呢度有多款阿根廷牛扒拣。
阿根廷牛扒咁经典，但香港嘅阿根廷扒房真系唔多，“La Parrilla Steakhouse”就系其中一间喇。呢度以深色木、砖墙营造出外国气氛，特别系天花木条好似欧洲小屋。想静静地倾计可以book窗边位，木框大窗眺望大馆好舒服。
环境好似欧洲小屋。
窗边位开扬有情调，好啱倾计。
猛火还原阿根廷牛扒！焦脆爆肉汁
大厨系用阿根廷传统做法，利用扒炉猛火锁住肉汁。牛扒外层焦脆有种BBQ炭烧感觉，切开肉质仲好粉嫩juicy。而且少见扒房配上6种酱汁，个人觉得一定要食啖原始肉味先慢慢试唔同酱，眨吓眼就清晒成件扒喇。
阿根廷传统做法用猛火锁住肉汁。
Flank Steak
平时好多人会拣肉眼扒，最近大厨就引入Flank Steak腹胁扒，无多馀脂肪、肉感强劲，牛味愈咬愈浓㗎。
Flank Steak肉味强劲，无多馀脂肪。
香烤牛骨髓 惊喜重牛味
好多牛控都钟意重肉味，除咗头先提到嘅Flank Steak，呢道香烤牛骨髓一定好有惊喜！大厨洒上蒜、香葱焗至金黄色，一开头以为食佢嘅惹味同滑溜溜口感，估唔到一入口就爆出牛味，一次过冲撃嗅觉、味蕾、口感。
牛骨髓唔只口感滑溜溜，仲会爆发牛味。
最近“La Parrilla Steakhouse”设计新menu，除咗继续有阿根廷牛扒，仲引入多款海鲜～猛火扒炉烧海鲜固然吸引，同时仲有刺身级海胆㗎。
烧烤海鲜拼盘
估唔到海鲜份量咁多！2至3人share都好满足。大厨会即日引入时令海鲜，所以每日款式都唔同㗎。今次我哋就食到超大只Q弹嘅八爪鱼脚，仲有带子、大虾、原条烧鱼。海鲜有种淡淡炭香，沾上阿根廷青酱轻辛辣好惹味，饮酒一流。
烧海鲜拼盘好大份量，几个人share都好满足。
海胆义大利面
作为海胆fans梗系试埋呢道意粉。加拿大海胆同鱼子酱都系好足料，今次配上弹牙嘅墨汁意粉，无Ceviche咁重酸味，反而令海胆成为主角，海水味更突出。
意粉铺满海胆。
吞拿鱼Ceviche
拉丁美洲有种独特煮法—Ceviche。严格嚟讲唔系煮，而系利用柠檬汁酸度「醃熟」鱼肉，好keep到鱼肉原始鲜嫩味道。传统做法会加入洋葱、辣椒比较惹味。
Ceviche系拉丁美洲有种独特煮法。
慢煮鸡胸乾酪奶油汁濶条面Chicken Alfredo
慢煮鸡胸肉，非常嫩滑，完全唔鞋口，白汁充满巴马臣乾酪及橄榄油香气，配上濶条面，而每条面条好弹牙, 当中既奶酪亦减低腻感。佢唔会落好多奶油同乾酪，令酱汁完全唔腻口
Burrata
将新鲜原种蕃茄加埋布拉塔乾酪再混合罗勒酱, 开胃又健康, 望落去都想食, 蕃茄控不二之选.
Tasting of Empanadas
嚟到阿根廷扒房自然想食啲地道嘢啦，呢度前菜有当地常见嘅馅饼Empanadas。外形好似饺子咁，但外层就比较硬脆好有咬口，内里则有满满馅料—阿根廷牛肉、烤鸡，同埋最新推出菠菜菲达乾酪。
Empanadas系阿根廷地道料理，有满满馅料。
烤蘑菇
阿根廷料理比较浓郁，想清爽吓可拣烤蘑菇，简单煮法反而更突出菌香。
烤蘑菇简单健康。
Churros
最后就有当地经典甜品Churros。即叫即炸，外层洒满肉桂糖，又甜又香脆。
地道经典甜品Churros。
La Parrilla Steakhouse
地址: 中环云咸街77号嘉兆商业大厦1楼
电话: 26378555