位于尖沙咀天文台围嘅「SAKEH」装修型格有个性，从牆上嘅浮世绘画作到挂满传统油伞嘅VIP房，都係打卡热点。餐厅主打日式串烧，必食稀有鸡肉部位同海鲜，前者选用的稀有鸡肉部位，有提灯、鸡冠等部位选择；后者係从日本各地精选时令海鲜。餐厅有一系列日本酒供应，週末更设清酒放题，可以任饮坊间罕见嘅季节限定清酒！
稀有部位烧鸟 必试新鲜鸟之提灯
餐厅特别从日本订製烤串烧炉，最高温可达980°C，以高温锁住食材原汁原味。而且餐厅有多款坊间少见嘅鸡肉部位，鸟之提灯係串烧界限量珍品嘅部位，来自母鸡输卵管同刚好成形而未受精既蛋黄，好难得先会搵到，而且裁切依个部位裁切需要好多技巧，要师傅花相当心机先可以做成一串！提灯亦比一般部位难烧，输卵管要做到脆皮、同时保留半熟流心蛋黄，少啲心机同功夫都做唔到。师傅特别提到餐厅同本地农场合作，所有提灯都係即日新鲜由农场送到餐厅，比起坊间多用急冻货，佢哋用嘅係新鲜提灯，鸡蛋同输卵管真係连埋一齐，做到「提灯」效果！食落富有蛋黄香同鸡味。
鸟之提灯
鸡冠亦係坊间少见嘅鸡肉部位，有独特嘅鸡皮加软骨酥脆口感，烧过更突显阿波尾鸡黄油甘香嘅特色！另一推介係鸡软肉，即係鸡尾，油香更浓郁、送酒一流。
免治鸡肉软骨亦係热卖烧鸟之一，选用日本华味鸟或日本阿波尾鸡，以自家秘方製作而成。点埋日本赤卵鸡蛋黄，提味更增加滑熘口感。
自家制免治鸡肉软骨
师傅另外推荐呢款鸡皮紫苏虾卷，烧到焦脆既鸡皮，弹牙嘅虾肉吸收鸡油变得更香，同时紫苏叶又可以平衡油腻感，难怪得到唔少客人好评！
鸡皮紫苏虾卷
日本直送 时令海鲜烧物
海鲜亦係爱日本菜嘅朋友必点嘅种类，餐厅多款海鲜由日本直送，保证新鲜。海胆松叶蟹盖甲罗烧非常丰富，蟹盖中放满蟹肉同蟹味噌，再加上海胆，每啖都係大海嘅鲜味啊。
海胆松叶蟹盖甲罗烧
师傅指马友特别严选野生马友，同一般餐厅用嘅养殖马友一食就知道分别，因为野生马友无论係鲜味同油脂都係更上一层楼。只需简单盐烧，一放上枱就可以闻到鱼油香气！
盐烧马友
锺意食鱼嘅朋友仲可以点埋烧油甘鱼鲛，油甘鱼肉质肥美甘香，烧过后更係入口即溶。
烧油甘鱼鲛
新出嘅鮟鱇鱼肝有「海中鹅肝」嘅美誉，皆因其油润、滑嫩嘅口感可以媲美鹅肝。配搭味道微酸嘅酱汁，作为开胃前菜就最啱。
鮟鱇鱼肝
新鲜嘅日本生蚝肉厚饱满，味道鲜甜。蟹膏豆腐有浓厚嘅蟹膏鲜香，同唔同配料都好夹。
日本生蚝
蟹膏豆腐
餐厅精选推介
鹿儿岛係正宗和牛嘅原产地之一，加上餐厅选用嘅係当中最高级嘅A5西冷，油花丰富而且呈大理石纹状。食落略带嚼劲，和牛味道同油脂甘香比例完美。
网烧鹿儿岛A5和牛
荔枝猪肉卷以荔枝嘅清甜果肉平衡猪肉嘅肥腻，果香同肉味估唔到又几夹，食多串都无难度。
荔枝猪肉卷
厚切牛脷芯名副其实够厚身，而且师傅火候控制得宜，有烧烤香气，将牛脷外面切走，只取芯，口感软滑，外皮烧到极脆，做成外脆内软、软嫩爽弹嘅口感。
厚切牛脷
香喷喷嘅蒲烧鳗鱼最啱送饭，酱汁咸中带甜，衬托出鳗鱼嘅嫩滑肥美。
蒲烧鳗鱼饭
唔少女士都有第二个「甜品胃」，同时呢度嘅甜品非常适合打卡！晶莹剔透嘅水信玄饼裡面係盐渍樱花，配搭黄豆粉同黑蜜，一食好似去咗日本咁啊。
水信玄饼
绿茶同红豆向来都係最佳拍档，绿茶蕨饼口感Q弹，食落有绿茶清香。而香甜嘅红豆加上软糯嘅白玉同薄脆嘅最中饼，层次丰富。
绿茶蕨饼红豆白玉
週末清酒放题 畅饮特色/季节限定清酒
各位清酒迷唔好错过餐厅最近推出嘅週末清酒放题，可以无限品尝多款日本清酒，部分更係着名日本酒庄嘅季节限定清酒，款式不定期更新。套餐包括十二款餐点，同三五知己一齐边饮边食就最叹！
Sake Menu
最新嘅春季限定酒单有以下四款清酒：
- 矶自慢 纯米吟酿 火入：带清爽嘅麝香葡萄香气，澹丽微辛口，适合配搭串烧
- 荣光富士 纯米大吟醸 おりがらみ 暁乃翼：春季限定嘅薄浊酒，带纯米原酒香味同清新苹果酸
- くどき上手 纯米大吟醸 ジューシー辛口：有清爽、细腻嘅果香，味道辛口
- 黑龙 春しぼり 吟醸：春季限定，带柠檬和麝香葡萄香气，同时不失米甘旨味，口感清爽
开饭仔依家仲有好野益大家！于2022年4月29日至6月9日期间，到【Sakeh】消费并上载有效收据到指定网页， 随时赢取丰富奖品！ 食得愈密， 得奖机会愈大，超过200份奖赏等梗大家！快啲约埋饭脚开餐啦！
Sakeh
地址: 尖沙咀天文台围5-9号宝轩酒店地下及1楼
电话: 37099251