仲未谂到情人节食咩好，如果有齐生蠔、鱼子酱、龙虾、和牛、日本野 生黑舞茸菇……斋谂食材已经够满足啦!! 全新北欧风装潢“Lab Eat Restaurant & Bar”推出情人节套餐。
呢度以创意料理闻名，擅于重新演绎矜贵食材，今次连生蠔都做到有惊喜!! 套餐更送2杯红白餐酒／Cocktail／Mocktail，系情侣福音呀。
【前菜·头盘】法国生蠔Sea to Table
情人节套餐真系由头盘矜贵到甜品，无一道料理系配衬品。单单前菜—法国生蝶(4只)及鱼子酱，就系法国南部水域直送生蠔，运送途中唔会经过供应商处理，真系做到sea to table效果，海水味特别浓郁。
生蠔上面仲有招牌黑鱼子酱，独特咸鲜完美融入生蠔，双重鲜甜好正。
接续上枱嘅头盘—香煎法国鹅肝，鹅肝煎到外脆内软好吸引!! 再配埋焦糖化日本梨子，以酸甜味道平衡鹅肝腻感。
另一头盘—北海道帆立贝薄切及鱼子酱相当唯美，薄切帆立贝铺满花花真系好啱情人节气氛，花花仲可以食埋㗎。
相当佩服大厨刀功，将加拿大刺身级帆立贝切得薄如纸系好大挑战。薄切唔只摆盘靓；亦更突出天然贝味㗎。
【热汤】日本黑舞茸菇·龙虾海鲜
一直好钟意“Lab Eat”所有细节都做得出色，自家熬煮嘅热汤系可以食到粒粒食材口感。好似泡沫黑松露菌浓汤，每啖都有种菌类口感，加埋北海道牛奶泡沫煮制，香滑程度直逼Cappuccino。
另一道法式马赛龙虾海鲜汤，就融合传统法国龙虾汤、马赛海鲜汤两种煮法，一啖会有几种海鲜层次，真心两款汤都好值得一试呀。
【主菜】M8和牛·鲜活龙虾·海胆·蟹肉
呢个套餐系可以食晒两款主菜，有齐和牛、有龙虾已经好吸引!! 澳洲 M8和牛西冷及日本野生黑舞茸菇会先将澳洲和牛低温慢煮，锁住肉汁；再高温炭烧逼出肉香，比一般牛扒更加软嫩、重肉味。
另外，鲜活龙虾及海胆蟹肉义大利饭保留咗“Lab Eat”开业以嚟追求完美嘅概念，由备料到煮制都毫不马虎。米饭系用咗6种海鲜熬制5小时，并用特别方法将龙虾拆壳慢煮，令饭粒同龙虾肉都更加香浓。唔只食材身价矜贵，心思煮法都做出惊喜。
【甜品】玫瑰甜心
好多熟客都为咗“Lab Eat”甜品而嚟，因为呢度系少有餐厅拥自家甜品师，定期设计各款打卡甜点，唔系现成货可媲美㗎。
今个情人节，甜品师用佢嘅创作世界观，设计呢款简单而隆重嘅甜品。以最顶级法国奶油做出慕丝，比一般奶油柔滑得多，独特香甜而不腻。经过多次调较份量，并用特制模具先做出呢款玫瑰荔枝甜品。
【饮品】红白酒／Cocktail／Mocktail
今次情人节套餐包2杯饮品，除咗红白餐酒亦有Cocktail或Mocktail拣，无论饮唔饮酒都有仪式感。
Italian Valentine(Cocktail)
融合咖啡同酒香好特别，基调系巴西单品咖啡豆，再加上法国咖啡酒、鲜奶油及比利时朱古力。有种义大利乾酪饼嘅微妙感觉，入口先有丝丝朱古力甜味，再变化成微苦咖啡香，最后渗出酒味。
Valentine's Golden Special(Mocktail)
Mocktail独特金粉俨如星空幻变，上面仲有新鲜食用花花好IGable。调酒师特以法国红加仑子蓉、美国黑加仑子自制成糖浆，再倒入梳打水撞出清爽感觉。
(左)Italian Valentine(Cocktail)、(右)Valentine's Golden Special(Mocktail)
LAB EAT Restaurant & Bar (金巴利道)
地址: 尖沙咀金巴利道87-89号侨丰大厦地下1-2号舖
电话: 28331976
旺角店亦推出另一款，价格为$1388的高性价比情人节套餐。
详细资讯可致电旺角分店，电话号码为2352 5655。分店位于旺角弥敦道700号T.O.P. This is Our Place 5楼502号舖