香港由小渔港起家，避风塘更盛载一代人嘅回忆。大约6、70年代正正渔业盛行之时，当时好多艇家出海捕鱼，避风塘附近自然有好多即炒海鲜小档，「喜记避风塘炒辣蟹」就系当时日出捕鱼、晚归炒菜嘅艇家之一喇。创始人喜叔更于1965年创店，受世界各地食客启发，将多种香料爆炒辣蟹，研制出而家嘅招牌菜「喜记避风塘炒辣蟹」。
新店装潢充满海洋元素
及后由铜锣湾避风塘搬至桥底炒辣蟹，再由桥底搬入舖开业，迄今匆匆几十年，最近就喺铜锣湾谢斐道开设新分店。继续有招牌避风塘炒蟹同一系列海鲜小菜外，仲有鱼翅、独家2倍大鲍鱼，趁住优惠期更抵呀。
「喜记避风塘炒辣蟹」订座套餐优惠详情！
经OpenRice订座即可选择以下优惠: a) 惠顾「豪华避风塘辣蟹2人套餐」即享优惠价$888(原价$1,398) b) 惠顾「大满足避风塘辣蟹海鲜4人套餐」即享优惠价$1,388($2,288) c) 单点餐牌即享85折 |
设VIP房配落地大窗，空间感十足。
【必食招牌菜】避风塘炒辣蟹
创始人喜叔喺1965年研制出招牌避风塘炒辣蟹，嚟到而家风味都系一样。每日新鲜直送嘅超大只肉蟹，蟹钳劲厚肉！
唔讲唔知，原来以辣炒蟹系有原因。当时渔民成日出海，个人湿气重易倦，自然好钟意食辣祛湿。于是避风塘炒蟹亦用咗大量辣椒、炸蒜爆炒，祛湿又逼出蟹肉鲜味。呢度设大/中/小辣选择；唔食辣嘅可拣薑葱炒蟹，都系啖啖鲜甜蟹肉。
【艇家地道风味小食】六小福
旧时艇家都有唔少特色小食，呢道六小福就系其中之一喇。有九菜花、鱿鱼、猪粉肠、猪肚、海蜇、猪脷，将新鲜材料简单灼熟，食佢哋嘅原始鲜味。
【旧时香港味】多款地道海鲜小菜
多款海鲜小菜都保留咗旧时风味，好似呢度嘅避风塘蒜蓉蒸蛏子皇、椒盐濑尿虾、豉椒炒蚬、辣酒煮花螺等等，全部都系我哋熟悉不过嘅传统海鲜小菜，全部海鲜都系即日运到㗎。
椒盐濑尿虾
豉椒炒蚬
辣酒煮花螺
香港愈嚟愈少地方有泥鯭食，呢道菓皮蒸泥鯭可以食返嗰种软糯口感，同埋鱼鲜略带海藻味嘅独特风味。泥鯭连骨带肉一齐煮特别鲜甜，系以前艇家嘅正宗食法嚟㗎。
菓皮蒸泥鯭
除咗一系列海鲜小菜，仲有多款镬气小炒、明炉烧鸭、粥品等。食海鲜又想有啲热粥暖吓胃，推荐潮式蠔仔肉碎粥。蠔仔饱满胀卜卜，潮州粥底相比广东粥无咁绵密，反而更加清爽解腻。
潮式蠔仔肉碎粥
喜记避风塘炒辣蟹
地址: 铜锣湾谢斐道477-481号肇明大厦地下及1楼A室
电话: 24886665
