【超梦幻】打卡必到黎巴嫩餐厅 同场睇肚皮舞丶Live Band
黎巴嫩喺阿拉伯国家中相当特别,最古老嘅文明古迹远自几千年外,亦系一个西方式国家,首都更有东方巴黎之称。因为近地中海沿海,饮食习惯更贴近地中海嘅健康文化,主要用谷物丶蔬果丶香草丶橄榄油入馔,菜式比其他中东国丰富得多,因此有中东菜系之王。

讲咗咁耐,其实香港食到黎巴嫩菜嘅地方真系少之又少,想一试真系唔知去边好。最近中环就新开咗呢间Shahrazad Lebanese Dining Lounge & Bar,由黎巴嫩人开保证食到正宗味!而且菜式符合清真食品要求,唔会有猪肉㗎。

睇有咩正宗黎巴嫩菜式前,要先睇呢度嘅环境同特备节目,因为真系超吸引~一入门口就见到极梦幻蓝色大梳化,加埋中东色彩嘅吊灯丶特色墙全部都系影相位。如果锺意Chill 啲,仲可以坐露天位,一整排梳化望住中环大馆靓景。
蓝色大梳化极梦幻,系影相靓位。
露天位望住大馆够开扬,同朋友饮酒倾计好Chill。

呢度除咗啱影相打卡,仲有肚皮舞同Live Band 表演,边食丶边Chill丶边玩。夜晚九点後,逢星期四会有专业舞者表演肚皮舞,仲会穿梭全场邀食客一齐载歌载舞;逢星期五丶六则有Live Band 演唱,食客仲可以即兴点歌或上台献唱㗎!
肚皮舞者会走匀店内每个角落,同大家载歌载舞。

Live Band 气氛超好,仲可以走到店中央跳吓舞,好似置身外国舞会一样。

Cold Mezze
黎巴嫩菜嘅餐前小菜叫Mezze,有酱类丶沙律丶小食等,呢度嘅Mezze 有冷丶热之选。冷盘当然唔少得酱类,口味选择好多,推介以下经典五款口味,每款都有埋薄饼沾酱食。

Hummus
鹰嘴豆蓉配芝麻酱,口感软绵。

Moutabal
烟熏茄子配芝麻及橄榄油,配埋微酸番茄好开胃。

Labneh
乳酪配新鲜薄荷叶,Creamy 质感配薄饼超好食。


Muhammara
香烤红辣椒配面包屑及核桃,口感浓厚,食落微辣。


Grape Leaves with Oil
葡萄叶包蔬菜及饭,打开葡萄叶就食到一口饭。饭粒湿润带酸,同我哋平时食开嘅白饭好唔同。

Cold Mezze 仲有沙律拣,味道亦以微酸为主,并带浓郁香叶味,非常有中东特色。

Fattoush Salad
经典嘅黎巴嫩沙律,以青瓜丶番茄丶山葵丶混合辣椒丶新鲜薄荷或番茜,加埋轻甜石榴味道丰富。重点系有脆片点缀,有饱足感但无负担,特别啱on diet 嘅女仔食。

Tabouleh
同样系黎巴嫩经典沙律之一,根据传统做法混合新鲜番茄粒丶番茜丶布格麦及柠檬酱,食材新鲜富有营养,蔬菜清爽配上小麦碎更有口感。

Hot Mezze
同黎巴嫩藉店主闲聊之下,知道店主希望呈现黎巴嫩菜地味道。除咗煮法地道,亦坚持只用靓食材,志在令食客食得开心,呢两道Hot Mezze 属於前菜热盘,口味地道浓郁。

Makanek in Pomegranate Sauce
自制香肠配柠檬丶石榴腌香料,用嚟佐酒倾计一流。

Grill Hallomi Cheese
烤芝士配新鲜石榴及生菜。芝士口感轻爽,入口轻咸,後续有浓郁奶味,层次变化有惊喜。

超大份拼盘!
介绍咗咁多款前菜,嚟到主菜不得不提超大份嘅烤肉拼盘!拼盘可拣小份或大份,今次就试咗大份Size,上枱时已够震撼,羊架丶鸡肉丶牛肉都有,最特别系盘中仲有木炭保持热度,食落亦带淡淡炭烧味。

拼盘会跟两个酱—Tomeya (忌廉蒜酱) 同 Tahini (中东芝麻酱),配菜可拣饭 或 薯条。个人觉得个饭几有特色,系用牛油同橄榄油入焗炉煮成,加埋极多Nuts,饭粒软绵又有Nuts 脆口,口感特别。


独家鸡尾酒 呢度先饮到!
呢度有十几款Cocktail 同 Mocktail,全部由驻场调酒师设计,出面饮唔到㗎~如果想试黎巴嫩特产酒,呢度亦有当地红酒拣。

Mediterranean
以Bourbon威士忌丶黑加仑甜酒丶野莓浓缩汁丶柑橘丶新鲜黑莓同薄荷而成。

One Thousand One Nights
以汽酒丶荔枝利口酒丶玫瑰糖浆丶柑橘丶新鲜荔枝丶烤迷迭香而成。

Arabian Spice
以红辣椒伏特加丶青苹果利口酒丶青苹果浓缩汁丶柑橘丶蛋白及乾辣椒片而成。
* 资料由客户提供