半价食寿司刺身不是梦！将军澳日本料理店「花乐」以极抵优惠回馈食客～ 星期一至五全日全场寿司、刺身半价，而且所有鱼生都系每日日本直送，要留肚食回本呀！除咗半价优惠，佢哋嘅梦幻双层鸟笼下午茶都好高人气，值得一试㗎。
【半价】晚市寿司．刺身半价优惠！
时间：只限星期一至五全日时段(星期六、日及公众假期除外) 优惠详情：只要Like 花乐Facebook及IG，晚市所有寿司、刺身即享半价 ***只限堂食 |
寿司刺身半价 拖罗回本！ 必食肥美刺身
全场半价咁抵，梗系想赚尽优惠啦！个人觉得最回本系拖罗，因为系每日由日本筑地新鲜直送，相比坊间冰鲜货更肥美。食落丰盈鱼脂慢慢喺口中融化，钟意鱼油香嘅话必点！
「花楽」所有鱼生由日本直送，款式选择多，半价真系忍唔住想试晒每款。
天冷鱼肥，冬天鱼嘅油脂特别丰满，所以食喜之次、鲭鱼、深海池鱼等鱼油重嘅刺身就最正，口感肥美软嫩，鱼油入口融化。不过因为日本鱼材每日直送，所以款式日日都会有啲唔同㗎。
冬天拣鱼油重嘅刺身，口感肥美软嫩，鱼油入口融化好正。
人气下午茶！梦幻双层鸟笼 日本料理+甜品
呢度嘅下午茶一直好高人气！双层鸟笼有多款日本料理、甜品之馀，仲有唔少刺身入馔。
下午茶有 $498 或 $298 2款价钱拣，料理款式略有不同，但都好丰富有齐前菜层层塔、双层鸟笼、花茶2人份。下昼3点饮杯花茶，再望吓将军澳海滨长廊靓景真系好Chill。
「花楽」于将军澳海滨长廊，落地玻璃望靓景。
和式环境好有气氛。
【花楽下午茶$498】
有拖罗蓉、松叶蟹、甜虾、鹅肝等，用料丰富，而且有多款日本鱼材，下昼突然有鱼生瘾就啱晒。
「花楽下午茶$498」有多款日本鱼材，下午茶时段一止鱼生瘾。
「前菜层层塔」有日本海草Cocktail 杯、矶煮鲍鱼、乾酪年糕伴蟹籽酱。
上层鸟笼就有「松叶蟹甲罗鸟巢寿司」，松叶蟹份量好足！加埋海胆提鲜蟹味好出。
松叶蟹甲罗鸟巢寿司
估唔到连厚切拖罗刺身都有！同样系日本筑地新鲜直送㗎。
拖罗刺身
好钟意吞拿鱼蓉嘅软绵绵口感，加埋轻甜玉子烧唔会太腻。
吞拿鱼蓉配香葱玉子烧
外层有啲焦脆、内里甘香软嫩，放喺咸点最后食好圆满。
鹅肝寿司
下层甜点款式好多，而且唔系一般小蛋糕，如水信玄饼、十胜红豆厥饼、法国直送梨吉士酱批等，钟意食甜品嘅话一定好开心，哄女朋友一流呀。
樱花和菓子好唯美，好似去咗日本食甜品打卡咁。
日本樱花和菓子
除咗日本打卡甜品，仲特别由法国订购法国师傅亲制饼批。好钟意呢个批边焦甜紮实，好似曲奇咁愈食愈有牛油味，馅料则有梨加埋吉士酱好香滑。
法国直送梨吉士酱批
【经典下午茶$298】
有碎葱吞拿鱼腩蓉、红酒鹅肝、黑毛猪风干火腿等。虽然比前一款下午茶平二百蚊，但用料都无敷衍，其中几款日本料理仲好大件𠻹。
如果你选择困难症发作，个人觉得好想食刺身就拣$498；纯粹想下午茶Chill 吓，$298已经好满足！
「经典下午茶$298」日本料理几大件，下昼想Chill 吓好抵。
「前菜层层塔」有烧鳕鱼干、三文鱼刺身、吉列广岛蠔。
芥辣八爪鱼轻呛Q弹，加埋烧鳕鱼咸香烟韧，味道口感加埋一齐好过瘾。
芥辣八爪鱼鳕鱼三文治寿司
脆卜卜锅巴同吞拿鱼腩蓉好夹，好似华丽版下午茶零食咁。
碎葱吞拿鱼腩蓉配日本锅巴
虽然风干火腿份量唔多，但入口依然有种独特油甘香，作为下午茶都好足够。
香葱玉子配黑毛猪风干火腿
成件多士一次入口，用上颚将切粒鹅肝压扁嘅口感好过瘾，鹅肝同黑糖多士嘅咸甜交织恰好。
红酒鹅肝配黑糖多士
2款下午茶嘅甜点都几相似，有水信玄饼、十胜红豆厥饼、法国直送香桃吉士酱批、法国榛子饼等。
「水信玄饼」剔透晶莹，内里系一片片玫瑰，女生一定钟意。
水信玄饼
日本传统甜品之一。十胜红豆好香甜，配绿茶味重嘅QQ厥饼食啱啱好。
十胜红豆厥饼
同样系法国直送甜品，味道香浓、口感实在。2款下午茶都有齐「法国直送香桃吉士酱批」同「法国榛子饼」㗎。
法国榛子饼
花楽
地址: 将军澳唐俊街21号翩滙坊地下G23号舖
电话: 23892628
