今个圣诞除夕，去呢间有电影《教父》感觉嘅意大利餐厅「PASTEAKO」几有Feel喎。除咗有靓环境，佢哋定时人手敲钟任食意粉环节已经喺网上爆红!! 今年圣诞除夕，依然有呢个Free Flow传统，一齐感受热闹气氛啦。
意大利餐厅「PASTEAKO」主打手工意粉同熟成牛扒，环境好有电影《教父》感觉。
圣诞除夕唔使飞欧洲，都可以喺意大利气氛下食大餐。
「PASTEAKO」定时敲钟任食意粉环节，早前喺网上爆红！
「PASTEAKO」嘅店名，其实就係Pasta同Steak～ 呢度店如其名主打手工意粉同牛扒，今次圣诞/除夕套餐就包咗手工意粉、USDA Prime 21日乾式熟成牛扒，加埋前菜、热汤同甜品超级丰富！而且手工意粉选择好多—宽条麵 (Pappardelle)、螺旋短麵(Trofie)、筒状麵(Garganelli)、斜管麵 (Rigatoni)、意大利云吞(Ravioli)，并会依每款意粉特性跟配唔同配料，同平时坊间食嘅意粉好唔同，绝对係手工意粉迷福音啊。
圣诞/除夕套餐一次过食晒手工意粉＋熟成牛扒，仲有前菜、热汤同甜品。
一入门口仲可以拣把专属刀锯扒，8款餐刀分别嚟自意大利、德国、土耳其、波斯、日本、蒙古等地，每把刀具背后都承载独特历史文化，未坐低已经满满仪式感。
大家可以喺刀柜拣餐刀，好有仪式感。
刀具嚟自世界各地，承载独特历史文化。
🎄圣诞/除夕套餐$588
无论你想几时嚟「PASTEAKO」，圣诞/除夕套餐价钱都係一样，唯一唔同只係Free Flow环节。圣诞套餐Free Flow係「主厨精选意粉、烟燻牛小排(Smoked Beef Short Ribs)、辣根酱」；除夕套餐Free Flow就係「主厨精选意粉、慢烤OP牛肋骨(Op Ribs Seasonal)、辣根酱」。
Free Flow环节好有节日气氛，好期待啊!!
【番茄汤(Tureen of Tomato)】
新鲜番茄熬製汤底后，再加埋罗勒青酱、橄榄、芹菜好有天然香味。
【沙律(Salad)】
顶级牛柳薄片(Carpaccio of Prime Beef Tenderloin)
经典牛柳薄片(Carpaccio) 好食到牛肉原始味，上面铺满茴香、香菰同红甜椒。用牛薄片包住配料嚟食，首先食到好浓肉味，再慢慢渗出蔬菜清爽味几解腻丰富。
【选择你的意粉(Choose Your Pasta)】
松露宽条麵(Pappardelle: Truffle)(Carpaccio of Prime Beef Tenderloin)
如果你锺意挂汁爆满口感，可以拣粗犷厚实嘅宽条麵。今次仲挂满松露酱，第一啖已经好有冬季菌香满足感!!
香辣茄酱特飞麵(Trofie Spicy arrabbiata)
突飞麵係意大利最古老嘅手工意粉之一，大厨会用掌心快速搓捻出嚟，所以每条大细不一做出特别口感。配搭酸中带辣茄酱，有种越食越上瘾嘅感觉，觉得好啱饮气泡酒。
捲意粉配北极虾番茄贝类浓酱(Garganelli Cold water prawns tomato and shellfish bisque)
意大利北部嘅经典意粉，传统用木板同梳子压製而成，坑纹可以牢牢抓住酱汁，仲有独特咬口。而且北极虾出名好鲜甜，加埋各种贝类鲜味浓郁，海鲜控一定要试。
粗管麵配栗子及佐鹅肝酱汁(Rigatoni Foie gras sauce chestnut)
粗管麵比一般意粉特别粗壮结实，所以粗管入面会承载好多酱汁，咬开有种爆汁口感。因为加咗冬季时令嘅栗子同埋奢华浓郁嘅鹅肝酱汁，係一款好有圣诞气氛嘅意粉。
扇贝意大利云吞(Ravioli of Sea Scallop)
意大利云吞外皮滑熘，有种爆馅口感。鲜甜扇贝馅同耶路撒冷洋蓟薑酱呢个组合几有新鲜感。微辛清爽，无论味道同咬口都与别不同。
【USDA Prime 21日乾式熟成牛选择(Your Choice Of USDA Prime 21 Days Dry Aged Cut)】
今次圣诞套餐都係意粉＋牛扒靓靓地上枱，头先拣完一系列手工意粉，就可以拣埋西冷扒定肉眼扒啦。两款肉位都係用USDA Prime 21日乾式熟成牛，熟成期间，天然酵素会软化牛肉组织，肉质特别松软!! 肉味仲会有种独特牛油、烤坚果香味，係另一种层次嘅牛扒风味啊。
大时大节想食得好啲，可以+$188升级M5和牛肉眼，大理石纹嘅油脂分佈，外层会烧到焦香轻脆咁!! 加埋入面嘅油香肉味，绝对值回票价。
【甜品(Sweet Ending】
经典意大利圣诞麵包(Classic Panettone)
好有欧洲气氛嘅意大利圣诞麵包(Panettone)，发酵72小时令麵包充满空气感，口感松软☁️。入面仲有橙皮、葡萄乾、云呢拿香味，配埋马斯卡彭忌廉(Mascarpone Cream)，质地绵滑，淡淡乳酪酸香令甜度显得更圆润，作为节日大餐结尾好圆满啊。
PASTEAKO
地址: 中环鸭巴甸街35号元创方B座Hollywood地下HG01-HG05号舖