唔少人锺意日本菜，因为食到鱼材嘅原始鲜味，仲享受到日本料理嗰种恬静。特别系高级日本料理，望着师傅喺木枱前握掏寿司，连视觉都成为一种享受。铜锣湾新开业嘅「藏」亦承传呢种日本传统饮食文化，喺酒店级环境下食「厨师发办」。当你踏入日式玄关时，恬静环境仿佛无言地话畀大家知，可以开始静落嚟体验呢场日本料理喇。
一入门口已见到典雅嘅木屏风同插花摆设。
午．晚两市 都食到厨师发办
「藏」有午丶晚两市，想划算感受「厨师发办」同日本直送刺身嘅话，个人好推荐先以午市入门，价钱相对抵食外，午市菜单同样食到师傅拿手名菜。晚市则行更高质路线，仲有3个价钱拣。拣好价钱後就可以完全交畀师傅，由佢依你喜好创作一系列时令料理，饭後仲可以去店内嘅娱乐套房饮酒丶唱歌，感受吓日本人嘅消遣娱乐文化𠻹。
VIP房私人度够高，举行私人宴会都好有派场。
曾赴东京学艺 专业师傅驻场
「厨师发办」讲求嘅除咗系食材质素，最重要嘅当然系发办嘅厨师，因为客人食咩丶享唔享受到整个料理过程，都全靠厨师经验同技巧。「藏」嘅主厨KC 就曾远赴东京深造寿司技法，回港後亦有丰富主厨经验，无论系选材丶握掐寿司定烧烤都极具功架。
而且KC 对食材要求好严谨，店内所有鱼材都系每日由东京丶九州同北海道渔市场新鲜到货，坚持只拣时令货，令人食到海鲜嘅原始鲜味。
想睇师傅功架嘅话，一定要拣吧枱。
两大空间 酒店级高雅气氛
店内就分为寿司吧同主厅两大空间，锺意欣赏师傅功架嘅当然要坐一字型浅木吧枱；想有酒店品味气氛嘅话，就推荐以薄荷蓝梳化椅为主调嘅主厅，特别适合三五知己或商务客慢慢边食边倾。
薄荷蓝梳化椅令成个环境好舒服。
午市选择多 13款高质定食
讲咁耐，咁呢度有咩好嘢食呢？午市除咗可以拣「厨师发办」，仲有13款定食选择，价钱都系由HK$260起，包沙律丶茶碗蒸丶面豉汤同甜品，入门价钱就食到师傅手艺。
日本云丹美国伊势海老丼
好推荐KC 呢道首本名菜，美国波士顿龙虾系即叫即煮，起肉後加埋北海道马粪海胆丶蟹柳丝丶紫菜等，再混合北海道米「梦美人」同新舄米。食时只要拌入即拆龙虾虾膏丶青芥茉同子姜就得。唔驶额外加太多花巧调味，反而更实在食到龙虾鲜味同日本米独有嘅烟韧同米香。
呢道龙虾系师傅招牌菜，好推荐食呀！
一试师傅手艺 严选刺身定食
要知道师传选材眼光同刀功造诣，食刺身就即刻知道。师傅仲特别附上经腌制嘅柚子同姜取代传统子姜，味道更清爽。
午市嘅刺身定食都超级丰富！
晚市高级「厨师发办」 3个价钱选择
「藏」嘅晚市食材只用日本鱼，以食材质素嚟讲价钱实在唔昂贵，分别系HK$1,180丶1,380同1,680，师傅会依据你嘅喜好同价钱，为你设计最啱食嘅日本料理。
晚市都有单点菜式
鲍鱼伴肝酱
除咗「厨师发办」，晚市亦可以单点沙律丶前菜丶烧物同主菜。前菜推荐「鲍鱼伴肝酱」，系用日本或韩国乾鲍鱼仔，配自制鲍鱼肝酱捞乌冬食，有咬口之馀亦食出鲍鱼肝酱独有嘅咸鲜。
鲍鱼摆盘好精致。
杂锦天妇罗
同场仲有天妇罗，浆薄松脆。除咗必有嘅日本花竹虾同蔬菜，仲有北海道鲍鱼！薄脆外层包着烟韧弹牙嘅鲍鱼，双重口感加埋一齐好正。
天妇罗睇得出炸浆好薄，系合格之上嘅作品。
必食本鲭大拖罗
食日本料理，拖罗可以话系必食。呢度嘅「本鲭大拖罗」嚟自九州或北海道，经炙烧後，用紫菜同紫苏叶包着食，食到大拖罗嘅油香同时亦唔会太腻，平冲度做得啱啱好。
超级厚切嘅大拖罗，用紫菜包着食一流。
超多清酒拣 镇店之宝「十四代」
我哋都知日本人好锺意以酒会友，「藏」嘅清酒酒藏系由经验丰富嘅唎酒师精心拣，好多系日本着名酒厂出品，镇店之宝就有「十四代」嘅白云去来纯米大吟酿，入口有丰富果味，甜中带微酸，系令人深刻嘅清酒。
店内酒藏极多，总会拣到一支锺意嘅。
藏
地址：香港铜锣湾谢斐道482号1楼
电话：3125 3133
营业时间：星期一至日 12:00pm – 2:30pm丶6:00pm – 10:30pm