原来大坑手工意粉排队店“Nocino”，喺观塘同中环都有分店!! 今次嚟到观塘店好钟意个环境，木质家俱、石墙、植物打造自然乡村风格，亦有大玻璃好开扬，坐得舒服。
大坑手工意粉排队店“Nocino”，观塘分店好开扬。
木质家俱、石墙、植物打造自然乡村风格。
网上爆红波浪意粉！
佢哋嘅手工意粉好有蛋香，嚟到必食网上爆红嘅波浪意粉啊。除咗意粉，其实主厨兼老板Matthew Ziemski 家族嚟自Ticino (瑞士义大利语区)，料理灵感就嚟自当地洞穴风格餐厅(Grotto-style)。
Nduja波浪意粉。意粉挂满酱汁，配料有Nduja香辣意式肠、猪肉、义大利马加邦尼乾酪。
同场仲有多款手工意粉拣，口感弹牙。
老板由伦敦移居香港 带嚟瑞士南部料理
Matthew 之前喺伦敦任大厨多年，直至2019年移居香港开店，为香港人带嚟好少机会食到嘅Ticino 料理。因为Ticino 喺瑞士南部(靠近阿尔卑斯山及接壤义大利边境)，涵盖冰川至栗子森林。呢种独特地理造就洞穴风格餐厅(Grotto-style) 嘅乡村料理。观塘店仲要咁阔落，大家可以好似当地人咁一齐饮吓葡萄酒；又食吓乾酪、冷盘肉类。当地嘅波伦塔玉米粥(Polenta)、义大利饭、新鲜手工意粉都好吸引。
和牛他他好有原始肉味，连埋牛奶蒜蓉蛋黄酱、脆薯一齐食。
【神秘Off Menu 乾酪鸡尾酒!】
Grotto Negron
呢度有驻场调酒师调制多款Cocktail/Mocktail 之外，原来有杯神秘Cocktail—“Grotto Negroni” 系Off Menu!! 将经典义大利调酒Negroni 喷上义大利戈贡佐拉乾酪(Gorgonzola Cheese) 泡沫，再拎住原件乾酪疯狂刨丝，最后洒啲新鲜磨碎嘅肉荳蔻粉。
呢款经典酒Negroni 本身系用琴酒(Gin)、卡帕里酒(Campari)、甜苦艾酒(Sweet Vermouth) 调制，所以有琴酒嘅草本香、卡帕里酒嘅苦涩同 甜苦艾酒嘅轻甜。
加咗乾酪后，第一啖饮“Grotto Negroni” 真系有种咸香，之后又慢慢渗出Negroni 嘅苦甜酒味，两种味道平衡交融好有魔力!! 真系会想追住嚟饮，嚟到真系要嗌嚟试呀。
Grotto Negron 喷上义大利戈贡佐拉乾酪(Gorgonzola Cheese) 泡沫。
再拎住原件乾酪疯狂刨丝，最后洒啲新鲜磨碎嘅肉荳蔻粉。
【Cocktail】
Cocktail Menu 选择都好精致，有芙蓉花、薰衣草；甚至黑兰姆酒同咖啡嘅风味。我哋饮咗几款，酒味都系恰到好处唔会好呛。无论钟意果香或强劲啲嘅选择都有。
多款Cocktail 都好精致，各有特色。
Tamaro Sbagliato
卡帕里酒(Campari)/苹果苦艾酒(Apple Vermouth)/气泡酒(Sparkling Wine)
基调系出名苦甜嘅卡帕里酒(Campari)，未饮嗰阵以为会好苦。但苹果苦艾酒(Apple Vermouth) 嘅草本果香提升返甜味，加埋气泡酒(Sparkling Wine) 更易入口，真系几有意外惊喜。
将卡帕里酒(Campari) 苦甜味，加入草本果香。
Ticino Spritz
义大利利口酒(Aperol)/芙蓉花/橙/气泡酒(Sparkling Wine)
呢杯Cocktail 混搭瑞士及义大利风味，好似将Ticino 湖畔气息变成鸡尾酒咁。将义大利利口酒(Aperol) 加入芙蓉花花香、 橙皮碎，并以义大利气泡酒Prosecco 混入清新香甜。相信好多女仔都会钟意呢杯有花香、果香嘅鸡尾酒。
集合花香、果香嘅鸡尾酒，好多女仔都会钟意。
Nocinotini
义大利核桃利口酒(Nocino)/ 黑冧酒(Dark Rum)/ 咖啡马沙拉(Coffee Marsala)
想试吓咖啡鸡尾酒(Espresso Martini) 结合 核桃利口酒(Walnut Liqueur) 会系点，呢杯Nocinotini 可能畀到答案你。调酒师加咗黑冧酒(Dark Rum)，多咗种型格气势。
而且呢度嘅义大利核桃利口酒(Nocino)，系老板Matthew 嘅叔叔每年核桃季节喺家乡Ticino 亲摘核桃嚟酿制。远自欧洲嘅独特风味，好值得一试。
基调义大利核桃利口酒(Nocino)，系老板Matthew 嘅叔叔喺家乡Ticino 亲摘核桃嚟酿制。
Clear Day in Maggiore
琴酒(Gin)/ 薰衣草/ 柠檬/ 气泡酒(Sparkling Wine)
如果香港生活嘅印象系打开窗，只望到高楼大厦同邻居晒衫……咁呢杯鸡尾酒就用薰衣草、柠檬带你去到欧洲嘅马焦雷湖(Lake Maggiore)，气泡酒(Sparkling Wine) 再加咗一种香甜活力。
以薰衣草、柠檬带你去到欧洲嘅马焦雷湖气氛。
【Mocktail】
如果你平时唔饮酒，呢度嘅Mocktail都好吸引，有百香果橘子、柠檬蜂蜜同芙蓉玫瑰伯爵茶口味拣。
KATARINA- Passion Fruit Tangerine Fizz
葡萄柚/ 菠萝/ 碳酸水
强劲碳酸泡泡，又有葡萄柚同菠萝果香，好啱夏天解渴!!
碳酸泡泡好解渴。
Sù-Chee- Lemon Honey Gazosa
Lemon Shrub/ 碳酸水(Carbonated Water)
甜美蜂蜜同酸爽柠檬好Refresh。
想Refresh啲可以拣呢杯。
Gelsomino- Hibiscus Rose Earl Grey Fizz
芙蓉花/ 玫瑰糖浆配碳酸水
呢杯红色Mocktail，无论味道同外型都好高雅，同“Nocino” 嘅自然风格冲撃得几有趣。
喺自然风格下享用高雅Mocktail，冲撃感几有趣。
Nocino(香港)
地址: 香港大坑铜锣湾道92E号地舖
电话: +852 60121098