必点打卡 - 牛魔王拼盘! 够晒气势~
而家宵夜选择越嚟越少，难得揾到开到凌晨5点嘅火锅店真系要mark低呀。尖沙咀新开「滚爷火锅」全场卡位设独立电视，夜晚同朋友嚟打边炉、直播英超西甲睇吓波几正㗎。特设2间VIP房更有大电视唱K，男仔睇波女仔就喺花墙打卡，一班人开party玩到深夜都唔怕嘈到人喇。
全场卡位，设独立电视极具私人空间。
零包袱！大爷般尽情食玩饮
「滚爷火锅」中嘅「滚」意指滚至沸腾嘅火锅汤底；「爷」即希望食客如大爷般豪迈享受火锅。所以呢度气氛好热闹，有强劲音乐、独立电视；VIP房甚至可以唱K，大家都食得特别爽快！尽情打边炉、饮酒、倾计啦。
VIP房宽敞，设用餐区、卡位玩乐区，尽情唱K开Party至凌晨5点啦。
自家熬制汤底10小时！
店家有多款香浓汤底—招牌椰子鸡锅 (半只鸡)、药膳花雕醉鸡锅、胡椒猪肚鸡锅等，足料滋补。冬天想食得香口麻辣，亦有足料麻辣鸡煲、麻辣龙虾锅拣。麻辣龙虾锅更包半只鸡、原只澳洲龙虾，未食其他火锅配料都大满足呀。
亲试！招牌椰子鸡锅 (半只鸡) + 麻辣汤底
招牌椰子鸡锅(半只鸡)有好多鸡件，全部都厚切多肉，好似嗌汤底送多一碟配料咁抵食。汤底富椰香清甜，系加咗好多椰子肉(用上四个椰子)，、新鲜椰子水先做到嘅效果。
招牌椰子鸡锅有好多鸡件，全部都切厚多肉几抵食。
另外麻辣果边就唔算好辣，系大部分人都会食到嘅辣度。但惹味度十足，好啱打边炉饮啤酒。值得一讚系辣油、香料都煮到好香，滚汤等食嗰阵真系越闻越肚饿呀。
提供多款鸳鸯汤底。招牌椰子鸡锅有好多鸡件；麻辣锅轻辣够惹味，食得爽快。
【CP值高拼盘】
如果你钟意食靓牛、海鲜，「滚爷火锅」就好啱你喇。佢哋有好多拼盘，一个价钱食到几款牛位、游水海鲜，CP值好高！
足料游水海鲜 | 四人海鲜拼盘
海鲜拼盘有台山蠔、海中虾、南非鲍鱼、扇贝。南非鲍鱼好Q弹，原只鲍鱼切片食得更方便。其他海鲜就每款4件，份量十足唔使争。特别系生蠔、扇贝都好大只肥美。
四人海鲜拼盘好足料，生蠔、扇贝特别大只肥美。
必点打卡 | 牛魔王拼盘
平时打边炉嘅牛拼盘，主要都系各种手切牛肉。呢度就有啲唔同，以口感牛味皆出色嘅牛板腱做主打，软嫩带嚼劲吸引好多fans；配以牛骨髓、牛肚、牛舌几有新鲜感。牛骨髓口感独特滑嘟嘟，平时唔多地方食到㗎。
喷烟牛魔王登场富玩味。
【仙气牛肉】
「滚爷火锅」摆盘花心思，特别系呢2款皇牌牛肉都好梦幻！
肉味爆发 | 新鲜牛颈脊
呢碟牛颈脊真系有惊喜，仙气木盒上枱已经忍唔住即刻影相！牛颈脊系运动量较多嘅肉位，所以肉质松化有咬口。而且雪花纹平均，肉味会越咬越浓郁㗎。
仙气木盒放满新鲜牛颈脊。肉质松化，肉味越咬越浓。
丰富肉感 | 美国安格斯牛小排
另一盘仙气登场嘅牛小排，油花香味最突出～因为肉位穿插筋膜，肉味咬口更多层次。轻灼几吓至5成熟，丰厚紮实肉感系最好食。
美国安格斯牛小排仙气登场，肉质丰厚紮实。
【Q弹丸滑】爽口手打鲜虾滑 + 手打蟹籽墨鱼丸
手打起胶 | 爽口手打鲜虾滑
手打虾滑打到起胶，所以食落好弹牙又保留到新鲜虾味。
手打鲜虾滑起晒胶，并保留到鲜虾味。
激多蟹籽·双重口感 | 手打蟹籽墨鱼丸
如果你钟意试新嘢，呢款丸滑几惊喜。手打墨鱼丸外层有满满蟹籽，就算放落汤滚完都无散开。一咬落去，蟹籽就会粒粒爆开，内里墨鱼丸又轻韧弹牙，做出双重口感。
手打蟹籽墨鱼丸。滚完仲系好多蟹籽，粒粒爆开做出双重口感。
滚爷火锅 (尖沙咀店)
地址: 尖沙咀金巴利道58-60号金碧阁地下A号舖
滚爷火锅 (旺角店)
地址: 旺角上海街428号地舖
