情人节点少得带心爱既另一半去半空海景餐厅食大餐? 今次推介呢间高CP值、环境美食都有心思嘅靓靓餐厅。
“KABOOM” 系人气靓景餐厅之一，座落于尖沙咀闹市顶楼，俨如烦嚣中嘅秘密空中花园。餐厅酒吧佔地两层，落地玻璃可以饱览维港靓景，同另一半撑枱脚Chill住叹菜，绝对系超班嘅all-in-one casual dining好地方啊！
顶楼嘅户外空间放满阳草伞、宽敞藤椅，配上芬兰木材塑造满满外国气氛，无论日头定黄昏到访都好好Feel，一定冧到女神啫～
【情人节5道菜套餐】
“KABOOM” 情人节推出5道菜套餐，分别有餐汤、2选1前菜、3选1主菜、节庆甜品同埋甜蜜鸡尾酒。呢度嘅料理由酒店级主厨设计一系列Fusion菜式，听住轻快音乐食大餐，特别有情调!!
情人节5道菜套餐Menu ($738/位)
【餐汤】
Lemongrass Clam Chowder Soup | 柠檬草周打蚬汤
先有经典又不失新鲜感嘅周打蚬汤，特别加入香气独特嘅柠檬草，增添多层酸香风味，仲意外地突出到蚬肉嘅鲜甜。
【前菜2选1】
Thai Style Scallop & Crab Meat Roll | 泰式带子蟹肉捲
“KABOOM” 唔只环境布置有异国风情，连食物配搭都注入东南亚风味。大厨将东南亚料理常见嘅芒果香料酱汁融入呢道前菜，内馅有蟹肉、带子、虾仁、三文鱼籽等海鲜，鲜中带甜辣配海鲜好夹。
Sous Vide South Africa Abalonc | 真空低温烹调南非鲍鱼
真空低温煮法可以令南非鲍鱼更软嫩，今次仲加咗鱼子酱同鲍鱼肝酱，多种海鲜味喺入口一刻迅速扩散，好幸福啊～～
【主菜3选1】
Roast Suckling Pig & Spanish Octopus Leg | 烤乳猪配西班牙八爪鱼
完美融合地中海、东南亚风味嘅创意料理。主角烤乳猪+西班牙八爪鱼好大件，成个组合好Balance，有另类 “Surf & Turf” 嘅感觉。特别钟意乳猪烤到啱啱好有肉汁，唔使其他调味已经好好味。
Scottish Salmon and Crab Meat Wellington | 苏格兰三文鱼配蟹肉威灵顿
大时大节唔想锯扒，可以试吓呢款威灵顿海鲜版本。外层同经典款式一样金黄酥皮，入面就系粉嫩三文鱼+啖啖蟹肉，蘸上奶油酱同韭菜油仲香𠻹！
Grilled U.S. Angus Tenderloin and Lobster | 烤美国安格斯里肌肉和龙虾
大家知唔知牛扒咩部位最嫩？就系呢份里肌肉喇！位于牛背部靠近脊椎嘅位置，亦系最少运动到嘅部位，所以肉质特别细致，纤维同油脂含量相对低，烤完之后冇多馀嘅油腻感，配埋嘅龙虾都好弹牙爽口。
【甜品】
The Perfect Valentine | 完美情人
情人节传统当然系送朱古力畀你爱嘅对象，甜品以黑朱古力慕丝为主轴，搭配酸甜解腻嘅热情果、芒果、草莓慕丝，有唔同层次嘅甜度。中间惊喜地仲有玫瑰+杏桃果酱，多重层次好出色。
【特饮】
A Glass of Valentine’s Special Cocktail | 情人节特调鸡尾酒
一边眺望海景，一边饮返杯调油师分别为各位男士同女士调制嘅鸡尾酒，浪浪漫漫咁完结成个旅程～
KABOOM
地址: 尖沙咀北京道12A号太子集团中心20楼
电话: 37088114