街机真系8、90后童年回忆，几位90后开设嘅酒吧餐厅「基地」就将打机回忆变成霓虹灯，店内挂满食鬼、GAME OVER灯牌，仲有萤光graffiti大玩地道元素。
一入门口就有卡位。
90后老板坦言：「如果个地方自己都唔钟意，人哋点会钟意？所以想呢度设计得年轻好玩，嚟到系成班朋友玩得开心，又有好嘢食」当你细心留意，店内好多设计细位都好有心思，「呢度嘅霓虹灯每几个月就换一次，全部都系自家设计，以玩味同地道为主要概念。每到夜晚10:30后霓虹灯以外嘅灯都会熄，好靓好有气氛。」
细心留意会揾到好多玩味惊喜。
订座优惠！
只要经OpenRice订座，即享全单88折 |
轻松气氛 饮酒食法国菜
呢度唔只有得饮酒，仲请嚟法国菜大厨煮制料理，终于可以轻轻松松食餐法国菜，唔使咁拘谨喇。
【必食】
传统法式鸡饭 鹅肝+羊肚菌
特别系一开业就爆人气嘅法式鸡饭！依法国传统煮法，用鸡油代替牛油，再用法国黄酒、羊肚菌慢煮3小时先做到鸡肉咁嫩又有酒香。食之前捞匀鹅肝粒、羊肚菌、鸡油一齐食超正！之前大份量版本要600几蚊，而家有$288/1-2人份量，价钱抵咗又可以留肚试多几款。
龙虾扁意粉 龙虾膏系「天然味精」？
本身咁大只龙虾已经好抢眼，意粉汁仲系用龙虾头煮成，连意粉都好浓虾味㗎！大厨更将龙虾膏形容为「天然味精」，因为佢将龙虾膏高温焗干后再捞入意粉，好似落咗味精咁咸香呀。
香煎鹅肝多士+Q弹啫喱
鹅肝系传统嘅外脆内嫩，惊喜之处反而系侧边嘅柚子啫喱，代替咗平时用作解腻嘅水果，啫喱Q弹微酸更加过瘾。
西班牙猪肩 慢煮16小时
猪肩肉味以58°C慢煮咗16小时，可以想像几咁软腍，肉味仲好浓。
【最新鸡尾酒】
驻场调酒师会keep住推出新酒，之前好有玩味嘅Another Kung Fu Cha仲好IGable𠻹。今次新出嘅cocktail就有Green One Minchee，以荔枝酒、柠檬汁、薄荷糖浆、绿茶、梳打水调配，入口微酸再渗出清爽薄荷味，好有东南亚风味。而mocktail则有呢杯Chocoberry，有草莓、朱古力、牛奶、蔓越莓汁、盐，绵滑轻甜好啱女仔饮。
(左)Green One Minchee、(右)Chocoberry
基地
地址: 尖沙咀山林道29-31号广利楼地下A号舖
电话: 23613118