 3 Booster)
如果妈妈钟意奢华食材，呢道加咗鱼子酱嘅手工意粉就啱喇。手工意粉嘅蛋香，撞上吞拿鱼肉同鱼子酱好吸引!! 鱼子酱仲会粒粒爆开，释放海洋风味瞬间，又再食件牛扒真系一大享受。
绿色健康之选(Go Green Go Healthy)
想专注享受手工意粉口感同蛋香，呢道贝壳面无加多馀配料，只系将菠菜融合贝壳面团，再洒上瑞可塔乾酪。天然甜味融合乾酪乳香，回归朴实反而更突出手工意粉嘅精髓。
【自选美国USDA Prime 21天干式熟成牛扒】
虽然“PASTEAKO”手工意粉做到咁出色，但佢哋都好专注做好牛扒㗎。甚至入座前可以拣把专属刀锯扒，8款餐刀分别嚟自义大利、德国、土耳其、波斯、日本、蒙古等地，各有刀具历史文化，好有仪式感。
美国USDA Prime 21天干式熟成牛扒，牛扒天然酵素会喺熟成过程中分解蛋白质，浓郁肉味会有种独特风味㗎。另+198仲可以升级M5澳洲Full Blood和牛肉眼扒，罕见嘅纯种和牛柔软多汁又有油香，好值得升级!!
PASTEAKO
地址: 中环鸭巴甸街35号元创方B座Hollywood地下HG01-HG05号舖