「澳洲龙虾刺身」橙红色虾肉劲爽脆，虾味浓又有淡淡海水味，味道特别浓。
想打边炉又惊热气，拣有养生汤底嘅火锅店就得啦！旺角「滚爷火锅」全场汤底都系自家用50斤鸡壳、猪骨、鸡脚等熬煮，唔怕成口味精汤，而家仲有新开业优惠。
新开业优惠！
- 于晚市时段，讚好、留言及follow 餐厅facebook，即送细樽青岛1支/汽水1罐 |
【免费二食】加拿大A级象拔蚌！
一入门口就见到鱼缸好多游水海鲜，一定要试吓佢哋嘅刺身呀！私心大推「加拿大A级象拔蚌」劲鲜甜弹牙；象拔蚌胆仲可以免费二食，可拣 椒盐/酥炸 做法，好啱饮酒。
加拿大象拔蚌好多肉，象拔蚌胆仲可以椒盐/ 酥炸。
象拔蚌肉劲厚身大件，唔怪得咁弹牙。
2层楼高 设多间VIP房
1/F有VIP房，可以唱K+麻将，大圆枱。可间1席/2席/3席/4席/全层 都可以，按不同需要间房，详情可以查询店家。
养生清热汤底 淡淡茶香
点谂到打边炉都可以养生，坊间好少见到优遁草汤底—「养生优遁草鲜果鸡锅」。其实《本草纲目》早记载优遁草有清热解毒、消炎散瘀之效，汤底同时加入雪耳、雪梨、龙眼等食材，相当滋润。
优遁草汤底有淡淡茶香，渌肥牛、游水海鲜都好夹，特别系海鲜会鲜甜啲㗎。坊间少有优遁草汤底，打边炉都可以清热解毒。
劲清甜！清远鸡汤底
「秘制泰国椰子鸡锅」用泰国椰子、清远鸡、马蹄等熬煮，清甜又暖身。一开始等汤底滚煮5分钟，先饮碗热汤暖胃再打边炉好正。而且汤底本身已包 半只/原只 清远鸡，加埋椰肉解解腻几抵食。
汤料有成只鸡好抵。
牛味特浓！新鲜本地牛
钟意肉味浓嘅一定要试「新鲜本地手切牛小排」，真系每日新鲜运到㗎！同场都有美国安格斯顶级牛—封门柳、牛颈脊、肥牛。
一睇就知新鲜嘅饱满肉色，轻轻一滚就食得。
粉嫩手切牛，牛味特浓。
自家手打滑 铺满蟹籽！
呢度仲有多款手打滑，「爽口手打鲜虾滑」、「弹牙手打蟹籽墨鱼丸」、「手打鲜牛滑」等，都系每日自家制。
手打滑铺满蟹籽，卜卜爆开更有口感。
即叫即炸小食 必试虾胶皮蛋
呢度楼高2层，一班人喺2楼打边炉好有隐私度～饮啤酒配埋即叫即炸小食几有气氛。
「深海炸弹」系手打虾胶+皮蛋，三重口感好过瘾。
「金砖脆皮豆腐」外脆内嫩。
