阿根廷系南美最大牛肉出口国之一，全赖当地天然草原、温和气候造就适合饲养牛只嘅环境。想喺香港食到真正阿根廷牛扒，去阿根廷扒房就最啱喇。
一整排大窗映透中环风景，好有情调。
阿根廷高质牛扒 自家熟成牛做出独特风味
“La Parrilla”除咗引入阿根廷高质牛扒外，店内亦设自家熟成柜，利用牛肉天然蛋白酵素分解肌肉纤维，有种独特醇酒风味。呢度每款熟成牛扒至少熟成7-14日，做到外脆内软嫩嘅特别口感。
砖墙打造浓厚外国气氛。
大厨系用阿根廷传统做法，利用扒炉猛火锁住肉汁。牛扒外层焦脆有种BBQ炭烧感觉，切开系好靓嘅粉红色啱啱好。阿根廷扒脂肪亦无美国牛咁高，系愈嚼愈香嘅感觉。
阿根廷传统做法用猛火锁住肉汁。
“La Parrilla”牛扒会配上6种酱汁，可以试到唔同风味。身为肉控，会先唔蘸酱食件原始肉味，之后再逐件试埋6款酱，唔觉唔觉就清晒成件扒喇。
T-bone一嚐骨边肉
好多人话骨边肉最香最好食，其实因为牛骨会隔热令肉质唔会过老，骨入面嘅骨髓同脂肪亦会增加牛肉风味。如果你都钟意呢种肉嫩、牛香感觉，可以拣T-bone。
Cowboy steak (Ribeye)
另一款带骨牛扒就有Cowboy Steak，系属于大家熟悉嘅肉眼连骨位。软嫩程度逼近菲力牛扒，但又有适当嚼劲。而中间通常会有一件明显油脂，烧扒时会逼出油花特别惹味。
Selection of Ceviche
拉丁美洲有种独特煮法—Ceviche，严格嚟讲唔系煮，而系用柠檬汁酸度「醃熟」海鲜保存鲜味，再加埋大量洋葱、辣椒一齐食酸酸辣辣。
呢道Selection of Ceviche更配多几款沙律、脆片，用嚟间隔每啖Ceviche，好啱用作前菜或sharing。
Grilled Sausage Platter
烤香肠系阿根廷传统菜式之一，呢个拼盘可以食到多款烤肠，并配阿根廷青酱(Chimichurri)同醃红辣椒，饮啤酒一流。
Humita
同样系阿根廷传统菜式—Humita，将磨碎嘅粟米、香料等蒸或烤都好好食。
烤蘑菇
食咗咁多肉扒，小食可以拣道烤蘑菇，用野菌香清爽吓味蕾。
朱古力甜品
最后食件甜品令晚餐更加圆满，好推荐同多款酒品都好夹嘅Chocolate Mousse、Chocolate Fondant。
La Parrilla Steakhouse
地址: 中环云咸街77号嘉兆商业大厦1楼
电话: 26378555