突然想喺铜锣湾食餐高质寿喜烧同Shabu Shabu，一时之间真系唔知点搵好。最近香港铜锣湾皇冠假日酒店全新装修，最新鲜滚热辣新开日本料理「天月」主打多款定食丶寿司丶刺身丶天妇罗等。为庆祝新店开业，仲有优惠价食限定寿喜烧同牛涮涮锅套餐，铜锣湾人又多间日本料理拣喇！
庆祝新店开业，推出限定和牛寿喜烧同涮涮锅套餐优惠。
个人对酒店出品嘅日本料理一直好有信心，因为日本料理好讲求食材质素，而酒店就一定用靓牛丶靓鱼，今次限定餐就用上鹿儿岛A4 和牛同澳洲M9 和牛，顶级食材先赢一仗。而「天月」最吸引嘅地方，除咗食物就系环境！因为全店以3间和式房间隔，每间和式房都有落地玻璃俯览铜锣湾闹市。食客可向餐厅预订包房，隐私度极高，疫情下都安心得多。
全店以和式房间隔，隐私度高。房内座位宽敞，疫情下可放心用餐。
「天月」遵循日本料理传统会每季转换餐单，以食物反映四季更迭，更突显出日本人不时不吃嘅识食态度。大厨就以日本直送新鲜食材入馔，制作传统和食—和牛便当丶宫崎吉列猪扒定食丶蒲烧鳗鱼饭等都可以喺度食到。
限定和牛寿喜烧／涮涮锅 超丰盛套餐
私心推介趁「天月」新开业就嚟一试，因为店家正推出嘅限定寿喜烧同牛涮涮锅套餐，两款套餐都有前菜丶2款刺身丶面豉汤同餐饮或甜品，份量丰富。而家营业时间由中午至晚上6点，想Chill 啲可饮住清酒慢食到黄昏。
鹿儿岛A4 和牛寿喜烧套餐
端上寿喜烧锅後，店员即以鹿儿岛A4 和牛脂开炉，即刻闻到和牛香～嗰种香气绝对会令隔篱枱食客都想Order 份寿喜烧㗎。然後店员会将和牛轻烤至粉红色，和牛油花细密丶入口即融，沾上日本生蛋液浆食口感更绵滑，肉味久留口中不散。
鹿儿岛A4 和牛寿喜烧套餐 (以上为二人份量)
鹿儿岛A4 和牛超大块，加埋优惠相当抵食。
店员以和牛脂丶大葱丶洋葱开锅，即刻闻到好香。
将和牛沾上日本生蛋浆，口感更绵滑。
寿喜烧酱汁＋清酒同煮 超丰盛蔬菜豆腐
和牛过後，店员会放入蔬菜同豆腐再浇上寿喜烧酱汁丶清酒同煮，蔬菜同时吸满和牛精华，轻甜得嚟又有酒香，平时少食菜嘅我都清锅！
锅中放入满满蔬菜同豆腐，浇上寿喜烧酱汁丶清酒轻甜有酒香。
澳洲M9 和牛涮涮锅套餐
锺意清新啲嘅话推荐和牛涮涮锅，大厨拣选结合日本和牛油香同美国牛肉浓郁嘅澳洲M9 和牛，食到鲜嫩肉质之馀，透过清爽昆布汤底突出牛味。若锺情和牛嘅油香，都可以加HK$200升级鹿儿岛A4 和牛㗎！
和牛涮涮锅除咗有弹牙乌冬，仲有外脆内QQ嘅日式麻糬，好锺意呢种烟韧口感呢！
澳洲M9 和牛涮涮锅套餐 (以上为二人份量)
新鲜蔬菜好清甜，更突出澳洲M9 和牛肉香。
招牌日式定食 杂锦刺身饭套餐
「天月」亦有多款日式定食，好啱附近返工人士趁Lunch Time 过日本料理瘾。全部定食都有前菜丶面豉汤丶咖啡同甜品，店家特别推荐杂锦刺身饭套餐，一次过食5种日本刺身，醋饭酸度恰好，相当高质。
杂锦刺身饭套餐
日本宫崎猪扒 吉列猪扒定食
吉列猪扒肉质松化，全因用上出名嫩中带松化嘅宫崎猪扒。外层炸得脆口丶厚薄适中，唔会畀炸浆盖过猪肉，配埋日本味噌秘制酱汁突出肉味，佐饭一流。
宫崎吉列猪扒定食
多款日式小食 惊喜小沙甸鱼榻榻米
定食之外，仲有多款日式小食。今次试咗3款小食，最有惊喜嘅系小沙甸鱼榻榻米，骤眼望落以为普通脆口小食，点知一入口系好香嘅鱼仔味，仔细一望先知成块脆饼都系由一条条小沙匐鱼而成，难怪炸物都可以咁有鱼香。
小沙甸鱼榻榻米
南瓜年糕 可爱鸟巢造型
呢道南瓜年糕一上枱已好吸睛，因为好似放上雀仔蛋嘅鸟巢般好可爱。一般日本料理嘅炸南瓜会加薯仔压成南瓜饼。今次大厨一反传统，以麻糬外皮包住南瓜蓉，食落外层烟韧丶内馅又有南瓜香。
南瓜年糕
日本传统前菜 三款渍物
虽然渍物从来唔系料理主角，但凭渍物嘅多变味道丶丰富营养始终於日本料理占一席地。呢道小食就一次过食到多款渍物，唔知你又最锺意边款？
三款渍物
高质日本料理外卖
除咗堂食，以上嘅定食套餐都可以外卖返屋企慢慢食，全部有面豉汤同甜品，相当抵食。
