暑假要谂行程畀小朋友放电，真系一大烦恼嚟。有无谂过东涌呢个选择? 空旷又近海边，仲可以睇埋飞机𠻹。想食饭有新鲜感，可试埋黎巴嫩餐厅“Maison Du Mezze”，2024年7月25起新推限定套餐“Summer Seafood”只系$288，有地中海海鲜、生蠔、哈罗米西瓜沙律、鹰嘴豆蓉八爪鱼等。其实适合家庭乐之馀，都好啱情侣或朋友远离市区唞吓气㗎。
限定套餐“Summer Seafood”只系$288，包括多款地中海料理。
餐厅装潢曾入围国际餐饮设计大赛。大空间好啱家庭乐、拍拖或朋友聚会。
外籍大厨Samer主理，利用外国食材、香料煮制惊喜味道。
限定套餐“Summer Seafood”$288
开胃菜(Amuse Bouche) 地中海海鲜泡芙(Mediterranean Seafood Puff)
前菜(Starter) 生蠔配中东香料酱(Oyster Sumac Sauce) 哈罗米西瓜沙律(Halloumi Watermelon Salad)
中东冷盘前菜(Cold Mezze) 鹰嘴豆蓉八爪鱼(Hummus Octopus)
主菜2选1(Choose one Main) 虎虾配哈拉酱(Tiger Prawns with Harrah Sauce) Or 柠檬蒜味烤澳洲盲曹(Baked Barramundi with Lemon Garlic)
甜蜜结尾(Sweet Ending) 黄金饺配冰淇淋(Qatayef with Ice Cream) |
【开胃菜】
地中海海鲜泡芙
第一眼仲以为系甜品，无谂过开胃菜都咁靓!! 金黄酥皮好似泡芙咁，放满酸酸甜甜嘅地中海海鲜，又脆又creamy几有新鲜感。
【前菜】
生蠔配中东香料酱
即开生蠔一向吸引，今次特别跟配中东香料酱(Sumac Sauce) 更惊喜。Sumac系地中海沿岸嘅漆树果实，轻酸微涩，加埋浆果、酸橙再磨成香料粉末。味道层次丰富，配海水味重嘅生蠔别有一番风味啊。
哈罗米西瓜沙律
平时好少见沙律有西瓜，爽爽甜甜几啱夏天食。乾酪亦唔系常见嘅巴马臣乾酪，而系外韧内软嘅哈罗米乾酪，独特咸甜味好特别。
【中东冷盘前菜】
鹰嘴豆蓉八爪鱼
今次套餐都有当地好出名嘅鹰嘴豆蓉，绵密质感几有豆香，亦唔会浓到难以接受，平时少食豆类都会钟意。连埋Q弹八爪鱼一齐食嘅话，又绵又弹牙啊。
【主菜2选1】
虎虾配哈拉酱
“Maison Du Mezze”全店用外国食材，海鲜都特别鲜甜㗎。加埋地中海菜擅长嘅香料、酱汁，每啖都食到层次变化好有记忆点。好似呢道虎虾虾肉已经好鲜，配埋阿拉伯嘅哈拉酱，当中嘅辣椒、香料、水果令佢辣得深沉，又有后劲嘅柠檬同蒜香。
柠檬蒜味烤澳洲盲曹
平时食鱼都系着重鱼味，而黎巴嫩人就带嚟更多变化。将出名鲜嫩嘅澳洲盲曹烤到鱼皮焦脆，再淋上柠檬、大蒜酱汁，又酸又惹味嘅效果几深刻。而且烤炉火力够猛，可以将鱼皮烤到脆卜卜之馀，鱼肉仲系好嫩㗎。
【甜蜜结尾】
黄金饺配冰淇淋
最后嘅甜品都有惊喜，唔系普普通通一件蛋糕了事，而系当地人斋月会食嘅黄金饺。外层炸到金黄香甜，入面就系满满低咸乾酪，喺香港真系好少机会食到。
Maison Du Mezze
地址: 东涌怡东路9号湾景荟地下G10号舖
电话: 23300131