OpenRice每年举办《OpenRice开饭热点》颁奖典礼见证香港人心水餐厅！一直吸引自助餐fans encore再encore嘅唯港荟Hotel ICON内自助餐厅“The Market”，今年再度荣获「优秀开饭热店大赏2023—最优秀开饭自助餐」，并希望继续用美食回馈食客。
踏入初秋，正值螃蟹当造季节。自助餐厅“The Market”即日起至2023年11月30日推出「时令蟹之盛宴自助晚餐」，酒店行政总厨何伟诚(Danny) 带领厨师团队网罗唔同蟹种，再以多国煮法制作各款螃蟹环球佳肴，全晚轮流供应好有惊喜，轻松食蟹食回本！
唯港荟Hotel ICON自助餐厅“The Market”，推出「时令蟹之盛宴自助晚餐」，一嚐多国蟹鲜滋味。
“The Market”嘅多国煮法一向好出名，自助区更设多个开放式厨房，料理都由当地厨师主理，可以欣赏大厨即席烹制，咁就更易mark实必抢新鲜出炉料理啦！
自助区设多个开放式厨房，方便mark实新鲜出炉料理。
今次冷盘至热荤总共超过10款螃蟹料理，品嚐截然不同嘅蟹鲜味！首先有最高人气嘅冰镇长脚蟹，时令季节特别鲜甜多肉。其他冷盘仲有蟹肉牛油果沙律、蟹肉沙律脆多士为自助晚餐掀开序幕。
环球海鲜有冰镇长脚蟹外，仲有各式新鲜海鲜。
想食尽螃蟹精华，必试以肉蟹熬煮嘅砂窝鲜味蟹粥，浓郁粥底吸满肉蟹甜香，初秋食碗蟹粥暖胃特别舒畅。
砂窝鲜味蟹粥，浓郁粥底吸满肉蟹精华。
浓味控一定唔可以放过香辣泰式软壳蟹、韩式辣炒蟹肉年糕，连平时好高人气嘅软壳蟹都可以任食啦！金黄香脆软壳蟹，配上泰式香料酱汁劲惹味；而传统韩式炒年糕加咗肉蟹爆炒，Q弹又鲜味好有层次。
金黄香脆嘅香辣泰式软壳蟹，配上泰式香料酱汁。
韩式辣炒蟹肉年糕，Q弹鲜味。
而高级中菜厅常见嘅花雕蒸百花蟹钳，今次自助餐都食到啦。百花蟹钳饱满弹牙，每啖都散发花雕酒香气，无论视觉定味觉都相当吸引。
花雕蒸百花蟹钳，无论视觉定味觉都好吸引。
当然唔少得大家最爱嘅日式料理！依传统日本丼饭做法嘅松叶蟹丼，铺满卜卜脆开嘅三文鱼子。而香煎蟹肉包则外酥内软，好香口㗎。
松叶蟹丼，铺满蟹肉同三文鱼子。
香煎蟹肉包，外酥内软好香口。
除咗一系列限定螃蟹料理，自助餐厅“The Market”继续有经典美馔！各式刺身/寿司、冰冻海鲜、冷盘、北京烤鸭捲、海南鸡饭、炖汤、印度咖喱、Godiva冰淇淋，全部源源不绝供应。
即制北京烤鸭捲，入口酥脆爆出油香。
讲到必食之选，一定唔可以错过矜贵嘅加勒比海野生龙虾尾。唯港荟Hotel ICON一向以榴梿出品闻名，榴梿控仲可以捉紧榴梿季节的尾巴，饱嚐驰名榴梿甜品—迷你D24榴梿乾酪挞、自家制榴梿冰淇淋、榴梿斑兰菠萝包等。
捉紧榴梿季节的尾巴，饱嚐多款榴梿甜品。
“The Market”环境优雅，好啱约会或亲友聚餐。
The Market
地址: 尖沙咀科学馆道17号唯港荟2楼
电话: 34001308