【一人食都得!】反传统中菜 Lunch套餐必试三黄鸡
中菜好讲求手艺,小至点心嘅包烧卖;大至主菜嘅炆头腩,都需要学师多年先出到大场面。铜锣湾呢间上楼中菜馆「颜府御膳」就由大师傅主理,并於传统中菜加入新元素,重新演绎各道经典菜式,估唔到食咗咁多年中菜都仲有惊喜。

而家推出嘅「颜府尝味午餐菜谱」一人份量都有头盘丶老火汤丶主菜同甜品只系HK$180,就算一个人心血来潮想嚟叹吓茶丶食小菜,都唔会惊唔知点嗌嘢食。

头盘7选1

胡麻豆腐/口水鸡/凉拌窝笋丝/虅椒云耳/红椒汁露笋虾饺/脆皮麻辣烧卖/远年陈皮上汤浸牛肉球


份量过足口瘾 口水鸡
口水鸡份量唔细,加埋後续嘅主菜,一个人食都好似试到2款小菜咁。口水鸡系将嫩鸡起骨,再加秘制口水鸡酱而成,微辣香口,冬天食舒畅暖身。

比花椒更香更麻 藤椒云耳
坊间好多餐厅都选用花椒,而今次食到嘅藤椒就比花椒更麻,又唔会有花椒嘅天然苦涩味。意即辣得嚟更麻更香,配清爽云耳食就啱晒,嗜辣者可专注享受呢种又麻又辣感觉。

必试招牌!麻辣脆皮烧卖
唔少烧卖控都锺意沾辣油,呢个麻辣脆皮烧卖辣得嚟但一滴辣油都见唔到。因为师傅一反传统将特制辣油混合烧卖皮搓制,所以一咬开超脆外皮即渗出麻辣味,麻香越咬越突出,几有惊喜。

升级牛肉球!远年陈皮上汤浸牛肉球
远年陈皮同上汤,完全颠覆经典牛肉球。先饮一啖上汤暖胃,再将陈皮连埋牛肉球入口,新鲜牛肉正常发挥爽弹得嚟有肉感,唔会出现坊间「粉多过肉」感觉。最精妙之处,系陈皮香相当抢眼,丰富咗牛肉球味道同口感层次,锺意传统点心嘅话推荐一试。

头盘过後,就有每日用时令材料熬制嘅老火汤,例如早前大获好评嘅野葛菜煲生鱼汤。师傅每朝返嚟第一件事就系开火熬汤,大家到咗午市就可以饮到喇!

主菜6选1

伴水芹香/凉瓜豉蒜炆头腩/农家乳香黑豚肉/野菌烧汁和牛/荷香鲜沙姜陈皮生煎鸡焗饭/XO酱虾乾肉碎炒芥兰 (各款主菜附送丝苗一碗)


新鲜龙趸 凉瓜头蒜炆头腩
好多长辈都锺意食嘅凉瓜头蒜炆头腩,系用40斤新鲜龙趸炆制,比一般鱼肉更扎实,嫩滑得嚟又弹牙。豆豉丶凉瓜亦将鱼油香引味,真系深海鱼先有嘅独特口感同味道。

西班牙黑豚肉 农家乳香黑豚肉
西班牙黑豚肉肉质比一般猪肉更嫩,而且油脂丰富唔腻,锺意又嫩又重肉味嘅可拣呢道主菜。大厨亦以咸香微辣南乳吊味,佐饭一流。

唔平凡家常菜 野菌烧汁和牛
使用嘅澳洲和牛有大草地畀牛只自然放牧,所以牛肉纤维更丰富,咬落更有口感有肉味。配埋新鲜野菌丶自家制烧汁就完成呢道唔平凡嘅家常菜。

皮脆三黄鸡 荷香鲜沙姜陈皮生煎鸡焗饭
个人觉得呢个焗饭好值得一试,本身冬天食荷叶饭已经好满足!加上今次系用出名皮薄脆口丶肉嫩味浓嘅三黄鸡,而且将鸡骨全起再配埋鲜沙姜丶远年陈皮一齐煎煮,啖啖荷叶饭香+无骨鸡肉,一般蒸鸡饭真系无得比。

滋补甜品
最後仲有甜品南北杏雪耳炖万寿果,系用泰国木瓜丶雪耳丶南北杏清炖,乾燥冬天滋润养生一下。

同场加映 脆皮黄油塩香鸡
套餐以外想单点三黄鸡,仲有呢道脆皮黄油塩香鸡。原只黄油鸡油浸15分钟,再用滚油淋至鸡皮脆口即上碟,更突出三黄鸡皮薄脆口嘅卖点。

颜府御膳
地址: 铜锣湾开平道1号Cubus 5楼
电话: 28990055
* 资料由客户提供