“La Parrilla Steakhouse”充满欧洲小屋氛围。
如果你都系选择困难症嘅人，想锯扒，呢间阿根廷扒房“La Parrilla Steakhouse”就啱你喇。呢度平时主打阿根廷牛扒，定期搜罗唔同肉位靓牛。
视窗位以壁划配上红砖，好有格调。
点解扒房块扒会好食啲？除咗会引入靓牛扒之馀，佢哋自设高温扒炉都系重点。利用高温猛火锁住肉汁，牛扒外层焦脆；内里肉质粉嫩juicy。“La Parrilla Steakhouse”更贴心提供6款酱汁，一块扒可以食到几种风味。
前菜//
想食清啲，前菜有—吞拿、八爪鱼，再以秘鲁经典煮法Ceviche处理，利用食材香料将海鲜「醃」至半熟。味道微酸清爽，同时保留到鲜味同口感。Tuna Ceviche就用柚子汁醃吞拿鱼，鱼肉软嫩，又有淡淡柑橘香味；Octopus Ceviche则以日本柑橘酱油将八爪鱼「醃」至半熟，口感好弹牙㗎。
Tuna Ceviche有满满柚子汁，好啱夏天。
Octopus Ceviche嘅八爪鱼好弹牙。
前菜想食得健康啲，杂菜沙律就放满superfood—藜麦、牛油果喇，连埋石榴一齐食有多重口感。
Quinoa Salad集合满满superfood好健康。
主菜//
阿根廷牛扒—平铁牛扒Flat Iron、斧头扒，各有风味。平铁牛扒Flat Iron一向出名肉味浓，肉质紮实带嫩。今次更以Dry-aged 14日处理，利用牛肉天然酵素分解纤维，食落比一般平铁牛扒松软。推荐拣4成熟，真系愈咬愈有肉味。
Flat Iron好大份量！
几个人share嘅话，拣斧头扒CP值最高。你睇吓呢件斧头扒几大件就知！而且呢度有专业扒炉，就算咁厚嘅斧头扒都唔会烧到干噌噌，切开入面仲系好粉嫩㗎。
Tomahawk Steak斧头扒厚肉大件，几个人share CP值好高。
扒房特设专业扒炉，就算咁厚嘅扒都烧到好juicy。
牛扒全部都咁大份量，想拣啲无肉料理都得㗎。虽然呢道粗管意粉无肉，但完全唔单调。粗管外型劲挂汁，香香辣辣好惹味。
Rigatoni Picante粗管意粉系素食选择，香香辣辣好惹味。
Side Dishes//
西班牙人食饭有好多细细碟嘅side dish用嚟佐吓酒。想健康啲可以拣Grilled Seasonal Vegetables烤时令蔬菜，顺便解解肉腻。
(左)Grilled Seasonal Vegetables烤时令蔬菜，解解肉腻。
(右)Potato Au Gratin法国经典料理乾酪焗土豆，有种停唔到口嘅魔力。
另外仲有经典法国料理Potato Au Gratin乾酪焗土豆，听落系好简单嘅料理，但你真系估唔到巴马臣乾酪、奶油、土豆加埋一齐焗系咁夹，每啖都好creamy焦香，真心会一食就唔想停。
La Parrilla Steakhouse
地址: 中环云咸街77号嘉兆商业大厦1楼
电话: 26378555