自古以嚟，佳肴配美酒，从来都系一大享受。红酒嘅丹宁酸同牛肉嘅胺基酸可平衡互补，更能提升味道嘅层次。位於铜锣湾嘅「佳牛美酒」，正正就系一个你可以抛开烦恼，静静地单纯享受靓牛同靓酒嘅地方。餐厅提供嘅和牛，包括澳洲M9+纯血和牛丶日本A5和牛丶美国SRF极黑和牛，全部都系嚟自世界顶级农场；而葡萄酒丶日本清酒等更一应俱全，请提早预订。
餐厅嘅中央系开放式铁板烧枱，提供席前烧，客人望住片片烧牛肉，立时食指大动。店内另有两间隐私度高嘅房间，适合私人聚会。
豪华享受 极尚套餐
呢度有咁多款靓牛，如果想一次过品尝到最多牛肉款式嘅话，极尚套餐系绝佳嘅选择，三种牛都可以食齐。
前菜拼盘+芝麻水菜沙律
前菜拼盘
芝麻水菜沙律
餐厅对待每样食物嘅态度都系认真一致，即使前菜都绝不马虎。按季节时令选材，例如近期就有先酸後甜嘅赤舞，醒神开胃。芝麻水菜沙律亦有惊喜，沙律菜丶豆腐丶麻酱配搭平衡，富有层次。
极上和牛稀有部位三款+季节时蔬
(左起) 澳洲熟成牛舌丶日本牛胸腹丶日本牛肩胛丶日本牛横隔膜
澳洲熟成牛舌呈嫩红色，肉质柔软爽口；日本牛胸腹筋膜较少，食起上嚟啖啖肉香；日本牛肩胛就好似拖罗一样，油花甚香；而日本牛横隔膜嘅肉味则系咁多个部位中最浓郁嘅。每日款式供应按餐厅来货决定。澳洲和牛舌香港少有餐厅有供应，不容错过。
炭烧澳洲和牛纯血M9+西冷
牛魔王对澳洲M9和牛一定唔会陌生，就连澳洲当地人都未必有机会食到嘅靓牛，呢块仲要系全港独有嘅纯血M9+，年产量唔多，每月都系限量供应，非常珍贵。西冷更系全牛最肥美嘅部位，脂肪雪花分布平均，以真·火炭炉烤制，外层脆身而内里肉汁仍然juicy，肉香中渗有油香同炭香，富有嚼劲，难怪每位食过嘅客人都会对之念念不忘。
炭烧西冷牛筋配新鲜蔬菜
相比起西冷，牛筋更加有嚼劲，一下一下咁咬，肉汁连同炭烧香就一啖一啖咁喺口腔中爆发，令人完全陶醉喺佳牛嘅世界中。
日本A5和牛配温泉蛋饭
接近尾声但依然惊喜连连！薄切日本A5和牛以大火轻烤至半生熟，本嚟已经满满油香滑口，再锦上添花地加埋日本温泉蛋，连同日本珍珠米一齐拌匀，一冷一热，层次倍增。
**极尚套餐另外仲包有时令海鲜同特色甜品
午巿套餐
Lunch间中都会想食得丰富啲，呢度有多款百零二百蚊嘅午巿套餐，每个套餐都配有前菜丶白蚬汤丶芝麻水菜沙律同日本米饭，性价比极高。
美国SRF极黑和牛配带子定食，一个餐可以食齐牛肉加海鲜，大满足。
炭烧美国极黑和牛西冷定食，既有炭香亦有肉香。
名贵美酒配Zalto水晶杯
一啖香嫩多汁嘅牛肉，一啖浓郁果香嘅葡萄酒，酒不醉人人自醉啊。
酒迷注定会畀一入餐厅就见到嘅美酒柜吸引，陈列出嚟嘅葡萄酒品牌齐全，当中又以波尔多红酒占量最多，最靓嘅年份例如1996丶2005丶2009丶2010年等都有！而且更会提供奥地利顶级酒杯品牌，纯手工吹制嘅Zalto水晶杯，酒杯轻身丶特有设计使之更能特显葡萄酒嘅香气同味道。值得一提嘅系，餐厅细心地设有预订红酒同醒酒服务，客人可於wine1000plus网站内拣选心头好，预订咗嘅酒就会送到餐厅，再根据订座时间预早醒酒，一去到就有得饮啦~
佳牛美酒
地址: 铜锣湾铜锣湾渣甸街66号亨环7楼
电话: 28864838
WhatsApp订座: 52209066
WhatsApp订座: 52209066