大家准备好心情迎接圣诞节未!? 系时候睇定边度有CP值高嘅圣诞套餐啦。尖沙咀闹市顶楼，有间岩里风餐厅酒吧“KABOOM”，最新圣诞套餐只需$768/人。最重要呢度环境超靓！大空间佔地两层，加埋峇里度假风装潢好Relax。
室内座位望维港海景 纯朴海边酒吧Vibe
下层系室内空间，落地玻璃可以饱览维港靓景，悠和藤灯下揽住厚咕𠱸用餐，有种置身纯朴海边酒吧感觉，系一流嘅All-in-one Casual Dining好地方呀！
顶楼户外座位 俨如尖沙咀空中花园
顶楼嘅户外空间就放满阳草伞、宽敞藤椅，配上芬兰木材塑造满满外国气氛，远离繁嚣。环境开扬可以欣赏维港海景，好啱闺蜜约会又或三五知己饮酒慢活。
秋冬坐户外饮酒特别有Feel，而且唔使担心落雨，因为“KABOOM”会喺雨天装上临时露营帐篷，反而有种去咗露营感觉，别有一番风味。
【圣诞套餐】
热汤｜三椒蟹浓汤
冬天特别想饮啖暖汤先，今次个汤仲加咗三色胡椒、香茅、蟹膏感觉特别浓郁暖胃。饮嗰阵会食到啲蟹肉、虫草花 、芹菜，加埋只蟹钳真系几丰富。
前菜2选1｜
牡丹虾他他配鱼子酱
2道前菜选择都好有海鲜风味～ 私心觉得牡丹虾他他嘅鲜味会再重啲。将牡丹虾他他连埋番红花醃青口、最强泰式沾酱Nam Jim Jaew一齐食真系超浓郁。最后食埋件炸牡丹虾，两种风味食晒真心满足。
真空慢煮鲍鱼与带子配海胆
想食鲍鱼嘅话，呢道前菜就有澳洲鲍鱼、北海道刺身带子，连埋海胆、青辣椒香茅椰汁酱、青柠啫喱，有种清新嘅海鲜味几特别。
主菜4选1｜
慢煮纽西兰羊柳
低温慢煮纽西兰羊柳肉质好粉嫩，加埋香草外皮嘅脆口口感几有层次。几钟意特别调配嘅青咖喱蠔油，令本身好有东南亚风嘅青咖喱多咗种熟悉嘅中式咸甜香。配菜仲有炸蠔、脆土豆，成个用餐体验都好丰富。
波士顿龙虾法式焗
将波士顿龙虾鲜拆肉，再捞埋冬荫虾膏 、杏鲍菇一齐食，唔使自己拆肉食方便好多，特别系圣诞初次约会都唔使惊食到狼狈。另外呢道主菜会配埋藏红花海鲜炖饭，炖饭口感Creamy绵密，有时又食到粒粒卜开嘅鱼子，呢种奢华口感好啱圣诞气氛。
西班牙伊比利亚带骨猪扒
伊比利亚黑毛猪扒好大件，男仔食都好够饱！同埋伊比利亚黑毛猪以橡果饲养，食落有种坚果香味。加埋松露肉汁嘅菌香，猪香、松露、肉汁加埋一齐，作为圣诞大餐主菜有Feel呀。
澳洲M6黑蛋白石和牛肉眼扒（加 $158）
如果你有圣诞一定要锯扒嘅仪式感，加$158就可以升级。目测牛扒好大件，如果两个人嗌个龙虾、再嗌件牛扒Share已经好丰富。食嗰阵淋上天堂椒肉汁，和牛油香又再带啲微辣椒香。
甜品｜圣诞树
最后嘅甜品真系好有圣诞气氛，用白朱古力开心果慕斯、草莓啫喱、海绵蛋糕、朱古力挞、蛋白霜整咗圣诞树、士的糖造型。“KABOOM”嘅峇里风+维港海景背景，拎住圣诞树甜品影相真心靓。
【日常推介料理】酒店级主厨主理！东南亚风Fusion料理
呢度由酒店级主厨主理，平时嚟食嘅话一样吸引。特别系主厨设计嘅一系列东南亚风fusion料理，香辣清爽风味好啱一边食、一边听住轻快音乐望维港靓景。
【Small Bites for Sharing】
Menu有好多”Small Bites for Sharing”系列嘅佐酒小食，好似去咗Cocktail Party咁。
Chilli Salmon Cups | 辣味三文鱼小杯
一啖一件嘅三文鱼小杯，女生轻松食得有仪态啊。酥脆挞皮入面就有三文鱼粒粒、香辣酱、红葱头同清新青柠，轻辣风味同三文鱼好夹。
Deep Sea Tacos | 深海墨西哥夹饼
脆脆粟米饼皮包住弹牙鲜虾、清爽生菜、酸甜醃洋葱等，加埋特制泰式酱汁，每啖都有丰富层次同口感。
Red Prawn and Scallop Carpaccio | 红虾帆立贝生鱼片
好精致嘅海鲜前菜，北海道帆立贝、红虾真系双倍鲜味呀!! 配以特制泰式冬荫酱，辣中带酸更突出海鲜鲜味。
Yum Som-O Cajun Prawns Salad | 泰式鲜虾柚子卡真大虾沙律
唔想食太清淡嘅沙律，咁你一定要试呢个新推出嘅大虾沙律！大厨将泰式沙律洒满美国纽奥良地区嘅特有香料Cajun，有种独特微辣。每只大虾都好弹牙，又有啲轻甜柚子平衡吓几好食。
【Main】
“KABOOM”亦有多款主菜，绝对可以饮酒食嘢直落啊。
Baked Sambal Sous Vide Black Cod Fish | 叁巴酱烤真空低温慢煮黑鳕鱼
真空低温煮法会令黑鳕鱼产生美拉德反应(Maillard Reaction)，令鱼肉有种复杂嘅香气味道。本身鱼油之上加埋微辣咸香嘅叁巴酱、绵滑奶酪劲开胃，就算平时好少食鱼都会爱上!!
Grilled Spanish Octopus Thick Egg Noodle with Pad Thai Crab Sauce | 烧西班牙八爪鱼粗蛋面配泰式蟹酱
完美融合地中海、东南亚风味嘅创意料理。主角西班牙八爪鱼好大件，烧到又嫩又弹牙。汤底仲加咗香浓嘅泰式Pad Thai蟹酱，再用油浸大蒜、泰国罗勒、青胡椒粒等撞出层次，浓味控必食！
Thai Crispy Pata | 泰式脆皮猪手
德国咸猪手就听得多，大家有冇食过泰式猪手呢？ 餐厅用咗超大只泰式猪手，外皮烤到金黄酥脆，饮啤酒必食!! 好钟意佢配菜好多，醃萝卜、萝卜、西兰花等……可以肉同肉之间解吓腻，啱晒一班人share。
Tom Yum Coconut Risotto with Hokkaido Scallops and Sea Urchin | 冬荫椰子炖饭 配北海道帆立贝及海胆
泰国经典冬荫风味x义大利炖饭，秋冬食真系好满足。浓郁冬荫酱同椰奶做基底，炖煮出酸辣饱满饭粒，加埋北海道帆立贝、海胆好丰富。
【专业调酒师 | 即场调制合适你心情嘅专属鸡尾酒】
Damn Pissed Off!
充满活力嘅鸡尾酒，完美结合伏特加、热情果酱同菠萝汁，带嚟清新嘅热带风味。呢款鸡尾酒特点在于佢嘅生薑风味，有种独特嘅辛辣感。
I Feel Loved
我谈的那场恋爱...就像这杯Cocktail，集合了威士忌和荔枝酒，带有玫瑰菊花甜香又清新，加点点酸酸的橙汁，甜的苦的酸的混合在一起，“This is exactly what it tastes like to be in love!”
IT's A Gossip Girl Time
青柠Vodka加咗苦瓜糖浆，呢种独特风味真系无咩试过，仲有种清新醒神感觉。当然仲有柚子汁、金桔汁、青苹果糖浆，增添酸爽果香。
Lets Get Cracking
呢款奢华鸡尾酒，以伯爵茶威士忌结合朱古力Liqueur，带嚟浓郁香味，同时夹杂阿华田、焦糖、燕麦奶嘅轻甜味道。相信女生都会好钟意呢款鸡尾酒
KABOOM
地址: 尖沙咀北京道12A号太子集团中心20楼
电话: 37088114