原来喺香港都可以带妈妈一嚐皇宫厨师手艺!! 杜拜、阿布扎比皇宫嘅厨师Balram Yadav 移居香港，喺尖沙咀开设自己嘅印度餐厅“Spice Bazaar”。Balram Yadav 拥有超过30年印度菜经验，亦曾于印度五大酒店集团及香港人气印度餐厅掌厨，擅于用多种香料煮制香港人钟意嘅印度菜。
Balram Yadav曾任杜拜、阿布扎比皇宫厨师。最近于尖沙咀开设自己嘅印度餐厅“Spice Bazaar”。
一出𨋢就见到法国画家Eric手绘壁画，呈现印度文化。
“Spice Bazaar”环境精致，提供室内及露台座位。
【母亲节套餐】素食 / 非素食 妈妈都啱！
如果你有位素食妈妈，“Spice Bazaar” 都系好选择，因为呢度系香港少有提供 素食 / 非素食 菜单嘅印度餐厅。今次母亲节套餐都有唔少素食选择，好似素食嘅伊朗三角饺(Irani Samosa)、酸辣酱乾酪烤串(Chutney Paneer Tikka)、蘑菇豌豆咖喱(Kumb Mutter Masala)、茄子咖喱(Bagara Baigan) 等，以蔬菜、豆类同印度香料煮制，就算素食都好有印度风味㗎。
当然，母亲节套餐都有窑烤大虾(Tandoori Prawn)、马萨拉羊肉(Masala Lamb)、香草奶油鸡(Murgh Methi Malai) 等非素食选择。“Spice Bazaar” 厨房特设印度传统窑炉Tandoor，高达400°C嘅圆柱形大窑炉，keep住新鲜出炉印度烤饼、海鲜、肉扒、羊架!!
“Spice Bazaar” 母亲节套餐$298。
Balram Yada擅于用多种香料煮出层次，唔会死辣。
店内设有印度传统窑炉Tandoor，高达400°C 新鲜出炉印度烤饼、海鲜、肉扒、羊架。
“Spice Bazaar” 母亲节套餐$298
【开胃菜】 扁豆汤(Dal Ka Shorba)
【前菜】 素食: 伊朗三角饺(Irani Samosa)、酸辣酱乾酪烤串(Chutney Paneer Tikka)、窑烤花椰菜(Tandoori Phool)
非素食: 黑椒鸡肉烤串(Murg Kali Mirchi Tikka)、窑烤大虾(Tandoori Prawn)、羊肉串烧(Sheek Kebab)
【主菜(任选一款)】 马萨拉羊肉(Masala Lamb) 香草奶油鸡(Murgh Methi Malai) 蘑菇豌豆咖喱(Kumb Mutter Masala) (素) 茄子咖喱(Bagara Baigan) (素) 果阿鱼咖喱(Goan Fish Curry)
主菜跟配: 扁豆咖喱(Dal)、香料饭(Pulao)、奶酪(Raita)、印度烤饼(Naan)
【甜品】 奶油糖冰淇淋(Butterscotch Ice Cream) 甜奶球(Rasmalai) |
【开胃菜】
扁豆汤(Dal Ka Shorba)
好多妈妈都钟意饭前饮碗热汤暖胃，呢道印度扁豆汤就将扁豆煮到柔软，逼出天然豆香。
【前菜】
素食: 伊朗三角饺 · 酸辣酱乾酪烤串 · 窑烤花椰菜
套餐前菜有素食同非素食，当中3款素食前菜都好香口。伊朗三角饺炸到好酥脆，内馅就软绵微辛。而酸辣酱乾酪烤串就用酸辣酱醃制印度乾酪，外面再烤到微焦，食落混合炭香同乾酪奶香。
就算你平时好少食花椰菜，都一定要试吓用印度窑炉Tandoor 新鲜出炉嘅窑烤花椰菜！外层微脆，咬开又有清爽口感，加埋少少炭香同辛香好好食。
非素食: 黑椒鸡肉烤串 · 窑烤大虾 · 羊肉串烧
另外3款非素食前菜都几丰富，黑椒鸡肉烤串外层烧到金黄焦香，鸡肉依然好嫩；用印度窑炉整嘅窑烤大虾，高温热力锁住鲜味，虾肉仲好弹牙啊。
羊肉串烧就将羊肉混入各种香料后烧制，同平时食嘅普通烧羊肉好唔同。
【主菜(任选一款)】
马萨拉羊肉(Masala Lamb)
呢道印度主菜好浓郁！慢煮羊肉过程中，吸收马萨拉香料嘅辛香同温暖气息。羊肉煮到好软腍，肉味略带酸甜微辣层次，配烤饼或香料饭都好夹。
马萨拉羊肉好软腍，羊肉吸收马萨拉香料嘅辛香气息。
香草奶油鸡(Murgh Methi Malai)
如果你钟意奶香酱汁，一定会钟意呢道主菜!! 大厨用奶油酱汁慢炖鸡肉，酱汁滑润辛辣又有少少甜味。味道几柔和，妈妈一定啱食。
香草奶油鸡味道柔和，滑润辛辣又有少少甜味。
蘑菇豌豆咖喱(Kumb Mutter Masala) (素)
其中一款素食主菜，将鲜嫩蘑菇、甜豌豆浸泡于浓郁咖喱中煮制。蘑菇吸满汤汁，捞饭一流。
素食主菜之一嘅蘑菇豌豆咖喱，捞饭一流。
茄子咖喱(Bagara Baigan) (素)
茄子吸汁力强，配搭咖喱真系一绝!! 啖啖爆出咖喱汁好正。微辣咖喱亦多咗层茄子嘅天然甜味，好有南印度风味。
果阿鱼咖喱(Goan Fish Curry)
如果想食海鲜类，可以拣呢道鱼咖喱。果阿地区咖喱有种独特酸辣感，配烤饼或香料饭都几夹，唔知你又钟唔钟意呢?
Spice bazaar
地址: 尖沙咀宝勒巷10号4楼