【老经验师傅主理】铜锣湾高质中菜 重点必食推介!
中菜一向讲求手艺,有镬气丶够火喉嘅高质中菜,真系屋企煮唔到㗎!嚟紧母亲节丶父亲节咁多长辈饭局,搵定中菜餐厅就啱喇。呢间喺铜锣湾嘅「颜府御膳」就由掌厨多年师傅煮制,并於多款经典中菜加入玩味新意,一家大细都啱食。
餐厅装潢典雅时尚,好配合新派中菜风格。

预订私人包厢更有隐私度。

够火喉!新加坡黑胡椒粉丝蟹煲
新加坡传统小菜—粉丝蟹煲,加入原粒黑胡椒丶白胡椒同金不换炒香,比经典口味更刺激。入口辣得快丶辣得香,但又唔会呛同遮盖蟹肉鲜味,嗜辣者一定食得爽!

特别选用多肉大蟹,用微辣胡椒吊味後啖啖蟹肉都好鲜甜。而且蟹底粉丝吸满蟹肉精华,捞埋少少蒜香丶胡椒食,Q弹香口。
新加坡黑胡椒粉丝蟹煲

蟹钳好厚肉。

粉丝吸满蟹肉鲜味。

中西Fusion 慢煮牛肋排
师傅特别引入西餐常见嘅上等美国安格斯牛肋排,再混合中式材料同西式慢煮法。先用香叶丶白胡椒丶花椒丶八角等腌香牛肋排,再用头抽丶烧汁慢煮10个钟,令牛肋排香得温和又稍带辣味,并有慢煮嗰种软腍口感。
慢煮牛肋排肉质软腍。

热汤暖胃 砂锅浓汤鱼肚大芥菜
好多长辈都锺意饮汤丶食鱼,呢道「砂锅浓汤鱼肚大芥菜」就啱喇。汤底用新鲜鸡丶胡椒粒熬制2小时,再加入新鲜大芥菜丶沙爆鱼肚令味道更丰富。

因为加咗胡椒粒,所以每啖浓郁鸡汤都好暖胃,加埋鱼肚嘅丰富胶质绝对可以养胃养颜,其实唔只长辈呀,女仔同养生一族都必试。
* 资料由客户提供