烤鱼控都系嗜鱼之人，鱼嘅质素真系好重要呀。尖沙咀呢间「小鱼儿」听名就知系主打烤鱼，但估唔到佢哋嘅鱼全部即日喺香港街市买，游水鱼够新鲜健康。呢度有4款鱼＋7款汤底拣，今次就拣咗2款汤底试—活火山泡椒剁椒豆花丶凤梨香辣豆花，前者劲辣；後者辣带酸甜，解渴解腻好啱夏天食。
活火山泡椒剁椒豆花＋江团鱼
4款鱼中最大热嘅系江团鱼，因为鱼肉特别嫩滑吸汤，将辣汤满满吸收，咬开就渗出鱼汁。活火山汤底除咗有泡椒外，仲特别加咗剁椒，辣味嚟得更劲更快，锺意辣嘅话一定要试呢个组合。
凤梨香辣＋红三刀鱼
最新引入被称为「鱼王」嘅三刀鱼鱼油偏重，所以入口甘香鲜甜丶鱼味浓郁，最好食系鱼背鳍边位，鱼油特别丰腴，油香停留口中回甘。近年喺香港已好少见，喺烤鱼店食到实属难得。
我自己锺意食辣，但实则又唔太食得辣，夏天拣呢个菠萝香辣汤底就啱。辣度依然够劲，但就有轻甜微酸菠萝解解辣，辣得嚟啱啱好。而且菠萝止渴开胃，炎热天气食特别舒爽。
酸菜鱼系列 车仔面式拣配菜
有时夏天热到无咩胃口，食得唔多但又咩都想食啲，呢度就有酸菜鱼系列 (同系列仲有毛血旺系列丶水煮鱼系列) ～原窝酸菜鱼上枱，窝底仲有超厚丶超Q弹宽粉。配菜方面则以「车仔面式」拣，可拣3丶4或5款配菜等，想试多几款都唔会贵。
值得一提嘅系，酸菜鱼嘅酸菜系自家制，一般酸菜总系偏酸或偏甜，佢哋嘅酸菜反而系以「香」取胜，入口会即刻散出一种酸菜香，酸甜度平衡唔会太突出而掩盖鱼味，值得一赞。
串烧饮酒 宵夜倾计好地方
呢度除咗系一间烤鱼店，仲系一间「川式居酒屋」～因为呢度亦有多款烧烤丶串烧同超过30款清酒，开到夜晚11点～唔少人唔系为烤鱼而来，而系喺宵夜时段嚟饮杯酒丶食串烧。
印尼大头虾
最好先预订嘅大头虾，因为高质量少，极厚肉多膏，味道口感都拍得住龙虾。一般烧大虾肉会好乾，但呢款大头虾因为壳同肉都够厚，烧出黎唔乾之馀仲好Juicy，切开虾头位仲有丰富虾膏呀。
炭香串烧
呢度嘅串烧有居酒屋级数，特别用日本炉＋陶炭烧制，陶炭可以散发独有嘅炭香，但唔会产生炭灰，好食又健康。特别推荐口感弹牙嘅新鲜白鳝串烧，咬开仲会渗出鱼油甘香。
仲有洒上孜然粉嘅鸡翼串烧，鸡皮亦烧得香脆。
饭後小酌 冰镇鲍鱼佐酒
夜晚饭後想搵个地方同朋友坐低饮杯嘢，呢度亦有冻食嘅麻辣小菜—冰镇大连鲍鱼丶秘制酱嘅香辣鱿鱼丶爽口麻辣海螺等，饭後想过吓口瘾仲可以解腻佐酒。呢度有30款清酒外，亦有多款本土手工啤丶啤酒塔丶沙冰拣。
冰镇鲍鱼
(左起) 麻辣海螺丶冰火鱿鱼
超过30 款清酒丶啤酒选择。
父亲节
21号星期日
送每位冰镇鲍鱼两只
午市
12：00-3：00 7折
晚上分三段
17：00-18：00 8折
19：30-20：00 95折
21：00-21：30 7折
冰镇鲍鱼可以同优惠同时使用
小鱼儿
地址: 尖沙咀金马伦道16号金马大厦1楼
电话: 23282122
