想喺铜锣湾食个下午茶，嚟嚟去去都系打卡蛋糕丶松饼有啲闷？其实下午茶饮啖茶丶食点心都好Chill 㗎。一直主打创新中菜嘅「颜府御膳」就推出CP值极高下午茶，原价每位HK$128，现每位HK$88(2位起)就食到黑松露点心丶川辣担担面等，最後仲有老火靓汤滋补吓。
呢间上楼中菜馆一直由大师傅主理，擅於传统中菜加入新元素，早前推出嘅麻辣脆皮烧卖就大受欢迎。今次下午茶回归基本，以高级食材入馔传统点心，如黑松露丶安格斯牛肉等，HK$88 确实值回票价。
颜府下午茶有点心丶汤面丶老火汤，每位只需HK$88，CP值极高。
点心拼盘 高级食材入馔
每日下午2点半至4点就系下午茶时段，率先端上嘅「精致点心拼盘」就有黑松露带子饺丶脆皮焗叉烧包丶香炸安格斯牛肉肠粉。
点心拼盘均以高级食材入馔，如黑松露丶安格斯牛肉等。
黑松露带子饺
点心罕有加入名贵黑松露，配搭新鲜带子增加爽弹口感。皮薄足料，一啖入口即涌出松露香。
脆皮焗叉烧包
脆皮叉烧包曾掀起一股热潮，但坊间质素不一，部分预早制成嘅叉烧包外皮已湿腍。呢度嘅脆皮叉烧包就即叫即做，确保每件都外脆内软，所以每日限量发售㗎！
香炸安格斯牛肉肠粉
点心拼盘中最特别就系呢道肠粉，点心师傅将滑溜肠粉包住安格斯牛肉香炸，外脆内爆出肉汁，牛味亦比一般牛肉肠粉香浓，相当有惊喜。
下午茶暖胃 2款汤面任拣
套餐有2款汤面选择—川辣担担面 或 嫩鸡煨面，下午茶时间食碗面暖肚特别满足。川辣担担面以四川手法制作，完美将麻丶辣两味结合，汤底浓郁惹味。爽口担担面挂汤力十足，每啖面都食到川辣味。
川辣担担面以四川手法制作，结合麻丶辣两味。
嫩鸡煨面
唔嗜辣嘅话，亦有呢道嫩鸡煨面选择。汤底用浓鸡汤熬制，足料鸡汤浓郁挂面，面条弹牙，伴上鲜嫩鸡丝一齐入口，就做到双重口感。
嫩鸡煨面以浓鸡汤熬制，足料浓郁。
面条爽身弹牙，一定要夹埋软绵鸡丝一齐食！
每朝开火熬制 必饮老火汤
师傅每朝返嚟第一件事就系开火煲老火汤，今次下午茶都饮到㗎！老火汤每日唔同，会依当日时令食材决定，早前就有大获好评嘅野葛菜煲生鱼汤，足料滋补。唔饮汤嘅话，亦可选择自家制清热五花茶，啱晒夏天消暑。
师傅一朝早开火熬制老火汤，每日依时令食材变更。
玩味十足 长方形盐烧茄子
作为中菜馆，晚市亦有唔少高质小菜值得一试，今次就轻轻介绍几款人气菜式啦。前菜必食盐烧茄子，上枱时绝对估唔到系茄子，因为师傅将茄子去皮再切成长方形，洒上秘制调味後炸到脆身，外脆内绵，无论外形定味道都玩味十足。
炸至脆身嘅长方茄子，上枱时绝对认唔出系茄子，玩味十足。
镬气十足 姜葱/砵酒蚝煲
新推嘅姜葱蚝煲，砂窝上碟镬气十足，一打开盖就闻到好香姜葱味。桶蚝用姜葱炒香後，再用惹味自家酱汁兜匀，个人觉得捞饭一流！
同场仲有砵酒蚝煲，酒香令新鲜桶蚝更鲜甜肥美饱满，咬开仲会爆汁，啱啱上枱嘅话小心烫口呀。
姜葱炒香桶蚝後，再加入惹味自家酱汁兜匀，砂窝上碟镬气十足！
炖汤集食材精华 花胶螺头炖竹丝鸡
头先都提到呢度嘅汤水，每日足料熬制，滋补一流。相比要喺备料丶睇火搞一大轮，嚟到坐低就饮得真系舒爽得多！个人推荐花胶螺头炖竹丝鸡，用厚花胶丶新鲜螺头同各材料炖制，每啖炖汤都系食材精华，滋阴养颜丶养血保肾。
花胶螺头炖竹丝鸡用厚花胶丶新鲜螺头等炖制，每啖汤都系精华。
同场加映，即日起至8月31日颜府御膳午市单点餐牌提供7折优惠，有多款点心丶小菜选择㗎！*此优惠不包括任何套餐及下午茶套餐！
颜府御膳
地址: 铜锣湾开平道1号Cubus 5楼
电话: 28990055