Argentina 21 Days Dry Aged Grass Fed T-BONE
今个情人节，如果你准备为身边嘅牛控煎块心型牛扒，不如mark低呢间阿根廷菜扒房“La Parrilla Steakhouse”，带佢食极厚切熟成牛扒可能仲正呀！
深色木、砖墙打造浓厚外国气氛。
呢度嘅深色木系、砖墙、弔扇打造出浓厚外国气氛，一整排大玻璃窗更映透红砖大馆，相当浪漫。作为专业扒房，更有自家熟成柜，每款牛扒至少熟成7-14日，牛扒特别软嫩同重肉味㗎！
一整排大窗映透大馆靓景。
Wow! 必食招牌「极厚切阿根廷肉眼扒」
扒房开店以嚟，最主打就系阿根廷肉眼扒(Rib Eye)，因为当地牛扒较少肥膏，就算好厚切都完全唔韧。
Argentina 21 Days Dry Aged Grass Fed PRIME RIBS
如果你钟意油香丰腴口感，最近店家就新引入澳洲和牛。油花分布均匀，牛脂甜香同时重肉味，睇吓和牛扒几大件！
Australian m9 wagyu 21 Days Dry Aged Ribeye
Australian m9 wagyu 21 Days Dry Aged Ribeye
为什么La Parrilla 咁高人气?
“La Parrilla Steakhouse”半开放式厨房有扒炉，不时见到火焰馀光再传嚟牛香，火力相当足够锁住肉汁。如果想知间扒房牛扒好唔好食，睇吓佢哋嘅扒炉已经略知一二。难怪这里火速成为城中热店!
阿根廷Rib Eye，跟配6种唔同风味嘅 传统阿根廷酱料, 当中包括 Chimichurri, Criolla, Tomatillo… etc)
大厨就提议4成熟最好食，等到我哋嘅牛扒上枱时，果然煎至外层金黄色、内里好粉嫩，入口爆肉汁仲好酥脆𠻹。
睇吓粉红色肉几靓！
【情人节套餐】5-course Valentine’s Day Set Menu
情人节当然唔只食牛扒啦，今年情人节套餐有生蠔、鹅肝、朱古力心太软等等。
前菜
加拿大海胆 Sea Urchin Ceviche
今次大厨选用加拿大海胆，海胆浓味适中，带鲜甜。上方鱼子酱则饱满柔软，咸度适中唔会好抢，配埋海胆一齐食啱啱好。
香煎鹅肝
鹅肝煎得焦香，入口细腻绵密，浓香味道可以留于口中久久不散。大厨配上啤梨苹果酱，而个人偏好配略带果香嘅红酒，更加突出鹅肝丰腴味道。
主菜3选1 (阿根廷T-Bone / 慢煮羊膝 / 当天鲜鱼)
阿根廷T-Bone
情人节主菜有阿根廷T-Bone，足足500g好大件！T骨位嘅骨边肉特别浓郁，钟意肉味浓嘅话一定唔好放过呀。
慢煮羊膝
估唔到羊膝都几出色，如果二人都系食肉兽可以拣一牛一羊试晒两款。大厨特选羊膝位，肉质特别软腍。将羊肉捲住香草再慢煮十二小时，香草味之间略带微微羊膻，几有层次。
当天鲜鱼
选用当天新鲜鲜鱼，煮法唔使太复杂已经好好食。大厨轻轻煎香，鱼皮略脆，鱼肉仲好雪白嫩滑。最惊喜反而系酸酸辣辣嘅配料酱汁，辣得好快好醒神。
甜品
甜品系女生一定钟意嘅心太软，即叫即整。蛋糕外层轻脆，一切开即湧出朱古力浆。
【人气单点推介】佐酒必点 乾酪拼盘 X 阿根廷饺子Empanadas
呢度都有唔少佐酒料理值得追加，微醺约会更加浪漫呀。
乾酪拼盘
晚餐序幕可拣个乾酪拼盘，饮吓红白酒倾计热身先。呢度嘅乾酪拼盘会有4款时令乾酪，日日唔同㗎。
阿根廷饺子Empanadas
如果你哋钟意香脆浓味，可一试阿根廷地道料理—Empanadas。新鲜出炉嘅金黄饺子，外皮厚脆，内里有满满馅料。有阿根廷牛肉、烤鸡、焦糖化洋葱配乾酪3种口味。
身为乾酪控就最钟意乾酪味，成只饺子都系包满乾酪好咸香，咬开仲会拉丝；阿根廷牛肉就惊喜地几多肉汁，配埋咁脆嘅饺子皮一齐食几有冲撃感。
牛肉他他
如果牛扒肉味唔够满足你，牛肉他他就有生牛肉配蒜泥蛋黄酱(Aioli)、鱼子、香葱等，真系食到牛肉原始味，轻辛香料都好开胃。
生醃海鲜 (Ceviche)
将海鲜融合多款香料，酸中微辛极富层次。呢度分别有鲈鱼、虾、吞拿鱼、带子4款前菜选择，每款海鲜味都好清新突出。
白酱鸡肉义大利面 (Chicken Alfredo)
如果习惯要食啲饭面先满足，好推荐追加呢道义大利面。奶油几浓郁creamy，每啖意粉都好挂汁。鸡扒亦烧得几有炭香，配埋套餐嘅牛扒、羊肉，可以食匀3种肉喇。
Churros
嚟到阿根廷餐厅，一定要食埋当地经典甜品Churros。即叫即炸，外层洒满肉桂糖，又甜又香脆。
La Parrilla Steakhouse
地址: 中环云咸街77号嘉兆商业大厦1楼
电话: 26378555