想喺尖沙咀食个CP值高嘅高级lunch，可以考虑由杜拜、阿布扎比皇宫厨师Balram Yadav开设嘅印度餐厅“Spice Bazaar”。Balram Yadav拥有超过30年印度菜经验，亦曾于印度五大酒店集团工作，擅于用多种香料煮制香港人钟意嘅印度菜。
“Spice Bazaar”系香港少有分咗 素食 / 非素食 菜单嘅印度餐厅，无论你想go green抑或素食者；甚至身边有素食者朋友，都系一大福音啊。
Balram Yadav曾任杜拜、阿布扎比皇宫厨师。最近于尖沙咀开设自己嘅印度餐厅“Spice Bazaar”。
一出𨋢就见到法国画家Eric手绘壁画，呈现印度文化。
“Spice Bazaar”环境精致，提供室内及露台座位。
【素食/非素食都满足】午市套餐$98起
「午市套餐(素食 / 非素食)」只系$98起咋!! 呢个价钱包括是日餐汤、前菜、主菜、印度烤饼/巴斯马蒂米饭、甜品，超级丰富。「素食午市套餐」可以食到经典茄子炸饼(前菜3选1)、鹰嘴豆咖喱(主菜3选1)，跟个印度大蒜烤饼(面包2选1)，再食埋甜品真系好满足。
「非素食午市套餐」就有用奶酪醃到好嫩嘅鸡肉蒂卡Chicken Tikka(前菜3选1)、人气招牌菜奶油鸡(主菜3选1)，真心啖啖肉。
【午市疯狂任食】印度烧烤餐菜单
晏昼都想疯狂扫食!? 呢度下昼另有「印度烧烤餐菜单」包括沙律、主菜外；仲3选1无限供应 法式薯条/蒜香烤饼/香饭 只系$108起。
而且“Spice Bazaar”嘅印度料理唔会好辣，反而每啖都好有层次，香料味会慢慢渗出嚟。厨房特设印度传统烤炉Tandoor，高达400°C嘅圆柱形大窑炉，keep住新鲜出炉印度烤饼、海鲜、肉扒、羊架，今次「午市套餐」同「印度烧烤餐菜单」都有机会食到㗎。
Balram Yada擅于用多种香料煮出层次，唔会死辣。
店内设有印度传统烤炉Tandoor，高达400°C 新鲜出炉印度烤饼、海鲜、肉扒、羊架。
「印度烧烤餐菜单」包括沙律、主菜外，更可3选1无限供应 法式薯条/蒜香烤饼/香饭。
即刻睇吓「印度烧烤餐菜单」有咩主菜(8选1)啦～
羊排(Lamb Chops) $118
以印度香料醃制嘅羊排，好钟意外层少少燶边几香口，食落有种烟燻辛香风味。
奶酪串烧(Paneer Tikka) $108
平时乾酪都系配角，有无兴趣试吓将印度传统乾酪 (Indian Cottage Cheese) 变成串烧主角? Balram Yadav直接将自制乾酪切件烧制，口感柔软浓郁，有啲似带乳香嘅豆腐，新鲜感十足。
鸡肉串烧(Chicken Tikka) $108
用混合香料醃制嘅无骨鸡肉，juicy又有丰富印度香料风味。外层焦脆，入面仲好软嫩，同跟配嘅薄荷奶酪酱好夹!!
羊腿肉马萨拉(Lamb Shank Masala) $118
Balram Yadav以浓郁马萨拉酱汁慢煮羊髀，羊肉嫩到轻轻切开就离骨。如果你钟意好软嘅肉质，一定要试呀。推荐拣任食蒜香烤饼，超多汁蘸嚟食，正!!
烤鱼串烧(Fish Tikka Tandoor) $118
今次「印度烧烤餐菜单」有优惠价追加饮品～ 如果你钟意饮啖啤酒、食吓Fish & Chips，呢款烤鱼串烧绝对系升级版呀!! 因为套餐可以任食薯条之馀，呢道烤鱼更用传统烤炉Tandoor 400°C 烤焗澳洲鲈鱼，高温迅速锁住鱼汁同鲜甜味。
烤花椰菜(Tandoor Gobi) $108
“Spice Bazaar”真系好照顾素食者，呢个套餐都有素食选择。烤花椰菜外层金黄酥脆，咬开又有花椰菜原始草本脆嫩风味。
蒜香虾(Garlic Prawns) $118
Balram Yadav擅长用多种香料煮出印度风味，唔会死辣。好似呢道蒜香虾，弹牙虾肉有种柔和奶酪香料味，加埋个酱超开胃。
Spice bazaar
地址: 尖沙咀宝勒巷10号4楼