尖沙咀“Lab Eat Restaurant & Bar” 一向主打玩味法国料理，会由外国唔同地方引入靓食材。特别系法国生蠔、斧头扒、自家甜品等等，一直都有好多熟客钟意㗎。最近尖沙咀店重新装潢成北欧风格，嘢食就继续贯彻实验法国料理嘅无限可能性，可以喺度享受欧陆causal dining，即刻睇吓有咩食啦～
海胆系“Lab Eat”最拿手食材之一，用以创作各款新料理。今次就将时令海胆配上黑鲟龙鱼子酱。一手拎起多士，先食到好厚嘅海胆劲creamy。然后再咬爆鱼子酱，卜卜爆开渗出海水味。
时令海胆配黑鲟龙鱼子酱
北欧环境下锯扒更有仪式感～呢度有多款牛扒拣，人气澳洲M6和牛西冷牛味特浓，切开仲系好粉嫩㗎。一班人share可以拣澳洲M5和牛斧头扒，超厚肉大件依然keep到好多肉汁。
澳洲M6和牛西冷
如果你都钟意强劲牛味，一定要试埋盐烧牛骨髓！一入口即刻爆出牛油香，滑溜溜口感好似入口融化咁，比和牛嘅油香更直接冲撃呀！
盐烧牛骨髓多士
呢度嘅生蠔、海胆料理好受欢迎，想食其他海鲜料理嘅话亦可以拣炭烧龙虾西西里岛番茄意粉。龙虾啖啖肉又有独特炭香，系好有惊喜嘅意粉。
炭烧龙虾西西里岛番茄意粉
热汤都系自家用新鲜食材煮制，好似呢道北海道露笋浓汤就系将露笋煮腍再打成浓汤，口感creamy实在。
北海道露笋及干贝浓汤
脆麟金鲷鱼柳系将鱼鳞炸至竖起，鱼鳞脆卜卜做到外脆内嫩效果，配鱼子酱一齐食好香口。
脆麟金鲷鱼柳配鱼子酱
“Lab Eat”嘅自家甜品一向出名IGable，最重要系唔太甜。好似红草莓拿破崙饼咁，香脆酥皮有牛油香，每层都有草莓，口感丰富唔会得个甜字。
每周制作高质甜品。
呢度有驻场调酒师，定期设计各款鸡尾酒。嚟到春夏，调酒师亦以各种水果为灵感设计清爽轻甜口味。
(左)Rum酒配自制接骨木花酒、新鲜青苹果汁，做出新鲜又甜甜酸酸味道。
(右)Gin酒配澳洲蜜柑汁，再以义大利佛手柑做调和。一上枱就闻到独特香味，味道亦轻松易入口。
同样以Gin酒为基调，配上玫瑰风味酒、青苹果汁，香味同味道都有独特风格。
LAB EAT Restaurant & Bar (金巴利道)
地址: 尖沙咀金巴利道87-89号侨丰大厦地下1-2号舖
电话: 28331976