夏天想hea住呼吸吓新鲜空气，唔一定要上山下海嘅。将军澳海滨长廊有大海景，沿海仲有单车径玩乐，玩到攰嗰阵又可以入餐厅High Tea休息吓。今次就介绍附近打卡一流嘅日式梦幻下午茶—Deluxe 版「花楽Deluxe Afternoon Tea HK$498」有厚切拖罗；CP值极高嘅「花乐经典日式下午茶HK$298」，并可以优惠价HK$88(原价$168) 追加清酒一壶。
凡惠顾下午茶，均优惠价HK$88(原价$168) 追加清酒一壶。
花楽Deluxe Afternoon Tea HK$498（2人）
日本料理店「花乐」嘅下午茶一直好高人气，最新推出嘅两款下午茶都有满满嘅拖罗蓉。呢款Deluxe 版上层有多款刺身，开动前先食Cocktail蚝，将时令蚝丶顺菜丶啫喱配埋日本三杯醋同柚子酸汁，开胃清味蕾。跟住就系主角—厚切蓝鳍拖罗丶牡丹虾刺身丶海胆杯。
仲有造型抢眼嘅香葱吞拿鱼蓉配黑糖多士丶中华风烧卖寿司，两款都放满拖罗蓉，难得一见咁奢华丰富嘅日式下午茶。
「花楽Deluxe Afternoon Tea HK$498」有新鲜蓝鲸拖罗，仲有多款刺身大满足。
海胆Creamy厚肉。
中华风烧卖寿司以拖罗蓉打造「烧卖」，相当玩味。
除咗上层嘅刺身外，下层放满日式甜点。最锺意软绵绵嘅士多啤梨奶油窝夫丶日本人大爱嘅十胜红豆蕨饼，最後可以奶油忌廉伴士多啤梨同黑糖甘薯片解腻。
软绵绵嘅士多啤梨奶油窝夫，充满少女心。
日本人大爱嘅十胜红豆蕨饼。
最後以日本士多啤梨解腻，伴上忌廉更香。
佐酒三层塔 放满日本小食
除咗典雅嘅双层鸟笼，仲有三层塔放上矶煮鲍鱼丶柚子海葡萄沙律配沢蟹丶烧味醂鱼乾。个人最锺意沢蟹，呢种生活喺宫崎河川嘅蟹仔，原只炸香後外脆内嫩，蟹仔细细但有好多蟹膏蟹肉㗎。
三层塔有多款佐酒小食，好啱用优惠价加配清酒。
原只炸日本沢蟹，外脆内有超多蟹膏蟹肉。
CP值高 花乐经典日式下午茶HK$298 (2人)
虽然呢款CP值高嘅下午茶价钱平一截，但系咸点甜品绝对唔失色。上层刺身有辛口山芋吞拿鱼腩蓉配米通依然放满拖罗蓉；香脆软绵嘅银鳕鱼乾夹饼寿司，外层炸脆嘅银鳕鱼乾夹住立鱼寿司，好似寿司三文治夹饼般，玩味十足。
「花乐经典日式下午茶HK$298」同样有多款刺身，CP值极高。
辛口山芋吞拿鱼腩蓉配米通放满拖罗蓉。
银鳕鱼乾夹饼寿司以脆炸银鳕鱼乾夹住立鱼寿司，好似三文治夹饼咁，好特别。
仲有三文鱼迷实锺意嘅盐水紫菜叶秋葵三文鱼配花饼，轻脆日本花饼配清新秋葵丶紫苏叶，多重口感沙律好突出三文鱼香。同层仲有水户冷菜配秋葵丶香葱厚玉子味噌烧。
盐水紫菜叶秋葵三文鱼配花饼系多重口感嘅三文鱼沙律。
下层甜品则有日本人气打卡甜品水信玄饼配黑糖丶传统经典十胜红豆厥饼丶轻甜焦糖蛋糕同清爽时令水果。
有多款日本甜品，两个人Share都好满足。
晶凝通透嘅水信玄饼，影相打卡好靓。
三层塔香口小食 大爱吉列蚝配黑松露酱
呢款下午茶同样有3款小食，矶煮东风螺轻甜弹牙丶烧鳕鱼乾好松脆，个人最深刻系吉列炸蚝伴黑松露酱，炸浆厚薄啱啱好，脆得嚟唔会太乾，原只蚝仲好Juicy。
三层塔集合3款香口小食，吉列蚝好高质。
同场加映 多款必试晚市料理
呢度嘅晚市料理都有好多选择，蚝迷必试呢道花楽六味真蚝，可以一次过食列6款口味蚝，熟广岛蚝有蒜蓉丶车打芝士丶岩盐等口味，岩盐味道最能突出蚝味。
另外2款Cocktail 生蚝则选用日本时令生蚝，每只约150g更多肉厚身。配上微酸Q弹嘅啫喱同酸汁，以日式做法突出生蚝味。
Cocktail 生蚝，每只约150g更多肉厚身。
花乐卷以炸鳕鱼片夹住夹住拖罗蓉丶日本甘虾丶日本长芋丶三文鱼籽丶薯蓉同寿司饭等，一啖入口味道好丰富，咬落又脆又Creamy，系一款食完有幸福感嘅新派寿司。
新派寿司花乐卷集合多重味道口感。
仲有放满海胆丶鱼籽丶炸鱼仔等嘅海胆杯，同样集合多重口感，成日心思思咩都想食吓嘅话就啱喇。
口感丰富嘅海胆杯。
最後不得不提呢道慢煮红酒煮鹅肝，师傅将原件鹅肝浸於红酒两日，令鹅肝变得软滑绵密，仲有浓浓红酒香。
制作多时，令鹅肝吸满红酒香。
「花乐」系由一班80後年青人夥拍日本人开设，所以不时推出日本传统手作品，推广当地饮食文化。今次就由日本人教路，亲手制作日本传统梅酱，好啱在家配乳酪或面包。
而家只要登记成为会员就可以免费获得，费用全免，更可以收到餐厅最新优惠通知。
免费成为会员，即可获得手作梅酱。
花楽
地址: 将军澳唐俊街21号翩滙坊地下G23号铺
电话: 23892628
