Chotto Maki (漢威大廈) (已結業)

日式卷物與壽司同樣是最普及的日本料理，但卷物的創作空間與自由度卻是壽司遙不可及，而CHOTTO MAKI正正將卷物的靈活多變發揮得淋灕盡致。繼灣仔及中環兩間分店後，去年終於進軍九龍區於尖沙咀開返新店，相比曾經到過的灣仔店，尖沙咀店面積更大之餘裝潢亦別樹一幟，內牆則以復古鮮紅色為主調，加上「井」字型天花燈箱及日本紙扇造型枱燈充滿和風情懷。餐牌方面比起灣仔店開業初期選擇更多元化，另外更有D24榴槤壽司卷、手工日式雞漢堡飯、Chotto Poke等全新產品。Spice Me Up ($72)鰻魚作為主角脫穎而出，另外配有碎帶子、青瓜絲及乾海草，辣蛋黃醬酸甜當中略帶辛辣，最特別之處莫過於加上蘋果啫喱更加清新。Sea Monster ($68)蟹柳、炸蝦及青瓜絲同樣份量十足，材料相對清淡故配以較為濃郁的鰻魚汁及自製醬正是天衣無縫，表面舖上櫻花蝦及炸蒜增添多一份鹹香與脆感，再綴以紫薯粉賣相更為精緻。Ebi-taiko ($60)中卷比大卷輕巧得多但依然真材實料，餡料以炸蝦、青瓜絲及炸芋片為主口感爽脆，加上明太子醬及少量鰻魚汁，明太子鹹鮮味濃向來立於不敗之地。

天氣熱，想食啲涼涼哋嘅壽司做晚餐，就去咗尖沙咀嘅Chotto Maki 買外賣。佢哋嘅壽司比起傳統日式壽司創新，而且會用到唔同嘅蔬果，格外清新。我揀咗Westcoast ，有碎吞拿魚同辣三文魚，都係我最鍾意嘅魚。上面係三文魚，下面係吞拿魚，加埋一齊令壽司啖啖肉好鮮美，辣辣地又夠惹味，加上酸瓜調味，食落有幾個層次嘅味道。第二款壽司Philadelphia 有三文魚、牛油果、同忌廉芝士，聽到都覺得好creamy 好滿足。餐廳拿捏得好好，食落都唔會覺得太膩口，每啖都好清新，絕對值得一試！最後就係Spice Me Up ，有鰻魚、碎帶子，仲有蘋果啫喱。鰻魚好彈牙，仲有青瓜好爽口，加埋酸酸地嘅蘋果啫喱，消滯又開胃。食到飽飽，不過係二百蚊左右～

係尖沙咀basehouse買完麵包🥯，個fd話想食壽司，咁岩見到隔離就係壽司店，就唔諗入咗去食🤣。店舖以紅色墨綠色為主軸，有2張大圓枱同吧枱位置，兩個人食個下午茶都不錯。-💕 Spice Me Up $72鰻魚,碎帶子,青瓜絲,乾海草,蘋果啫喱,辣蛋黃醬👅好味指數：7/10大件好飽肚😂鰻魚軟腍冇骨，青瓜絲同乾海草口感清新爽脆，好多料好豐富，配埋蘋果啫喱同辣蛋黃醬，味道甜甜辣辣😋。-💕 Ebi-taiko $55炸蝦,青瓜絲,炸芋片,明太子醬, 鰻魚汁👅好味指數：7.2/10一盒8件都好抵食❗️炸蝦彈牙帶微脆口感，配明太子醬同鰻魚汁，食落都唔會太濃味😋。-💕 westcoast $55👅好味指數：7.5/10碎吞拿魚,酸黃瓜,辣三文魚,黑芝麻醬,炸蒜好有創意❗️卷內係碎吞拿魚同酸黃瓜餡，卷上先放辣三文魚🤣辣味同黑芝麻醬味都唔算岀，食唔到辣都食得，味道重點偏向係吞拿魚到，吞拿魚嫩滑鮮甜☺️。-環境：8/10服務：8/10整體味道：7/10回頭率：7/10

先前去海港城，經過呢間專門售賣日式卷物的餐廳已經好想試下。今次咁啱經過，一於入去買返個外賣當晚餐!見到店舖裝潢用上大膽復古配色，顏色以紅色同藍色為主，同時亦帶有日本庭園風設計，令人耳目一新。<Spice me up> $78呢個大卷黎架。一共有四塊，配料有鰻魚、碎帶子、青瓜絲、乾海草、蘋果啫喱和辣蛋黃醬。因為有青瓜絲嘅緣故，卷物感覺清新，但同時辣蛋黃醬味道相當突出，所以食落亦都幾開胃，層次豐富。<Philadelphia> $78餐廳除咗大卷之外，仲有一啲中卷款式。呢款卷物材料分別有三文魚、忌廉芝士、牛油果、飛魚子、蛋黃醬和鰻魚汁，本身牛油果同三文魚嘅配搭好夾，加埋濃厚忌廉芝士同惹味蛋黃醬、鰻魚汁，味道濃郁，而橙黃色飛魚子顆粒更為卷物增加咗唔少口感。<Combo set b> $42如購買卷物，即可加錢買combo set，小編揀咗set B，分別有吞拿魚壽司2件、吞拿魚細卷2件&味噌湯。吞拿魚質素不錯，味噌湯熱辣辣，飲落好暖胃。