旺角必食隐世Cafe: 25楼靓景玩Board Game 开心果麻糬必食

原来旺角有间隐世纯白Cafe「第三站」，可以望住旺角靓景食嘢玩Board Game坐足3个钟!! 呢间Cafe位于25楼，仲有大玻璃可以俯瞰旺角，真系好少机会咁样望旺角街景，熟悉又陌生嘅感觉好特别。

纯白Cafe气氛舒适，有好多大梳化位。

VIP房可以俯瞰旺角，平时无人订房嘅话都有机会坐呢度㗎。

【CP值高】套餐$72起坐足3小时！

唔好以为坐足3个钟会好贵，「第三站」价钱好亲民。Lunch Set同Dinner Set都好抵食，有黑松露蟹肉配黑醋沙律、香蒜白酒蚬肉意粉、西班海虾辣肉肠烩饭、黑松露带子鲜菌烩义大利饭等，即叫即制几好味!!

全部套餐都赠送$38饮品1杯(如$38以上可补差额)；另+$38更有田园沙律及蛋糕(自选1款特色蛋糕)，CP值极高!! 午餐甚至低至$72就有啦。即刻睇吓Lunch Set/Dinner Set有咩主菜拣～

黑松露蟹肉配黑醋沙律

香蒜白酒蚬肉意粉

烟三文鱼奶油番茄酱扁意粉

黑松露带子鲜菌烩义大利饭

西班牙海虾辣肉肠烩饭

【朋友系要见嘅】4人起Party Package任饮

除咗Lunch Set同Dinner Set，只要4人起就可以享用「第三站」嘅超值Party Package，分别有$148/位、$178/位、$208/位 3款价钱Package拣。3款价钱都包括咗多款意粉、饭类、特色小食、甜品，最抵系可以任饮特色饮品，如水蜜桃特饮、巨峰提子乳酸、青芒特饮等，成班朋友吹水吹足3个钟都唔怕口渴啊~

【人气单点】

必食自家制甜品

嚟到「第三站」一定要食埋佢哋嘅甜品!! 因为全部都系自家制，仲有近年超人气甜品—软滑绵密巴斯克乾酪蛋糕，同埋超级烟靭Q弹嘅开心果麻糬提拉米苏，当然唔少得长期大受欢迎嘅朱古力蛋糕。私心钟意佢哋嘅甜品唔会好甜，而且每日新鲜制口感特别绵滑。