【两大日本师傅坐阵】江户时代风格装潢铜锣湾日本料理新推介

真係好挂住日本啊！虽然暂时飞唔到，好在香港亦有唔少日本菜选择。今次推介嘅「一泷」就坐落于觅食热点铜锣湾登龙街，上到去先从江户时代风格嘅装修感受一下气氛，听住日文歌，再细味由两位福冈出身嘅日本大厨精心打造嘅各式料理，好有去咗日本嘅Feel啊。

餐厅装修走江户时代风格，选用木作为主要建材，展现和风氛围

餐厅由西村师傅及水崎师傅两位日本大厨主理，供应多款刺身、寿司、炉端烧、烧鸟、锅物。当中大量採用日本各地特色食材，包括佐贺金星黑豚肉、宫崎A4和牛、福冈三濑鸡等等。

供应各款日式料理之馀，亦有寿司吧可作席前厨师发办

惊喜前菜　松露薯仔泡泡

日式薯蓉沙律相当常见，师傅就将其改良，将薯仔打成入口即溶嘅泡沫状，加上半熟嘅温泉蛋同清爽多汁嘅青瓜粒一齐食，既保留到薯仔嘅软绵温醇，亦大大减低饱腻感！加上酥脆嘅日本薯片同松露提味，一试难忘。

一泷松露薯仔沙律

创意配搭　鳗鱼牛油果卷+芝士吉烈黑豚卷

多款创意卷物亦见心思，黑色嘅鳗鱼牛油果卷非常抢镜，其实係加咗墨鱼汁，将寿司返染色兼增添香气。捲起烧香嘅鹅肝同牛油果，油润软绵、令味道层次更为丰富。上面铺上大大块蒲烧鳗鱼，香味扑鼻、肥美软嫩。最后以青瓜片点缀，同时平衡油腻感。

鳗鱼牛油果卷

吉烈猪扒相信大家都食过，但做成卷物又会係点？师傅将柔软多汁嘅佐贺金星黑豚肉炸至金黄酥脆，以紫菜同饭捲起后加上自家调配嘅芝士酱汁，香浓嘅芝士味同黑豚嘅肉香好夹！口感层次丰富。

芝士吉烈黑豚卷

必食推介　三濑鸡一夜干+IFC

一夜干源自北海道，原为保存渔产而将食材风乾，师傅就谂到将呢个处理方法套喺烧鸟当中，将福冈三濑鸡全翼醃渍及风乾一晚，再原隻烧香，鸡皮会变得更脆，鸡肉风味亦会更突出！鸡中翼部分非常皮脆肉嫩，而鸡翼尖就最香脆最入味。

三濑鸡全翼一夜干 (每日限量供应)

黑色嘅Ichitaki Fried Chicken又名IFC，即係餐厅特製嘅唐扬鸡。选用嫩滑多汁嘅三濑鸡髀肉，醃製后裹上加入墨鱼汁嘅麵衣再油炸。黑色嘅麵衣增添香气，无骨鸡肉啖啖香脆鲜嫩。可以随喜好点少少自家沙律酱，酸甜醒胃。

一泷唐扬炸三濑鸡

打卡必点！棉花糖A4和牛寿喜烧

暖笠笠嘅锅物係唔少香港人嘅Anytime Favourite，何况呢度嘅和牛寿喜烧仲会加上棉花糖！师傅会先将自家调配嘅寿喜烧酱汁同新鲜蔬菜煮至半熟，上枱后煮滚再放上棉花糖，白色嘅棉花糖瞬间溶解喺汤汁当中，影相拍片一流之馀亦会增加甜香。配搭油花匀称、牛香浓郁嘅A4宫崎和牛，建议滚三秒左右，半熟再加生鸡蛋最软嫩啊。