有时好想食和牛，但谂起几百蚊可能只食到几片就却步。终于!! 喺尖沙咀揾到间新开嘅和牛烤肉店「鞍下熟成肉」，由日本カミチク农场引入最高级原只A5萨摩牛～
好少餐厅会引入原只和牛，吧枱会见到师傅主理。
因为「鞍下熟成肉」系原只和牛嚟，所以食到好多稀有肉位外，最重要价钱平一截！夜晚$580/位就食到9款和牛肉位，包埋和牛甜虾大叶、鱿鱼沙律、8品野菜盛合、丼饭、甜品，香港好少和牛专门店CP值咁高。
香港好少见CP值咁高嘅和牛专门店，每枱都有日本烧肉炉畀你自己烧。
A5之外仲有分级数？必食最顶级A5和牛
唔知你有无发现，每次食A5和牛质素都有落差？其实和牛除咗分A1-A5外，仲有脂肪纹理分布BMS等级共12级。所以有时食A5和牛唔会入口融化，可能就系BMS等级唔高喇。而「鞍下熟成肉」只用BMS 12级嘅萨摩A5和牛，系和牛最顶级㗎。
包9款和牛肉位！赤身食到去霜降
BMS 12级有满满云石纹，但完全唔使惊太腻。因为9款和牛中，师傅会安排好4款赤身+4款霜降+日本爆红葱缚和牛舌芯，你可以好似日本人咁由肉味浓嘅赤身，食到去爆油花嘅霜降；又可以两款隔住嚟食，咁就唔会好腻喇。呢9款和牛每日都会依时令改变，就好似食和牛omakase咁，次次都有惊喜。
和牛晚市套餐有齐9款和牛肉位，劲丰富。
「鞍下熟成肉」和牛晚市套餐详情
前菜及沙律(各1客) 48小时慢烤A5和牛甜虾大叶 柚子鱿鱼沙律
九品「日本一」烧肉盛合 葱缚和牛舌芯 薄切 | 赤身和牛(2款)+霜降和牛(2款) 厚切 | 赤身和牛(2款)+霜降和牛(2款)
八品野菜盛合 绿珊瑚生菜、杏鲍菇、冬菇、秋葵 粟米、红灯笼椒、翠玉瓜、露笋
饭(任选1项) 米饭／香葱温泉玉子紫菜饭／香葱紫菜饭／和牛味噌煮丼
是日甜品 |
和牛脂开炉 专人教烧和牛
今次我哋食到嘅9款和牛，有以下呢几款～
- 薄切: A5萨摩牛三筋配柚子萝卜蓉、A5黑毛和牛前腿肉、A5萨摩牛龟之子、A5萨摩牛寿喜烧西冷片
- 厚切: A5萨摩牛后腰臀肉、A5萨摩牛贝身、A5萨摩牛后腰臀肉盖、A5萨摩牛羽下
- 葱缚和牛舌芯
【牛脂开炉】
一开始会有专人用和牛油脂帮我哋开炉，然后用一款薄切和牛教点样烧，所以唔使担心烧得唔好呀。
薄切和牛劲大块！雪花纹好靓呀。
员工教我哋和牛唔使太熟，薄切和牛只要烧到有肉汁渗出，就可以捲起食㗎喇。
近期日本女生最钟意嘅A5萨摩牛三筋，肉味香甜又有油花。
4款厚切和牛均各有1件，份量好多。
近年日本高级烧肉店爆红嘅葱缚和牛舌芯，完全系不计成本咁将原条牛舌横切，再包入麻油、胡椒、蜜糖等调制嘅葱酱，比平时常见嘅直切圆形牛舌大块好多。入口劲弹牙，再爆出咸咸甜甜热汁好特别。
每件牛舌都系师傅人手包，好考手艺。
【清清味蕾】热汤烫和牛
之后会奉上倒入热汤烫熟嘅A5萨摩牛龟之子，因为呢个位好满油花又软腍，所以用茉莉花茶热汤中和腻感，算系和牛同和牛之间嘅过渡料理。
龟之子有好劲云石纹，用茉莉花茶热汤中和腻感。
【最香浓】A5萨摩牛寿喜烧西冷片
最后就有浓郁嘅和牛寿喜烧啦～西冷位劲浓肉味，配个兰王蛋寿喜烧汁。员工教我哋唔使将只蛋搅得太匀，咁先可以令西冷沾满蛋浆更加滑嫩，轻甜寿喜烧汁又解腻。
【午市套餐入门价】
呢度午市同晚市都系用最高级萨摩A5和牛，所以唔会话午市质素就差啲。和牛仲劲大件足料，每个set都包白饭1碗(除丼饭外)、味噌汤、渍物2客、柚子醋沙律。
私心大推！鞍下烧肉套餐$199
无谂过lunch都有咁大块和牛呀！细心望吓呢块鞍下就知，其实总共有2个肉位㗎，上面系羽下；下面就系肩胛肉。
呢块鞍下有2个肉位，一次过食两种感觉。
睇吓几大块！平时员工会切好晒畀你方便食。
其他午市套餐都好丰富
纯．萨摩牛Set S烧肉拼盘$249
三品烧肉套餐$149
Chimichurri 牛扒定食
(左)48小时慢烤A5日本和牛丼$149、(右)日本和牛味噌煮丼$88
鞍下熟成肉
地址: 尖沙咀金马伦道29A号地下
电话: 65426897