今期推介一个高CP值+价钱合理+超班环境美食嘅好去处！
想要旅行feel，唔一定要book staycation咁麻烦嘅。位于20楼嘅“KABOOM”俨如尖沙咀空中花园。佔地两层，室内天花铺满长竹枝，配上石砖墙身、户外藤椅同木枱，再以悬挂藤灯点缀，好似置身海边酒吧嘅纯朴气氛。
落地玻璃可以饱览维港靓景～坐喺藤椅揽住厚咕𠱸好chill。无论系食Lunch、Happy Hour定夜晚同朋友饮酒食饭都一流嘅all-in-one casual dining好地方呀！
顶楼室外空间则放满阳草伞、宽敞藤椅，配上芬兰木材、藤料塑造满满外国气氛，远离繁嚣。开扬环境更可欣赏维港海景，好啱闺蜜约会又或三五知己饮酒慢活。
估唔到户外都咁凉爽好风，就算怕热都唔使担心。不过大家要注意落雨天唔会开放㗎，订枱前留意一下天气预报～
嚟到望住维港靓景，梗系轻酌两杯先啱气氛啦。所以调酒师设计咗12款打卡cocktail；并由外籍主厨设计多款小食、主菜。
【外籍主厨设计】东南亚风酒吧料理
呢度气氛好啱饮酒倾计，所以有好多sharing佐酒小食，好似去咗cocktail party咁。
Tuna Cups | 吞拿鱼杯
新鲜吞拿鱼加上芝麻酱，每件挞都好爆馅料，一啖一件好方便。
Kaboom Sharing Platter | 小食拼盘
呢度嘅小食拼盘好抵食，份量丰富足够2-3人分享。有鸡翼、鸡尾酒虾、串烧、毛豆，仲有烘法包可以蘸酱食。
Rice Paper Rolls | 米纸捲
好钟意米纸捲Q弹口感，入面包满虾、萝卜、生菜、青瓜、芒果，新鲜配料清新健康，配埋柠檬草同甜辣酱好开胃，闺蜜聚会必食。
Satay Skewer | 沙嗲串烧
串烧有猪肉、鸡肉拣，烧到好外脆内嫩，好钟意佢够厚肉同juicy。沙嗲酱好香花生味，蘸满酱食劲惹味。
唔好以为“KABOOM” 只得小食出色，佢地既主食都好吸引㗎！
Chargrilled Beef Strip with Roasted Vegetable and Gravy
炭烤牛肉 配烤蔬菜及肉汁
炭烧牛肉最重要keep到肉汁，有原始肉味咸香。而且蔬菜都系轻烤，上枱时仲好清爽翠绿，蘸少少肉汁食好正。
Beef Rendang Open Ravioli with Braised Tender Beef Bites
巴东牛肉配义大利馄饨
Ravioli系义大利馄饨其中一种，多数都系方型小馄饨。今次大厨就将Ravioli巨大化，变成一大件嘅Open Ravioli。充满蛋香嘅馄饨皮，入面系满满巴东牛肉馅料。
食嗰阵将浓郁辛辣嘅嫩牛肉，连埋馄饨皮、乾酪一齐食，口感好似义大利馄饨同义大利千层面之间，好有新鲜感。
Typhoon Shelter Style Crab Pasta | 避风塘软壳蟹意粉
外籍大厨创作咗唔少fusion菜，软壳蟹意粉就系其中之一喇。大厨将避风塘辣椒，撞上东南亚风味香茅、青柠等，惹味香口又几清爽，饮酒一流呀。
Tom Yum Gong Risotto with Seafood Galore | 冬荫功烩饭配海鲜
呢度嘅峇里度假风，就令人想食啲酸酸辣辣料理。呢道冬荫功烩饭酸辣浓郁，加埋满满海鲜—大虾、扇贝、软壳蟹好鲜甜。饮啖热汤，再食件清爽莲藕片解吓辣几正。
【Lunch Menu】下昼都有饮酒地方啦
Lunch Menu都几丰富，有前菜、主菜或者追加小食都得，有时下昼想约friend食嘢饮吓酒就啱晒啦。
Slow-cooked Chicken Thigh | 慢炖鸡腿
慢炖煮法将鸡髀煮到好入味，就算咁厚肉都完全唔韧。配上微酸特制番茄汁劲佐饭，好快就食到清碟啦。
Pan Seared Sole Fillet | 香煎龙脷柳
下昼唔想做食肉兽，食吓鱼都唔错㗎。龙脷柳煎得金黄，鱼肉都几嫩滑，配埋峇里风嘅辣椒椰子酱拌饭好正。
【专业调酒师 | 即场调制你嘅专属鸡尾酒】
招牌Cocktail “KABOOM”
试想像喺空中花园星空下，微醺閒聊真系好浪漫。调酒师以独特手法调制招牌鸡尾酒“KABOOM”，系一杯以奶茶做主调嘅鸡尾酒嚟㗎。
12款独家Cocktail 以酒表达心情
同场特调12款独家鸡尾酒都好IGable，全部都系以心情主题创作，想表白又无勇气、憎对方又唔敢讲出口？喺度以酒寄意啦～
"If Not Now, When?" 以班兰为主调，入口好refreshing。
Pho"Damn Pissed Off!" 罕有份子料理鸡尾酒，再配热情果同菠萝汁。浴缸外型都好特别，「冲完凉」一定好心情啦！
"Life Sucks, Let’s Get Drunk!" 外型同味道都好椰子。正如其名…唔使讲咁多喇，饮啦！
KABOOM
地址: 尖沙咀北京道12A号太子集团中心20楼
电话: 37088114